Lalai 37:3 - ŊMALƐ KRƆŊKRƆŊ LƐ

³ Ŋɔɔ ohiɛ ofɔ̃ Yehowa nɔ ni ofee nɔ kpakpa, bɔ ni afee ni ohi shikpɔŋ lɛ nɔ shweshweeshwe.

Ṅmãle̱ Kroṅkroṅ Le̱

³ Ṅõ ohĩe ofo Iehowa no̱, ni ofe ekpakpa; *hī šikpoṅ le̱ no̱, ni oye ano̱kwa; *K. 27.29.

Lalai 37:3 ပူးပေါင်းရင်းမြစ်များ

1 Mose 26:2

Shi Yehowa jie ehe kpo etsɔ̃ɔ Isak ni ekɛɛ: “Kaaya Ijipt; shi hii shi yɛ shikpɔŋ ni matsɔ̃ɔ bo lɛ nɔ;

1 Mose 26:3

too gbɔ yɛ shikpɔŋ nɛɛ nɔ; ni mikɛ bo aaahi shi, ni majɔɔ bo, ejaakɛ bo kɛ oshwiei mikɛ nɛkɛ shikpɔŋ nɛɛ fɛɛ baahã,

1 Maŋtsɛmɛi 19:6

Elia kwɛ ehe, ni ena aboloo ni ashã yɛ tɛi ni edɔ anɔ kɛ kpulu kɛ nu ma eyitsogbɛ. Eye nii lɛ, ni enu nu lɛ, kɛkɛ ni eho ekã shi ekoŋŋ.

Lalai 26:1

Oo Yehowa, buu mi bem, ejaakɛ miiba mijeŋ jogbaŋŋ, ni mikɛ mihiɛ fɔ̃ɔ Yehowa nɔ kwraa ni migbaŋ afã.

Lalai 33:19

Yehowa aaajie amɛ kɛaaje gbele mli, ni eeehã amɛyi ana wala yɛ hɔmɔ be mli.

Lalai 4:5

Nyɛshãa afɔlei ni sa, ni nyɛŋɔa nyɛhiɛ nyɛfɔa Yehowa nɔ.

Lalai 62:8

Nyɛ maŋbii, nyɛkɛ nyɛhiɛ afɔ̃a Nyɔŋmɔ nɔ be fɛɛ be; nyɛfɔsea nyɛtsuiiaŋ saji fɛɛ nyɛshwiea ehiɛ; ejaakɛ Nyɔŋmɔ ji wɔbobaahe.

Abe̱i 3:5

Okɛ ohiɛ afɔ̃ Yehowa nɔ kɛ otsui fɛɛ, ni okɛ ohe akakpasa bo diɛŋtsɛ ojwɛŋmɔ;

Yesaia 40:11

Eeelɛ etooku lɛ tamɔ tookwɛlɔ; eeehiɛ etoobii lɛ yɛ ekpɔkɔiaŋ; Eeeloo amɛ eshãkã etsitsiŋ ni eeekpala toonyɛmɛi lɛ blɛoo.

Yesaia 50:10

Nyɛteŋ namɔ sheɔ Yehowa gbeyei? Namɔ boɔ etsulɔ lɛ gbee toi? Kɛji mɔ lɛ nyiɛ duŋ mli, ni la etsooo hãaa lɛ po, hã ekɛ ehiɛ afɔ Yehowa gbɛi lɛ nɔ, ni ekɛ ehe akpasa eNyɔŋmɔ lɛ.

Luka 22:35

Ni ebi amɛ akɛ, “Be ni mitsu nyɛ ni nyɛhiɛɛɛ fotro kɛ kotoku kɛ tokotai lɛ, ani nɔ ko he hia nyɛ” Ni amɛkɛɛ, “Nɔ ko nɔ ko he ehiaaa wɔ.”

5 Mose 30:20

Nyɛsumɔa Yehowa, nyɛNyɔŋmɔ lɛ, ni nyɛboa lɛ toi, ni nyɛkpɛtɛa lɛ. Ejaakɛ no aaahã nyɛyi ana wala ni nyɛtsɛ yɛ jeŋ koni nyɛhi shikpɔŋ lɛ ni Yehowa kã nyɛtsɛmɛi Abraham kɛ Isak kɛ Yakob he kitã akɛ ekɛaahã amɛ lɛ nɔ.”

1 Samuel 26:19

Taflatsɛ, minuŋtsɔ maŋtsɛ abo nɔ ni etsulɔ yɔɔ kɛɛmɔ toi fioo. Kɛji Yehowa diɛŋtsɛ ni etee bo shi ewo mi lɛ, mibashã he afɔle kɛkpa he fai. Shi kɛji gbɔmɛi adesai abii ni ehã ote shi owo mi lɛ, no lɛ Yehowa aaawo amɛ he nyɔmɔ, ejaakɛ amɛshwie mi ŋmɛnɛ akɛ mikahi Yehowa shikpɔŋ lɛ nɔ, shi moŋ miya ni miyasɔmɔ jemawɔji.