Lalai 32:5 - ŊMALƐ KRƆŊKRƆŊ LƐ

⁵ Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

Ṅmãle̱ Kroṅkroṅ Le̱

⁵ Midšadše mihe eša mitšõo, ni mi-nõša le̱ mike̱-tēē. Mikē̱ ake̱: Madšadše mino̱tõmo̱ matšõ Iehowa! Ni bo le̱ oke̱ mihe eša nõša le̱ fami. (Sela.) Abe̱i 28,13.

Lalai 32:5 ပူးပေါင်းရင်းမြစ်များ

2 Samuel 12:13

Kɛkɛ ni David kɛɛ Natan akɛ, “Mifee Yehowa shishi esha,” Natan to he ni ekɛɛ David akɛ, “Yehowa hu kɛ esha ni ofee lɛ efa bo, ni ogboŋ.

2 Samuel 12:9

Mɛni hewɔ mɔ ni oku, mi Yehowa, migbee nɔ, ni ofee efɔŋ nɛɛ? Ogbe Uria, Hitnyo lɛ. Ohã Amonbii lɛ gbe lɛ, kɛkɛ ni oŋɔ eŋa lɛ ofee oŋa.

2 Samuel 24:10

Shi be ni David ekane maŋbii lɛ sɛɛ lɛ, ehenilee bɔi enaagbamɔ. Kɛkɛ ni ekɛɛ Yehowa akɛ, “Mifee esha kpele akɛ mifee nɛkɛ nɔ ko. Ofainɛ ni okɛfa mi, ejaakɛ miye kwashiai asane naakpa!”

2 Samuel 24:17

Be ni David na bɔfo lɛ ni tswiaa maŋbii lɛ anii lɛ, David kɛɛ Yehowa akɛ, “Naa, mi mifee esha lɛ; ni mi mitɔ̃ lɛ, shi gbɔmɛi ni tamɔ toi humii nɛɛ, amɛ lɛ amɛfeko nɔ ko. Ofainɛ, gbalamɔ mi kɛ mitsɛ we lɛ moŋ toi.”

1 Maŋtsɛmɛi 8:50

Ni ŋɔɔ ofa omaŋ ni efee esha lɛ eshi bo kɛ efɔŋ lɛ fɛɛ ni amɛfee lɛ. Hã amɛnomŋɔlɔi lɛ amusuŋ atsɔ̃ amɛ yɛ amɛhe ni amɛna amɛ mɔbɔ.

2 Kronika 6:29

bo omaŋ lɛ sɔlemɔ toi. Sɔlemɔ fɛɛ sɔlemɔ ni Israelnyo kome loo maŋ muu lɛ fɛɛ baasɔle, loo fai fɛɛ fai ni maŋbii komekomei kɛ haomɔ kɛ ŋkɔmɔ aaahole niji anɔ atsɔ̃ɔ Sɔlemɔtsu nɛɛ kɛkpa bo lɛ,

Ezra 10:11

No hewɔ lɛ, nyɛjajea nyɛtsɔ̃a Yehowa, nyɛtsɛmɛi aNyɔŋmɔ lɛ; nyɛfea esuɔmɔnaanii, ni nyɛtsea nyɛhe yɛ shikpɔŋ lɛ nɔ bii lɛ kɛ maŋsɛɛ yei lɛ ahe.”

Hiob 31:33

Mitsimɔko mitɔ̃mɔi anɔ tamɔ Adam, ni mikɛ minɔsha lɛ etoko mimli.

Hiob 33:27

Ni eeela yɛ adesai ahiɛ, ni eeekɛɛ akɛ, ‘Mifee esha, ni mikɔ̃dɔ̃ nɔ ni ja; ni akɛ mihe fa mi;

Lalai 103:12

Bɔ ni bokã kɛ anai teŋ jɛkɛ lɛ, nakai ehãa wɔ kɛ wɔtɔ̃mɔi lɛ ateŋ jekɛɔ.

Lalai 103:3

Lɛ ji mɔ ni kɛ onishaianii fɛɛ faa; ni etsaa ohelai fiaa kwa lɛ.

Lalai 25:16

Tsɔ̃ ohiɛ ohã mi, ni ona mi mɔbɔ! Ejaakɛ mɔ kome mɔ ji mi; minii yɛ mɔbɔ.

Lalai 25:18

Kwɛmɔ minɔnaai lɛ, kɛ mihaomɔi lɛ; ni okɛ mihe eshai lɛ fɛɛ afa mi.

Lalai 30:5

Ejaakɛ hiŋmɛitswaa kɛkɛ emlifu hiɔ shi; shi emlihilɛ lɛ hiɔ shi ewala be fɛɛ. Yaafo toɔ mɔ gbɛkɛ, shi miishɛɛ baa leebi.

Lalai 38:18

Miijaje mitɔ̃mɔ lɛ; mihe esha lɛ miidɔ mi naakpa.

Lalai 38:19

Mɛi ni nyɛɔ mi yakatswaa lɛ, amɛhe wa fe mi; ni mɛi ni he tsɛ̃ɔ mi efolo lɛ, ayi fa naakpa.

Lalai 51:6

Naa, nɔ ni otaoɔ yɛ midɛŋ ji anɔkwayeli; no hewɔ lɛ, hã male nii yɛ mimligbɛ tɔ̃ɔ.

