Lalai 27:9 - ŊMALƐ KRƆŊKRƆŊ LƐ

⁹ Kaaŋɔ ohiɛ otee mi. Kaashwie otsulɔ yɛ mlifu naa. Bo ji miyelikɛbualɔ. Kaashɛ mi ofɔ̃, ni kaakwa mi hu, miyiwalaheremɔ Nyɔŋmɔ.

Ṅmãle̱ Kroṅkroṅ Le̱

⁹ Kāṅõ ohĩe otẽmi, kāſie otšũlo̱ ye̱ mliſũ mli! Miyeli-ke̱-buamo̱ dšio; kāše̱mi ofõ, ni kākwami, miyiwalaheremo̱ Nyoṅmo̱!

Lalai 27:9 ပူးပေါင်းရင်းမြစ်များ

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

Lalai 102:2

Mifimɔ gbi lɛ nɔ lɛ, kaaŋɔ ohiɛ otee mi. Ba otoi shi ohã mi. Gbi nɔ ni mabɔlɔ matsɛ bo lɛ, heremɔ mi nɔ nɔŋŋ.

Lalai 102:3

Ejaakɛ migbii lɛ hoɔ yaa tamɔ lasu, ni miwui ahe edɔ tamɔ latɛŋ.

Lalai 119:121

Nɔ ni ja ni hi lɛ, mifee; kaaŋmɛɛ mihe ohã mɛi ni waa mi yi lɛ.

Lalai 13:1

Yehowa, kɛyaashi mɛɛ beyinɔ po ni ohiɛ aaakpa minɔ? Kɛyaashi naanɔ tɔ̃ɔ lo? Okɛ ohiɛ baatee mi kɛyaashi mɛɛbe?

Lalai 143:7

Oo Yehowa, heremɔ mi nɔ oya; mimumɔ miitɔ biti; kaaŋɔ ohiɛ otee mi, kɛjee nakai lɛ, matamɔ mɛi ni kpelekeɔ shi kɛyaa gbohiiaje lɛ.

Lalai 24:5

Gbɔmɛi ni tamɔ nɛkɛ lɛ, amɛaana jɔɔmɔ kɛaajɛ Yehowa dɛŋ. Amɛaana bembuu kɛaajɛ amɛyiwalaheremɔ Nyɔŋmɔ lɛ dɛŋ.

Lalai 44:24

Mɛɛ hewɔ okɛ ohiɛ etee? Mɛɛba ohiɛ ekpa wɔmanehulu kɛ yi ni awaa wɔ lɛ nɔ?

Lalai 51:11

Kaashwie mi yɛ ohiɛ, ni kaajie oMumɔ Krɔŋkrɔŋ lɛ yɛ mimli.

Lalai 69:17

Okɛ ohiɛ akatee otsulɔ, ejaakɛ miyɛ jaramɔ mli, heremɔ mi nɔ mra.

Lalai 69:18

Tsi obɛŋkɛ mi ni okpɔ̃ mi; mihenyɛlɔi ahewɔ lɛ, heremɔ mi.

Lalai 88:1

Oo Yehowa, miyiwalaheremɔ Nyɔŋmɔ, nyɔɔŋ kɛ shwane fɛɛ lɛ, mibolɔɔ yɛ ohiɛ.

Yesaia 50:1

Bɔ ni Yehowa kɛɛ nɛ, “Nɛgbɛ nyɛnyɛ shwiemɔ wolo ni mikɛshwie lɛ lɛ yɔɔ? Minyɔjiatsɛmɛi lɛ ateŋ namɔ mihɔɔ nyɛ miha? Dabida! Nyɛnishaianii lɛ ahewɔ ni ahɔɔ nyɛ, ni nyɛtɔ̃mɔi lɛ ahewɔ ashwie nyɛnyɛ.

Yesaia 59:2

Shi moŋ nyɛnishaianii lɛ ji nii ni egbala nyɛ kɛ Nyɔŋmɔ teŋ lɛ. Nyɛhe eshai lɛ ji nii ni etsĩ nyɛhiɛ, hewɔ ni ebooo nyɛ toi lɛ.

Yeremia 32:40

Mikɛ amɛ baakpãŋ naanɔ kpãŋmɔ akɛ, mikpãŋ amɛ ejurɔfeemɔ dɔŋŋ. Mikɛ mihe gbeyeishemɔ baawo amɛmli koni amɛkaje misɛɛ dɔŋŋ.

Hebribii 13:5

Shikasuɔmɔ akaba nyɛjeŋba mli; ni nyɛmii ashɛ nii ni nyɛyɔɔ lɛ he; ejaakɛ Nyɔŋmɔ diɛŋtsɛ ekɛɛ, “Mishiŋ bo ni misaa mikwaŋ bo gbi ko gbi ko.”

1 Samuel 7:12

Kɛkɛ ni Samuel wo tɛ ekɛma shi yɛ Mizpa kɛ Shem teŋ, ni ewo lɛ gbɛi akɛ “Ebenezer” ejaakɛ ekɛɛ, “Biɛ Yehowa eye ebua wɔ kɛbashi.”