Lalai 4:2 - ŊMALƐ KRƆŊKRƆŊ LƐ

² Nyɛ gbɔmɛi adesai, mɛɛ beyinɔ nyɛaagbe minunyam lɛ he guɔ kɛyaashi? Shii enyiɛ nɔŋŋ ni nyɛaasumɔ yakanii ni nyɛaatao amale sɛɛgbɛ?

Ṅmãle̱ Kroṅkroṅ Le̱

² Ké̱ mitšé̱ le̱, heremo̱mi no̱, midšale̱ Nyoṅmo̱! Ké̱ efĩmi le̱, bo ofẽneo̱mi; nami mo̱bo̱, ni obo mifaikpamo̱ toi!

Lalai 4:2 ပူးပေါင်းရင်းမြစ်များ

Lalai 106:20

Amɛŋɔ anunyam lɛ ni sa Nyɔŋmɔ lɛ amɛhã tsina ni kpeɔ jwɛi amãgã lɛ moŋ.

Lalai 14:6

Nɔfɔŋfeelɔi aaanyɛ afite ohiafo yiŋtoo nɛ; shi kɛ̃lɛ Yehowa ji ebobaahe.

Lalai 2:1

Mɛɛba majimaji lɛ toɔ atuatsemɔ he ajina? Ni maŋbii lɛ kpãŋɔ kpãŋmɔi fɔ̃ji?

Lalai 3:3

Shi Yehowa, bo ji mihebuu tsɛŋ, bo ji minunyam, bo ohãa mihiɛ baa nyam.

Lalai 31:6

Minyɛɔ mɛi ni kɛ amɛhiɛ fɔ̃ɔ yaka amãgãi anɔ lɛ, shi mi lɛ, Yehowa nɔ mihiɛ kã.

Lalai 5:6

Okpãtãa amalelɔi ahiɛ. Lashishwielɔi kɛ shishiulɔi lɛ Yehowa miihi amɛ.

Lalai 50:15

Tsɛ mi yɛ fimɔ gbi lɛ nɔ! Majie bo, ni ooowo mihiɛ nyam.”

Lalai 57:4

Mikã jatai ni kɛ hɔmɔ tserɛɔ gbɔmɛi amli ateŋ. Amɛnyanyɔji lɛ akplɔi kɛ gãimlibii ni; ni amɛlilɛii lɛ klantei ni naa ba ni.

Lalai 58:1

Nyɛ lumɛi, aso nyɛbuɔ atɛŋ yɛ jalɛ naa lo? Ani nyɛkojoɔ gbɔmɛi abii fɛɛ yɛ jalɛ naa lo?

Lalai 58:3

Mɛi fɔ̃ji gbaa jwɛi kɛjɛɔ musuŋ beebe; kɛji ashwie amɛ shi nɔŋŋ pɛ amɛbɔi malemɔ.

Lalai 63:11

Shi maŋtsɛ lɛ aaanya yɛ Nyɔŋmɔ hewɔ. Mɔ fɛɛ mɔ ni woɔ shi yɛ Nyɔŋmɔ gbɛi mli aaanya, ejaakɛ aaahã amalelɔi amua amɛnaa.

Lalai 72:2

Hã ekojo omaŋ lɛ yɛ jalɛ naa koni eye jalɛ sane ehã omɛi ni ji ohiafoi.

2 Mose 10:3

Kɛkɛ ni Mose kɛ Aaron tee Farao ŋɔɔ, ni amɛyakɛɛ lɛ akɛ, “Bɔ ni Yehowa, Hebribii aNyɔŋmɔ lɛ, kɛɛ nɛ, ‘Mɛɛ beyinɔ po oookpɛ̃lɛ koni oba ohe shi ohã mi? Hã mimaŋ lɛ aya koni amɛyaja mi.

Abe̱i 1:22

Oo, nyɛ mɛi ni nyɛjwɛŋmɔ naa waaa, mɛɛ beyinɔ nɔŋŋ nyɛaahiɛ nyɛkwashiafeemɔ nɛɛ mli kɛyashi? Ni mɛɛ beyinɔ nɔŋŋ kwashiai hu aaanyɛ nilee kɛyashi?

Jajelɔ 8:11

Akɛ ni awooo esha he nyɔmɔ oya hewɔ lɛ, gbɔmɛi ahe ehomɔ kɛ efɔŋfeemɔ.

