Lalai 28:9 - ŊMALƐ KRƆŊKRƆŊ LƐ

⁹ Yehowa, heremɔ omaŋbii lɛ ayiwala, ni ojɔɔ owebii ni oŋɔ akɛ onɔ lɛ. Lɛɛ amɛ tamɔ tookwɛlɔ, ni ohiɛ amɛ mli kɛya naanɔ.

Ṅmãle̱ Kroṅkroṅ Le̱

⁹ Heremo̱ omaṅ le̱ yiwala, ni *odšō̱ ogbe̱fāṅnõ le̱, lè̱ame̱ ni ohīeame̱ ke̱-ya nāno̱! *Lal. 29,11.

Lalai 28:9 ပူးပေါင်းရင်းမြစ်များ

2 Samuel 21:3

No hewɔ lɛ, David tsɛ Gibeonbii lɛ, ni ebi amɛ akɛ, “Mɛni mifee mihã nyɛ, ni mɛni mikɛkpãtã nyɛ bɔ ni afee ni nyɛjɔɔ Yehowa webii lɛ?”

2 Samuel 7:7

Hei fɛɛ ni mikɛ Israel fɛɛ enyiɛnyiɛ lɛ, mibiko Israel maŋ hiɛnyiɛlɔi ni mifãa amɛ akɛ amɛkura mimaŋ Israel lɛ ateŋ mɔ ko yɛ he ko pɛŋ akɛ mɛɛba po ni nyɛmako tsenedru tsu nyɛhãko mi lɛ?’

1 Maŋtsɛmɛi 8:51

Ejaakɛ omaŋ kɛ onii ni ojie amɛ kɛjɛ Ijipt shikpɔŋ lɛ nɔ, kɛjɛ dade flɔnɔɔ mli, ji amɛ.

1 Maŋtsɛmɛi 8:53

Ejaakɛ bo diɛŋtsɛ. Nuŋtsɔ Nyɔŋmɔ, oŋɔ amɛ ohã ohe, ni okɛ amɛ fee omaŋ yɛ majimaji lɛ fɛɛ ateŋ, taakɛ owo shi kɛtsɔ̃ Mose nɔ, be ni ojie wɔtsɛmɛi lɛ kɛjɛ Ijipt lɛ.”

Ezra 1:4

Mɔ fɛɛ mɔ ni eshwɛ yɛ nomii lɛ ateŋ lɛ, he fɛɛ he ni eyato gbɔ yɛ lɛ, jɛmɛbii lɛ aye abua lɛ kɛ jwiɛtɛi kɛ shika kɛ nibiinibii kɛ kooloi. Asaŋ amɛhã nikeenii yɛ tsuijurɔ naa yɛ Nyɔŋmɔ shĩa ni yɔɔ Yerusalɛm lɛ hewɔ.’ ”

Lalai 14:7

Oo, kulɛ Israel yiwalaheremɔ lɛ ajɛ Zion aba! Kɛji Yehowa hã emaŋ lɛ ku sɛɛ na nii ekoŋŋ lɛ, no lɛ Yakob aaanya, ni Israel mii aaashɛ ehe.

Lalai 25:22

Oo Nyɔŋmɔ, kpɔ̃ Israel kɛje ehaomɔi lɛ fɛɛ mli.

Lalai 78:71

Ekpala lɛ kɛjɛ toi yei ni hãa fufɔ lɛ asɛɛ, koni ebakpala emaŋ Israelbii, Israelbii ni ji egbɛfaŋnɔ lɛ.

Yesaia 40:11

Eeelɛ etooku lɛ tamɔ tookwɛlɔ; eeehiɛ etoobii lɛ yɛ ekpɔkɔiaŋ; Eeeloo amɛ eshãkã etsitsiŋ ni eeekpala toonyɛmɛi lɛ blɛoo.

Yesaia 46:3

“Ao, Yakob shwiei, nyɛ mɛi fɛɛ ni eshwɛ, nyɛboa mi toi. Nyɛ mɛi ni mihiɛ nyɛ kɛjɛ nyɛfɔmɔ mli, ni mikura nyɛ kɛjɛ nyɛhɔŋɔɔ mli beebe,

Yesaia 63:9

yɛ amɛhaomɔi fɛɛ amli lɛ. Jeee tsulɔ loo ŋwɛi bɔfo ni here amɛyiwala, shi Yehowa diɛŋtsɛ jɛ esuɔmɔ kɛ emɔbɔnalɛ mli ehere amɛyiwala, ni ehole amɛ, ni ehiɛ amɛ yɛ blema beiaŋ fɛɛ.

