Lalai 39:1 - ŊMALƐ KRƆŊKRƆŊ LƐ

¹ Mikɛɛ akɛ, “Male mihenɔkwɛmɔ koni mikɛ mililɛi akafee esha. Mawo minaabu manyoflɛ; be mli ni mɛi fɔ̃ji yɔɔ mihiɛ nɛɛ.”

Ṅmãle̱ Kroṅkroṅ Le̱

¹ David lala ní eke̱-hã lalatše̱ nukpa *Iedutun le̱. *1 Kron. 25,1. 3.

Lalai 39:1 ပူးပေါင်းရင်းမြစ်များ

1 Maŋtsɛmɛi 2:4

Kɛkɛ lɛ shi ni Yehowa wo mi lɛ baaba mli. No ji, ‘Kɛji oshwiei lɛ kɛ amɛtsui fɛɛ kɛ amɛsusuma fɛɛ aaaba amɛjeŋ yɛ mihiɛ, ni amɛaaye mi anɔkwa lɛ, no lɛ nuu ni aaaye maŋtsɛ yɛ Israel ebɔŋ bo.’

2 Maŋtsɛmɛi 10:31

Shi kɛ̃lɛ Yehu ediii sɛɛ ni eye Yehowa, Israel Nyɔŋmɔ lɛ, mla lɛ nɔ kɛ etsui muu lɛ fɛɛ. Efɔ̃ɔɔ eshai ni Yeroboam fee ni ekɛtɔ̃tɔ̃ Israel nane lɛ feemɔ.

1 Kronika 16:41

Mɛi ni ahala afata amɛhe ji Heman kɛ Yedutun kɛ mɛi krokomɛi hu ni aje gbɛ ahala amɛ akɛ amɛla kɛda Yehowa shi yɛ esuɔmɔ ni tsakeee kɛmiiya naanɔ lɛ hewɔ.

Hiob 2:10

Hiob kɛɛ eŋa lɛ akɛ, “Oowie tamɔ bɔ ni yei kwashiai lɛ wieɔ lɛ. Nɔ kpakpa lɛ wɔhe kɛjɛ Nyɔŋmɔ dɛŋ. Mɛɛba ni nɔ fɔŋ lɛ wɔkahe?” Enɛ fɛɛ mli lɛ, Hiob naa tɛɛɛ shi, ni ewieee wiemɔ gbonyo ko.

Lalai 119:9

Te oblanyo aaafee tɛŋŋ, ni eeehã ejeŋba he atse hu? No ji akɛ ekwɛ ehe nɔ jogbaŋŋ yɛ owiemɔ lɛ naa.

Lalai 12:4

mɛi hu ni kɛɔ akɛ, “Wɔkɛ wɔlilɛi aaana nɔ ni wɔtaoɔ. Wɔnaabui lɛ wɔ diɛŋtsɛ wɔnɔ ni. Namɔ yeɔ wɔnɔ Nuŋtsɔ?”

Lalai 141:3

Oo Yehowa, wo mililɛi manyoflɛ; ni ahã mamɔ minaabu mli.

Lalai 34:13

Mɔ olilɛi mli ni ekafee efɔŋ; mɔ onaabu hu mli ni ekamale.

Lalai 62:1

Nyɔŋmɔ pɛ ji mɔ ni misusuma efee kpoo emɛɔ nɛɛ; lɛ edɛŋ miyiwalaheremɔ jɛɔ.

Lalai 77:1

Mibolɔɔ waa mitsɛɔ Nyɔŋmɔ, mitsɛɔ Nyɔŋmɔ waa akɛ ebo mi toi!

Abe̱i 18:21

Gbele kɛ wala yɛ gbɔmɔ lilɛi dɛŋ; amɛteŋ nɔ ni gbɔmɔ sumɔɔ lɛ no eŋɔɔ.

Abe̱i 21:23

Mɔ ni mɔɔ enaabu kɛ elilɛi mli lɛ, ejieɔ ehe kɛjeɔ haomɔ mli.

Amos 5:13

No hewɔ lɛ, mɔ ni le nii lɛ, efeɔ diŋŋ nɛkɛ be mli, ejaakɛ be lɛ be fɔŋ ni.

Kolosebii 4:5

Nyɛbaa nyɛjeŋ yɛ nilee mli yɛ mɛi ni yɔɔ sɛɛ lɛ ahiɛ, ni nyɛtsu nyɛbe he nii.

Hebribii 2:1

No hewɔ lɛ, esa akɛ wɔjwɛŋmɔ ahi nii ni wɔnu lɛ anɔ jogbaŋŋ, koni wɔkakplaŋ kɛje he be ko.

Yakobo 1:26

Shi kɛ efeɔ mɔ ko akɛ Nyɔŋmɔ jalɔ ji lɛ, ni ewooo elilɛi manyoflɛ, shi moŋ eshishiuɔ ehe lɛ, nɛkɛ gbɔmɔ nɛɛ jamɔ lɛ, yaka ni.