Lalai 36:3 - ŊMALƐ KRƆŊKRƆŊ LƐ

³ Edaaŋ wiemɔi fɛɛ lɛ, efɔŋ kɛ shishiumɔ sɔŋŋ ni; eshi nilee kɛ ekpakpafeemɔ sɛɛ.

Ṅmãle̱ Kroṅkroṅ Le̱

³ Edšake̱ elakaä ehe ye̱ le̱dientše̱ ehĩṅme̱iiaṅ, ake̱ anaṅ enõša le̱ ni aanyãṅe.

Lalai 36:3 ပူးပေါင်းရင်းမြစ်များ

2 Samuel 22:22

Miye Yehowa mlai lɛ fɛɛ anɔ, ni mishiko miNyɔŋmɔ lɛ.

2 Kronika 20:32

Ehi shi tamɔ etsɛ Asa hi shi lɛ pɛpɛɛpɛ. Eyagbaaa afã shi eba ejeŋ bɔ pɛ ni Yehowa taoɔ,

Lalai 10:7

Loomɔ kɛ kutumpɔo kɛ yiwaa eyi edaaŋ obɔ̃; haomɔ kɛ efɔŋfeemɔ hɔ elilɛi shishi.

Lalai 125:5

Shi mɛi ni kpaleɔ kɛyaa amɛgbɛi gbohii anɔ lɛ, Yehowa aaaloo amɛ kɛ mɛi ni tsuɔ nifɔɔjianii lɛ kɛaatee. Toiŋjɔlɛ aba Israel!

Lalai 140:3

Amɛjɔ amɛlilɛii anaa tamɔ onufu, ni shikpãi anaa ebɔɔ yɛ amɛnyanyɔji ashishi.

Lalai 5:9

Ejaakɛ anɔkwa kome nɛkɛ bɛ amɛdaaŋ; amɛtsuiiaŋ eyi obɔ̃ kɛ fitemɔ; amɛsɛ̃ lɛ gbonyobu ni agbele naa ni; amɛkɛ amɛlilɛi wieɔ dɔkɔbii.

Lalai 55:21

Enaa jɔ fe shwie, shi ebɔɔ yɛ etsui mli; ewiemɔ he jɔ fe mlɛ, shi kɛ̃lɛ klante ni naa ba ni.

Lalai 58:3

Mɛi fɔ̃ji gbaa jwɛi kɛjɛɔ musuŋ beebe; kɛji ashwie amɛ shi nɔŋŋ pɛ amɛbɔi malemɔ.

Lalai 94:8

Oo, nyɛ maŋ lɛŋ kwashiai, nyɛyoa sɛɛ! Ni nyɛ, buului, te be ni nyɛaale nii lɛ?

Abe̱i 4:16

Ejaakɛ mɛi fɔ̃ji wɔɔɔ akɛ ja amɛfee efɔŋ dã. Wɔ po tseɔ yɛ amɛhiɛ ja amɛna mɔ ko awui amɛye dã.

Yeremia 4:22

Ejaakɛ kwashiai ji miwebii lɛ, amɛleee nii; bii kwashiai ji amɛ, amɛbɛ jwɛŋmɔ. Amɛhe esa kɛ efɔŋfeemɔ shi ekpakpafeemɔ ebɔ amɛ.

Hosea 8:3

Israelbii ekwa nɔ kpakpa lɛ, no hewɔ lɛ, henyɛlɔi aaanyiɛ amɛsɛɛ.

Zefania 1:6

Mibakpãtã mɛi fɛɛ ni ekpale, ni amɛjaaa Yehowa lɛ dɔŋŋ lɛ ahiɛ, ni ji mɛi ni taooo mi, Yehowa lɛ, misɛɛgbɛ aloo amɛbiii mi nii dɔŋŋ lɛ.”

Mateo 22:35

ni amɛteŋ mɔ kome ni ji mlatsɔɔlɔ lɛ ka lɛ, ni ebi lɛ akɛ,

Luka 11:25

Ni kɛ eba lɛ, ebanaa akɛ abɛɛ mli ni awula mli.

Hebribii 10:39

Shi wɔ lɛ, jeee mɛi ni kpaleɔ kɛyaa hiɛkpãtãmɔ mli lɛ ateŋ mɛi komɛi ji wɔ, shi moŋ wɔji mɛi ni kɛ hemɔkɛyeli naa amɛsusuma yiwalaheremɔ lɛ ateŋ mɛi komɛi.

1 Yohane 2:19

Wɔteŋ amɛjɛ amɛtee, shi kɛ̃lɛ amɛjeee wɔteŋ mɛi komɛi, ejaakɛ wɔteŋ mɛi komɛi ji amɛ kulɛ amɛ kɛ wɔ hi shi. Shi amɛtee bɔ ni afee ni amɛ jie amɛhe shi akɛ amɛ fɛɛ lɛ jeee wɔteŋ mɛi komɛi ji amɛ.

1 Samuel 15:26

Samuel kɛɛ Saul akɛ, “Mikɛ bo ekuŋ sɛɛ kɛyajaŋ ejaakɛ oyayeee fãmɔ ni Yehowa fã bo lɛ nɔ, ni no hewɔ lɛ, Yehowa hu ekwa bo maŋtsɛ lɛ yeli yɛ Israel.”

1 Samuel 16:14

Yehowa mumɔ lɛ je Saul nɔ agbɛnɛ, ni Yehowa hãa mumɔ fɔŋ ko moŋ bahaoɔ lɛ.

1 Samuel 18:21

ni ekɛɛ “Yiɛ! Mikɛ Mikal baahã lɛ koni etsɔ̃ tamɔ akpa ehã lɛ, koni Filistibii lɛ anine agbe lɛ ahã mi.” Enɛ hã Saul wo David shi nɔ ni ji shii enyɔ nɔ akɛ, “Ŋmɛnɛ obaatsɔ mishaanuu.”

1 Samuel 26:21

Kɛkɛ ni Saul here nɔ ekɛɛ akɛ, “Mifee efɔŋ! Mibi David, kpalemɔ ni oba. Mifeŋ bo efɔŋ ko dɔŋŋ, ejaakɛ otsɔ̃ɔ mi ŋmɛnɛ gbi nɛɛ akɛ miwala jara wa hã bo. Miye kwashiai asane lɛɛlɛŋ, ni mitɔ̃ fe nine.”