Lalai 34:3 - ŊMALƐ KRƆŊKRƆŊ LƐ

³ Oo, nyɛ kɛ mi akafoa Yehowa agbojee, ni nyɛhãa wɔfea ekome kɛjiea egbɛi lɛ yi!

Ṅmãle̱ Kroṅkroṅ Le̱

³ Misusuma aaſã afõ Iehowa no̱; amanehũlũnalo̱i aanu he ni ame̱mī aaše̱ ame̱he.

Lalai 34:3 ပူးပေါင်းရင်းမြစ်များ

1 Kronika 16:10

Nyɛshwãa nyɛfɔ̃a egbɛi krɔŋkrɔŋ lɛ nɔ; mɛi ni taoɔ Yehowa sɛɛgbɛ lɛ atsui anyɔ amɛmli!

1 Kronika 29:20

Kɛkɛ ni David kɛɛ asafo ni ewo shi lɛ akɛ, “Nyɛjiea Yehowa, nyɛNyɔŋmɔ lɛ, yi!” Ni asafo muu lɛ fɛɛ jie Yehowa, amɛtsɛmɛi aNyɔŋmɔ lɛ, yi; ni amɛmamɔ amɛyi shi amɛja Yehowa, ni amɛkoto maŋtsɛ lɛ hu.

2 Kronika 29:30

No sɛɛ lɛ, Hezekia kɛ maŋ onukpai lɛ bi Levibii lɛ akɛ amɛla lalai ni David folɔ lɛ kɛ nɔ ni Gbalɔ Asaf hu folɔ lɛ amɛkɛjie Yehowa yi. Kɛkɛ ni asafo lɛ koto shi, ni amɛja Nyɔŋmɔ.

Lalai 35:27

Mɛi ni taoɔ mi ejurɔ lɛ, hã amɛbɔ oshe kɛ nyamɔ ni amɛkɛɛ daa akɛ, “Naa Nyɔŋmɔ je agbo; lɛ enyaa etsulɔ ejurɔyeli he kɛ miishɛɛ.”

Lalai 40:16

Shi moŋ, hã mɛi fɛɛ ni taoɔ osɛɛgbɛ lɛ anya, ni amɛmii ashɛ amɛhe yɛ omli. Mɛi ni sumɔɔ odɛ̃ŋ yiwalaheremɔ lɛ akɛɛ daa akɛ, “Yehowa je agbo.”

Lalai 66:8

Nyɛ majimaji fɛɛ, nyɛjiea wɔNyɔŋmɔ lɛ yi! Nyɛhãa anua eyijiemɔ gbɛɛmɔ he.

Lalai 69:30

Mikɛ lala aaajie Nyɔŋmɔ gbɛi lɛ yi! Mikɛ shidaa aaakafo lɛ!

Lalai 69:33

ejaakɛ Yehowa boɔ ohiafoi atoi, ni enyaŋeee lɛ diɛŋtsɛ emɛi ni yɔɔ gboklɛ mli lɛ.

Yeremia 9:23

Nilelɔ akashwã kɛmiifɔ̃ enilee nɔ. Hewalɔ hu akashwã kɛmiifɔ̃ ehewalɛ nɔ, ni niiatsɛ akashwã kɛmiifɔ̃ eninamɔ nɔ;

Yeremia 9:24

shi mɔ ni shwãa lɛ, eshwã efɔ̃, enɛ moŋ nɔ; akɛ ele mi, ni enuɔ mi shishi, akɛ mi ji Yehowa ni misuɔmɔ sɛɛ efooo, ni miyeɔ jalɛ sane yɛ shikpɔŋ lɛ nɔ. Enɛɛmɛi ahe moŋ minyaa. Mi, Yehowa, mikɛɛ.”

Luka 1:46

Ni Maria kɛɛ, “Misusuma miikafo Nuŋtsɔ lɛ,

Bɔfoi 19:17

Ni be ni Yudafoi kɛ Helabii fɛɛ ni yɔɔ Efeso lɛ nu enɛ lɛ, gbeyei mɔmɔ amɛ fɛɛ, ni awo Nuŋtsɔ Yesu gbɛi lɛ hiɛ nyam naakpa.

Filipibii 1:20

Migbɛkwɛmɔ kɛ hiɛnɔkãmɔ kɛkɛ ji akɛ mihiɛ akagbo yɛ nɔ ko nɔ ko mli, shi moŋ, bɔ ni afeɔ daa lɛ, nakai agbɛnɛ hu akɛ ekãa fɛɛ aaawo Kristo hiɛ nyam yɛ migbɔmɔtso mli, yɛ wala mli jio, gbele mli jio.

Kpojiemɔ 14:7

Ni ekɛ gbee ni wa kɛɛ, “Nyɛshea Nyɔŋmɔ gbeyei ni nyɛkɛ anunyam ahãa lɛ ejaakɛ ekojomɔ ŋmɛlɛtswaa lɛ eshɛ; ni nyɛjaa mɔ ni fee ŋwɛi kɛ shikpɔŋ kɛ ŋshɔ kɛ nuhiŋmɛii lɛ!”