Lalai 27:6 - ŊMALƐ KRƆŊKRƆŊ LƐ

⁶ Ni eeewo minɔ yɛ mihenyɛlɔi ni ebɔle mi lɛ anɔ; ni mikɛ mliflimɔ aaabɔ oshe, ni mashã afɔle yɛ ebuu lɛŋ. Mala, ni matswa saŋku mahã Yehowa.

Ṅmãle̱ Kroṅkroṅ Le̱

⁶ Ni agbe̱ne̱ eewó miyitšo no̱ ke̱-teke mihenye̱lo̱i ní ebo̱lemi le̱, ni mašã yidšiemo̱-afo̱le ye̱ ebū le̱ mli, mala ni matſa saṅkũ mahã Iehowa.

Lalai 27:6 ပူးပေါင်းရင်းမြစ်များ

1 Mose 40:13

Biɛ gbii etɛ̃ lɛ, Farao aaajie bo yɛ tsuŋ, ni ekɛ bo aaayato ogbɛhe lɛ ekoŋŋ ni okɛ Farao kpulu lɛ aaawo edɛŋ tamɔ bɔ ni ofeɔ sa lɛ be ni bo ji edãawolɔ lɛ.

1 Mose 40:20

Ni eba mli akɛ gbi ni ji etɛ̃ lɛ, Farao fɔmɔgbi ni. Eŋmɛ etsuji fɛɛ okplɔ̃ ni ejie edãawolɔi anukpa lɛ kɛ ebolooshãlɔi anukpa lɛ yɛ tsuŋ yɛ enukpai lɛ ahiɛ.

2 Samuel 22:1

Be ni Yehowa jie David yɛ ehenyɛlɔi lɛ fɛɛ kɛ Saul hu dɛŋ lɛ, David la lala nɛɛ:

2 Samuel 22:49

asaŋ ni ehere mi yɛ mihenyɛlɔi adɛŋ lɛ. Yehowa, owoɔ mi otaa mihenyɛlɔi lɛ ayiteŋ, ni obaa miyi kɛjɛ yiwalɔi adɛŋ.

2 Samuel 7:9

ni he fɛɛ he ni oyaa lɛ mifata ohe, ni miplenee ohenyɛlɔi fɛɛ yɛ ohiɛ, ni mihã ona gbɛi kpeteŋkple tamɔ gbɔmɛi wuji ni yɔɔ shikpɔŋ lɛ nɔ lɛ.

2 Maŋtsɛmɛi 25:27

Ni eba mli akɛ Yuda maŋtsɛ Yehoiakin nomŋɔɔ afi ni ji nyɔŋmai etɛ kɛ kpawo lɛ nɔ, nyɔŋ ni ji nyɔŋma kɛ enyɔ lɛ nɔ gbi ni ji nyɔŋmai enyɔ kɛ kpawo lɛ nɔ lɛ, Ewil-merodak baye maŋtsɛ yɛ Babilon. Ena Yuda maŋtsɛ Yehoiakin mɔbɔ ni ejie lɛ kɛje kpabu lɛŋ.

1 Kronika 22:18

Ekɛɛ amɛ akɛ, “Yehowa, nyɛNyɔŋmɔ lɛ, kɛ nyɛ yɛ, ni eha nyɛtoiŋ ejɔ nyɛ yɛ he fɛɛ he, ejaakɛ ehã miye majimaji lɛ fɛɛ anɔ bii anɔ kunim, ni no hewɔ lɛ, amɛyɛ nyɛshishi.

Lalai 107:22

Hã amɛshã shidaa afɔlei, ni amɛkɛ nyamɔ lalai agba enitsumɔi lɛ.

Lalai 110:7

Eeenu faa ni yɔɔ gbɛ toi mli nu, no hewɔ lɛ, eeeye omanye.

Lalai 119:108

Oo Yehowa, ŋɔɔ oyi ni mijieɔ lɛ akɛ afɔle, koni otsɔ̃ɔ mi omlai lɛ.

Lalai 138:5

Amɛaala Yehowa nifeemɔi lɛ ahe lala, ejaakɛ Yehowa anunyam lɛ da!

Lalai 21:1

Yehowa, ohewalɛ lɛ mli maŋtsɛ lɛ naa miishɛɛ yɛ; ni oyelikɛbuamɔ mli maŋtsɛ lɛ nyaa yɛ.

Lalai 21:13

Oo, Yehowa, wɔmiiwo onɔ gojoo yɛ ohewalɛ kpele lɛ hewɔ! Wɔbaala kɛjie ohewalɛ lɛ yi.

Lalai 3:3

Shi Yehowa, bo ji mihebuu tsɛŋ, bo ji minunyam, bo ohãa mihiɛ baa nyam.

Lalai 3:4

Miwoɔ migbee nɔ, mibolɔɔ mitsɛɔ Yehowa, ni ejɛɔ egɔŋ krɔŋkrɔŋ lɛ nɔ ehereɔ mi nɔ.

Lalai 47:1

Nyɛ maji fɛɛ tswɛm, nyɛtswaa nyɛdɛ̃; nyɛkɛ nyamɔ lala abɔa oshe waa ahãa Nyɔŋmɔ.

Lalai 57:8

Ohiɛ atsɛ̃, misusuma! Nyɛhiɛ atsɛ̃a, obenta kɛ saŋku! Mibahã je atsɛre mra.

Lalai 81:1

Nyɛlaa waa nyɛhãa Nyɔŋmɔ mɔ ni ji wɔhewalɛ lɛ; nyɛbɔa oshe kɛ nyamɔ nyɛhãa Yakob Nyɔŋmɔ lɛ!

Lalai 95:1

Oo nyɛbaa, nyɛhãa wɔlaa wɔhãa Yehowa! Nyɛhãa wɔbɔa oshe wɔhãa wɔYiwalaheremɔ Tɛsaa lɛ!

Yesaia 12:6

Ao, nyɛ Zion maŋbii, nyɛbolɔa, ni nyɛnyaa, ejaakɛ Israel Mɔ Krɔŋkrɔŋ Koome ni da lɛ yɛ nyɛteŋ.”

Yeremia 31:7

Ejaakɛ bɔ ni Yehowa kɛɔ nɛ, “Nyɛlaa waa kɛ miishɛɛ nyɛhãa Israel nyɛbɔa oshe nyɛhãa maji fɛɛ ayitso lɛ. Nyɛshiɛa, nyɛkafoa, ni nyɛkɛa akɛ, ‘Yehowa ehere ewebii Israelbii ni shwɛ lɛ ayiwala.’

Yeremia 33:11

nyamɔ kɛ mliflimɔ kɛ ayɛmforowu kɛ ayɛmforo gbee ekoŋŋ yɛ jɛi. Abaanu mɛi ni kɛ amɛshidaa afɔlei baa Yehowa we lɛ he ni amɛmiila akɛ, ‘Nyɛdaa Yehowa, Taiatsɛ lɛ, shi ejaakɛ Yehowa hi, ni esuɔmɔ ni tsakeee lɛ hiɔ shi kɛyaa naanɔ!’ Ejaakɛ mibahã shikpɔŋ lɛ ashwere tamɔ bɔ ni eyɔɔ tsuutsu lɛ. Mi Yehowa mikɛɛ.”

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Hebribii 13:15

Belɛ nyɛhãa wɔtsɔ̃a enɔ ni wɔkɛ yijiemɔ afɔle abahãa Nyɔŋmɔ daa; no ji, naabui ni jajeɔ egbɛi lɛ yibii lɛ.

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.