Jajelɔ 9:3

Nɔ ko ni ejaaa yɛ nii fɛɛ ni afeɔ yɛ je nɛɛŋ ji akɛ mɛi fɛɛ anaagbee afee ekome. Gbɔmɛi atsuiiaŋ eyimɔ obɔ̃bɔ̃ kɛ efɔŋ kɛ sɛkɛyeli nifeemɔi, beiaŋ ni amɛyɔɔ walaŋ, shi no sɛɛ lɛ amɛgboiɔ, ni amɛyaa gbohiiaje.

Yesaia 20:5

Kɛkɛ lɛ amɛaahao ni amɛnaa aaakpɛ amɛhe yɛ Kush ni amɛkɛ amɛhiɛ fɔ enɔ lɛ kɛ agbɛnɛ Ijipt hu ni amɛshwã amɛfɔ enɔ lɛ hewɔ.

Yesaia 45:17

Shi Yehowa aaahere Israel yiwala kɛya naanɔ; nyɛhiɛ gboiŋ, ni asaŋ nyɛhiɛ eshwieŋ shi kɔkɔɔkɔ kɛyaashi naanɔ.’ ”

Yesaia 59:4

Mɛi ni asane ejaaa lɛ moŋ ji mɛi ni samaa mɛi, ni mɔ ni sane bɛŋ moŋ ni kɛ sane yaa kojomɔ sɛi hiɛ; ejaakɛ amɛkɛ amɛhiɛ fɔ̃ɔ amale naajiemɔi anɔ, ni amɛtoɔ abla; amɛtoɔ yiŋ sha, ni no kɛ nɔshafeemɔ baa.

Yeremia 2:11

Ani maŋ ko yɛ ni etsake enyɔŋmɔi pɛŋ? Tsɛbelɛ nakai nyɔŋmɔi lɛ jeee fɛifɛi! Shi miwebii lɛ kɛ amɛnunyam lɛ etsake nii ni he bɛ sɛɛnamɔ.

Yeremia 2:5

Yehowa kɛɛ akɛ, “Mɛɛ tɔ̃mɔ nyɛtsɛmɛi lɛ na yɛ mihe; hewɔ ni amɛtse amɛhe yɛ mihe kɛtee flɛŋŋ, ni amɛyadi yakayakanii asɛɛ ni ehã amɛtsɔ̃mɔ yakayakanii nɛɛ?

Yeremia 9:3

Amɛlilɛi edɔrɔ tamɔ gãitso; amale ehe shi waa yɛ shikpɔŋ lɛ nɔ fe anɔkwayeli moŋ. “Amɛjɛɔ nɔ fɔŋ kome he kɛyaa ekroko he, ni amɛleee mi po.” Yehowa kɛɛ.

Hosea 4:7

“Bɔ ni amɛ, osɔfoi lɛ, ayi faa lɛ, nakai nɔŋŋ amɛfeɔ esha babaoo amɛshiɔ mi; ni no hewɔ lɛ, mibahã amɛhiɛ nyam lɛ atsɔ̃ hiɛgbele.

Yona 2:8

Mɛi ni jaa yaka amãgãi lɛ, amɛyeee bo anɔkwa.

4 Mose 14:11

Yehowa kɛɛ Mose akɛ, “Mɛɛ beyinɔ nɔŋŋ maŋ nɛɛ aaakwa mi kɛyashi? Mɛni shwɛɔ dɔŋŋ dani amɛaahe minɔ amɛye yɛ nibii fɛɛ ni mifee mikɛto amɛ okadii lɛ asɛɛ?

Bɔfoi 24:9

Ni Yudafoi lɛ hu ká mli wao ni amɛkɛɛ akɛ saji nɛɛ yɛ mli nakai.

1 Korintobii 1:31

koni, tamɔ bɔ ni aŋma lɛ, “Mɔ ni shwãa lɛ, eshwã efɔ Nuŋtsɔ lɛ nɔ.”

Efesobii 4:25

No hewɔ lɛ, nyɛshɛa amale nyɛfɔa ni nyɛteŋ mɔ fɛɛ mɔ kɛ enaanyo awie anɔkwale, ejaakɛ gbɔmɔtso kome henii ji wɔ.

1 Samuel 12:21

Nyɛkagbaa afã kɛyanyiɛ yaka nibii ni ahe bɛ sɛɛnamɔ ni asaŋ nyɛɛɛ mɔ yiwala ahere lɛ asɛɛ; ejaakɛ yaka nibii ni.