Lalai 86:15

Oo Nuŋtsɔ, shi bo lɛ Nyɔŋmɔ musuŋtsɔlɔ kɛ durolɔ ji bo! Omli fuuu mra, ni osuɔmɔ ni tsakeee lɛ kɛ onɔkwayeli lɛ fa babaoo.

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

Abe̱i 28:13

Mɔ ni tsimɔɔ etɔ̃mɔi anɔ lɛ, eshwereŋ; shi mɔ ni jajeɔ, ni efɔ̃ɔ efɔŋfeemɔ lɛ, anaa lɛ mɔbɔ.

Abe̱i 30:20

Nɛkɛ pɛ yoo ajwamãŋ yɔɔ; eyeɔ nii ni etsumɔɔ enaa, ni ekɛɔ akɛ, “Mifeko efɔŋ ko.”

Yesaia 65:24

Ni aaaba mli akɛ dani amɛaatsɛ mi lɛ mahere amɛ nɔ, ni be ni amɛwieɔ lolo lɛ, mabo amɛtoi.

Yeremia 2:23

Te feɔ tɛŋŋ ni okɛɔ akɛ, ‘Mibuleko mihe, miyajako wɔŋ Baal lɛ?’ Kwɛmɔ ojeŋ ni oba yɛ gɔji ateŋ jɔɔ lɛ mli lɛ, ni ooona ole nɔ ni ofee. Otamɔ ŋaŋ yooma oblayoo ni hiɛ foi kɛmiiya biɛ kɛ biɛ.

Yeremia 2:35

okɛɔ akɛ, “Mifeko efɔŋ ko. Eji anɔkwale akɛ Yehowa efo emli ni fu mi lɛ sɛɛ.” Shi naa, mi Yehowa, mibagbala otoi yɛ kɛɛmɔ ni okɛɔ akɛ, “Mifeko esha ko lɛ hewɔ.”

Yeremia 3:13

Kpɛlɛ̃mɔ otɔ̃mɔi lɛ anɔ kɛkɛ akɛ oyakpa shi yɛ heihei kɛnyiɛ maŋsɛɛ nyɔŋmɔi asɛɛ yɛ tso fɛɛ tso ni ebu kusuu shishi, ni asaŋ obooo mi toi. Mi, Yehowa, mikɛɛ.

Yeremia 31:20

Israel ji mibinuu kpakpa lɛ. Lɛ ji misuɔmɔ bi lɛ. Shii abɔ fɛɛ ni miwieɔ mishiɔ lɛ lɛ, mikaiɔ lɛ kɛ̃ kɛ dɔlɛ. No hewɔ lɛ, mitsui shweɔ lɛ. Bɔ fɛɛ bɔ ni fee lɛ mana lɛ mɔbɔ. Mi, Yehowa, mikɛɛ.

Hosea 6:1

Maŋbii lɛ aaakɛɛ akɛ, “Nyɛbaa koni wɔkpalea kɛyaa Yehowa ŋɔɔ. Akɛni lɛ etserɛ wɔmli lɛ, lɛ eeetsa wɔ; ni akɛni lɛ etswia wɔ nii lɛ, lɛ eeefi nɔ ehã wɔ.

3 Mose 5:5

Kɛji mɔ ko ye sɔ̃ yɛ nii nɛɛ eko he lɛ, no lɛ ejaje esha ni efee lɛ

Maleaki 3:8

Shi nɔ ni mibiɔ nyɛ ji akɛ, aso eja gbɛ akɛ gbɔmɔ adesa ashishiu Nyɔŋmɔ lo? Dabida! Shi nyɛ lɛ, nyɛmiishishiu mi. Nyɛaabi akɛ, ‘Yɛ mɛni mli?’ Yɛ nibii amlijaa nyɔŋma mli ekomekome lɛ kɛ afɔlei ni nyɛkɛbahãa lɛ mli.

Luka 16:15

Ni ekɛɛ amɛ akɛ, “Nyɛ ji mɛi ni nyɛbuɔ nyɛhe bem yɛ gbɔmɛi ahiɛ; shi Nyɔŋmɔ lɛ, ele nyɛtsuiaŋ; ejaakɛ nɔ ni ji gojoo yɛ gbɔmɛi ateŋ lɛ, yɛ Nyɔŋmɔ hiɛ lɛ nihiinii ni.

Luka 7:47

No hewɔ lɛ, miikɛɛ bo akɛ, ehe eshai ni fa lɛ, akɛfa lɛ, ni no hewɔ esuɔmɔ fa babaoo lɛ; shi mɔ ni akɛ fioo efa lɛ lɛ, esuɔmɔ fioo.”

Efesobii 4:32

Shi nyɛmli ahia ahãhãa nyɛhe, nyɛmusuŋ atsɔ̃tsɔ̃a nyɛ yɛ nyɛhe, nyɛkɛfafaa nyɛhe, tamɔ bɔ nɔŋŋ ni Nyɔŋmɔ kɛfa nyɛ yɛ Kristo mli lɛ.

Yoshua 7:19

Kɛkɛ ni Yoshua kɛɛ Akan akɛ, “Mibi, wo Yehowa, Israel Nyɔŋmɔ lɛ, hiɛ nyam, ni asaŋ jiemɔ eyi. Jajemɔ otsɔ̃ɔ mi nɔ ni ofee; kaashiu mi sane nɔ.”