Yeremia 10:16

Yakob Nyɔŋmɔ lɛ tamɔɔɔ enɛɛmɛi, ejaakɛ lɛ ji mɔ ni bɔ nii fɛɛ; ni eŋɔ Israel ekɛfee lɛ diɛŋtsɛ emaŋ ni egbɛi ji Yehowa, Taiatsɛ.

Yeremia 31:7

Ejaakɛ bɔ ni Yehowa kɛɔ nɛ, “Nyɛlaa waa kɛ miishɛɛ nyɛhãa Israel nyɛbɔa oshe nyɛhãa maji fɛɛ ayitso lɛ. Nyɛshiɛa, nyɛkafoa, ni nyɛkɛa akɛ, ‘Yehowa ehere ewebii Israelbii ni shwɛ lɛ ayiwala.’

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

Mika 5:4

Kɛ nɔyelɔ lɛ ba lɛ, eeeye emaŋ lɛ nɔ, ni eeelɛ amɛ kɛ hewalɛ ni jɛ Yehowa dɛŋ; eeeye nɔ kɛ agbojee hu ni ji Yehowa, eNyɔŋmɔ lɛ diɛŋtsɛ agbojee. Nɔyelɔ lɛ kɛ maŋbii lɛ aaahi shi shweshweeshwe, ejaakɛ aaakpɛ̃lɛ nɔ akɛ eje agbo yɛ je lɛ mli he fɛɛ he;

Mika 7:14

Yehowa, feemɔ tookwɛlɔ ohã omaŋ lɛ, ni olɛ amɛ, maŋ ni bo diɛŋtsɛ ohala lɛ. Amɛyɛ ŋa kplanaa nɔ banee yɛ Gɔŋ Karmel lɛ yiteŋ, tsɛbelɛ shikpɔŋ ni baa nii bɔle amɛ kɛkpe. Hã ni amɛhi Bashan kɛ Gilead shikpɔŋ frɔ̃frɔ̃ lɛ nɔ; ni amɛye enɔ nii tamɔ blema ko lɛ.

Mateo 2:6

‘Ni bo, Betlehem ni oyɔɔ Yuda shikpɔŋ lɛ nɔ lɛ, jeee bo ji bibioo fe fɛɛ yɛ Yuda lumɛi lɛ ateŋ kwraa, shi omli lumɔ ni aaakwɛ mimaŋ Israel lɛ aaajɛ!’ ”

Efesobii 1:18

Nyɛmligbɛ hiŋmɛii anɔ atse, koni nyɛna nyɛle nɔ ni ji hiɛnɔkãmɔ ni yɔɔ etsɛmɔ lɛ mli, kɛ egboshinii lɛ anunyam lɛ falɛ yɛ mɛi krɔŋkrɔŋi amli,

5 Mose 1:31

kɛ ŋa lɛ nɔ lɛ. Ni nyɛna bɔ ni Yehowa, nyɛNyɔŋmɔ lɛ, hiɛ nyɛmli kɛyashi nyɛbashɛ biɛ nɛɛ tamɔ bɔ ni nuu hiɛɔ ebi yɛ ekpɔkɔiaŋ lɛ.’

5 Mose 32:9

Yehowa ŋɔ Yakob akɛ gboshinii ni ena; ejaakɛ egbɛfaŋnɔ ji emaŋbii lɛ.

5 Mose 9:26

Mikpa Yehowa fai mikɛɛ akɛ, ‘Nuŋtsɔ Nyɔŋmɔ, kaakpãtã bo diɛŋtsɛ omɛi lɛ, ni ji gbɔmɛi ni oyakpɔ̃ yɛ Ijipt shikpɔŋ lɛ nɔ kɛ nineshiwalɛ kɛ ohewalɛ lɛ ahiɛ.

5 Mose 9:29

Bɔ fɛɛ bɔ ni fee lɛ, bo diɛŋtsɛ omɛi ni oje gbɛ oŋɔ ji amɛ, ni oyakpɔ̃ amɛ yɛ Ijipt shikpɔŋ lɛ nɔ kɛ nineshiwalɛ yɛ ohewalɛ lɛ naa.’