Lalai 31:3 - ŊMALƐ KRƆŊKRƆŊ LƐ

³ Hɛɛ! Bo ji mitɛsaa kɛ mimɔ̃ɔ. Ogbɛi lɛ hewɔ lɛ, nyiɛmɔ mihiɛ, ni otsɔ̃ɔ mi gbɛ.

Ṅmãle̱ Kroṅkroṅ Le̱

³ Ba otoi ši ohãmi, femo̱ oyá ni odšiemi! Tšṍ *te̱sā ní wa ohãmi ke̱ mō̃ ní wa, ní oṅõ-here miyiwala. *Lal. 18,8.

Lalai 31:3 ပူးပေါင်းရင်းမြစ်များ

Nehemia 9:12

Okɛ atatu ni ma shi kutuu tsɔ̃ɔ amɛ gbɛ shwane, ni nyɔɔŋ hu lɛ, okɛ la kutuu tsɔ̃ɔ amɛ gbɛ koni amɛna nii yɛ gbɛ ni amɛnyiɛ nɔ lɛ nɔ.

Nehemia 9:19

Omɔbɔnalɛ babaoo lɛ hewɔ lɛ, oshiii amɛ yɛ ŋa lɛ nɔ; shwane lɛ atatu ni ma shi yɛ amɛhiɛ ni etsɔ̃ɔ amɛ gbɛ lɛ, ejeee amɛhiɛ; ni nyɔɔŋ hu la ni damɔ amɛhiɛ ni hãa amɛnaa nii yɛ gbɛ ni amɛnyiɛ nɔ lɛ nɔ lɛ, ejeee amɛhiɛ.

Lalai 102:3

Ejaakɛ migbii lɛ hoɔ yaa tamɔ lasu, ni miwui ahe edɔ tamɔ latɛŋ.

Lalai 116:2

Akɛni egboo etoi shi ehã mi hewɔ lɛ, gbii abɔ ni mihiɛ kã nɛɛ lɛ, lɛ mabolɔ matsɛ.

Lalai 139:24

Kwɛmɔ akɛ minyiɛ gbɛ fɔŋ ko nɔ lo, koni okpala mi kɛya naanɔ gbɛ lɛ nɔ.

Lalai 18:2

Yehowa ji mitɛsaa kɛ mimɔɔ ni wa, kɛ mijielɔ. MiNyɔŋmɔ kɛ mitɛsaa, mɔ mli ni mibaa abo yɛ; bo ji mitsɛŋ kɛ miyiwalaheremɔ akloŋto. Bo ji mimɔɔ ni wa.

Lalai 25:11

Oo Yehowa, ogbɛi lɛ hewɔ lɛ, ŋɔɔ mihe esha lɛ ofa mi, ejaakɛ eda.

Lalai 25:5

Kplamɔ mi kɛnyiɛ onɔkwale lɛ mli, ni otsɔ̃ɔ mi nii; ejaakɛ bo ji miyiwalaheremɔ Nyɔŋmɔ lɛ. Bo onɔ mihiɛ kã daa nɛɛ.

Lalai 25:9

Ekpalaa heshibalɔi kɛnyiɛɔ jalɛ gbɛ nɔ, ni etsɔ̃ɔ mɛi ni he jɔ lɛ egbɛ lɛ.

Lalai 43:3

Oo, hã ola kɛ onɔkwale lɛ aba; koni amɛbatsɔ̃ɔ mi gbɛ. Hã amɛ kɛ mi aba Zion ogɔŋ krɔŋkrɔŋ lɛ nɔ, kɛ oSɔlemɔwe lɛŋ.

Lalai 71:3

Tsɔ̃ abobaa tɛkplo ohã mi, kɛ mɔɔ ni wa ni okɛhere miyiwala, ejaakɛ mitɛsaa kɛ mimɔ̃ɔ ji bo!

Lalai 79:9

Oo wɔyiwalaheremɔ Nyɔŋmɔ, ogbɛi lɛ hiɛ nyam hewɔ lɛ, heremɔ wɔyiwala! Ni okɛ wɔhe eshai lɛ afa wɔ yɛ ogbɛi lɛ hewɔ.

Yesaia 49:10

Hɔmɔ yeŋ amɛ, ni kumai hu yeŋ amɛ. Hulu eshaŋ amɛ, ni shiaŋa nɔ kɔɔyɔɔ ni mli edɔ hu esaŋ amɛhe, ejaakɛ mɔ ni musuŋtsɔ̃ɔ lɛ yɛ amɛhe lɛ aaakpala amɛ, ni eeetsɔ̃ɔ amɛ gbɛ kɛaatee nubui ahe.

Yeremia 14:7

‘Wɔnishaianii lɛ miibu wɔ fɔ moŋ; shi Yehowa, ogbɛi lɛ hewɔ lɛ, feemɔ he eko ohã wɔ; tsɛbelɛ wɔsɛɛsɛɛyaa lɛ fa tsɔ̃, ni wɔfee esha wɔshi bo.

Luka 1:79

Koni ehã jeŋ atse ahã mɛi ni tara duŋ kɛ gbele hɔɔŋ mli lɛ, Ni akudɔ wɔnaji kɛya hejɔlɛ gbɛ lɛ nɔ.”

Yohane 16:13

Shi kɛji lɛ, anɔkwale Mumɔ lɛ, ena eba lɛ, eeetsɔ̃ɔ nyɛ anɔkwale lɛ fɛɛ mli gbɛ; ejaakɛ etoŋ lɛ diɛŋtsɛ eyiŋ ewieŋ; shi moŋ nɔ fɛɛ nɔ ni eeenu lɛ, no eeewie, ni nii ni baa lɛ, eeetsi tã etsɔ̃ɔ nyɛ.

Efesobii 1:12

bɔ ni afee ni wɔ mɛi ni wɔtsɔ̃ hiɛ wɔkɛ wɔhiɛ efɔ̃ Kristo nɔ lɛ, wɔtsɔ̃mɔ enunyam lɛ yijiemɔ.

Yoshua 7:9

Ejaakɛ Kanaanbii lɛ kɛ shikpɔŋ lɛ nɔ bii fɛɛ baanu he, ni amɛaaba amɛbabɔle wɔ kpula, ni amɛbaakpãtã wɔhiɛ butuu. No hewɔ lɛ, te ofeɔ tɛŋŋ yɛ ogbɛi kpeteŋkple lɛ hewɔ hu?”