Lalai 27:5 - ŊMALƐ KRƆŊKRƆŊ LƐ

⁵ Ejaakɛ fimɔ gbi nɔ lɛ, eeeŋɔ mi ehɔ ebuu lɛ mli; eeeŋɔ mi etee ebuu lɛŋ teemɔhe lɛ, eeewo mi edamɔ tɛsaa nɔ.

Ṅmãle̱ Kroṅkroṅ Le̱

⁵ Edšake̱ fīmo̱ gbĩ no̱ le̱ *eṅõmi eho̱ ebu le̱ mli; eṅõmi etē ebŭ le̱ṅ tēmo̱he le̱, †ewómi edamo tesā no̱. *Lal. 31,21. †40,3.

Lalai 27:5 ပူးပေါင်းရင်းမြစ်များ

2 Kronika 22:12

Ekɛ amɛ tee Nyɔŋmɔ We lɛ mli kɛyashi afii ekpaa. Atalia ye maŋnyɛ yɛ Yuda shikpɔŋ lɛ nɔ nɛkɛ be nɛɛ mli.

Lalai 10:1

Oo Yehowa, mɛɛba okɛ mi teŋ ejekɛ nɛkɛ? Mɛɛba otee ohe yɛ fimɔ bei amli nɛɛ?

Lalai 119:114

Bo ji miteemɔhe kɛ mitsɛŋ; owiemɔ lɛ nɔ mihiɛ kã.

Lalai 138:7

Kɛji minyiɛ haomɔ mli lɛ, ohãa miyi naa wala. Kɛji mihenyɛlɔi amli fu mi lɛ, owoɔ onine nɔ yɛ amɛnɔ, ni okɛ ohewalɛ lɛ hereɔ miyiwala.

Lalai 17:8

Baamɔ miyi tamɔ abaa hiŋmɛi mli ajaŋmalaatɛ yi. Okɛ mi atee ofiji ashishi hɔɔŋ lɛ mli.

Lalai 18:33

Ehã minajiaŋ wa tamɔ ofrote, ni eŋɔ mi edamɔ gɔji anɔ shweshweeshwe.

Lalai 31:20

Oŋɔɔ amɛ oteɔ yɛ ohiɛ teemɔhe lɛ mli. Kɛjeɔ mɛi ayinɔ kpãŋmɔi amli, ni okɛ amɛ toɔ shweshweeshwe yɛ obuu lɛ mli.

Lalai 31:21

Yijiemɔ ahã Yehowa ejaakɛ ejie enaakpɛɛ suɔmɔ ni sɛɛ efooo lɛ kpo etsɔ̃ɔ mi, be ni atua mi tamɔ maŋ ko ni asa eyi lɛ.

Lalai 40:2

Efã mi kɛje hiɛkpãtãmɔ bu lɛ mli, ejie mi kɛjɛ ŋmiamɔ lɛ mli, ni ekɛ minaji mamɔ tɛsaa nɔ, ni ehã minane mɔ shi.

Lalai 40:3

Etsɔ̃ɔ mi lala hee ko lamɔ, no ji lala ni akɛjieɔ wɔNyɔŋmɔ lɛ yi. Mɛi babaoo aaana, ni amɛaashe gbeyei; ni amɛkɛ amɛhiɛ aaafɔ̃ Yehowa nɔ.

Lalai 46:1

Naa Nyɔŋmɔ ji wɔbobaahe kɛ wɔhewalɛ, wɔyelikɛbualɔ krɔŋŋ yɛ fimɔ mli.

Lalai 50:15

Tsɛ mi yɛ fimɔ gbi lɛ nɔ! Majie bo, ni ooowo mihiɛ nyam.”

Lalai 57:1

Naa mi mɔbɔ! Oo Nyɔŋmɔ, naa mi mɔbɔ, ejaakɛ bo abo misusuma baa nɛɛ. Ofiji ashishi hɔ̃ɔŋ lɛ mli maba abo yɛ kɛyaashi hiɛkpãtãmɔ ahum lɛ aaaho.

Lalai 61:2

Kɛ mitsui miisu lɛ, mabo matsɛ bo, kɛjɛ shikpɔŋ lɛ naagbeehe. Wa mi kɛya tɛsaa ni kwɔ fe mi lɛ nɔ,

Lalai 61:3

ejaakɛ bo ji mibobaahe, mɔɔ ko ni wa fe henyɛlɔ lɛ.

Lalai 77:2

Mihaomɔ gbi nɔ lɛ, mitaoɔ Nuŋtsɔ lɛ sɛɛgbɛ; nyɔɔŋnyɔɔŋ fɛɛ lɛ, miholeɔ miniji anɔ yɛ sɔlemɔ mli, ni etɔɔɔ mi; misusuma ekpɛlɛ̃ɛɛ miishɛjemɔ.

Lalai 83:3

Amɛyaa omaŋ lɛ yinɔ apam yɛ ŋaa mli; amɛkpãŋɔ mɛi ni obuɔ amɛhe lɛ ayinɔ.

Lalai 91:1

Mɔ ni hiɔ Ŋwɛinyo lɛ teemɔhe lɛ, ni ehiɔ Ofe lɛ hɔɔŋ lɛ shishi lɛ,

Lalai 91:15

Kɛji amɛtsɛ mi lɛ, mahere amɛ nɔ. Mi kɛ amɛ aaahi shi yɛ haomɔ mli; mahere amɛ, ni mawo amɛhiɛ nyam.

Abe̱i 18:10

Mɔɔ ni wa ji Yehowa gbɛi lɛ, ni no mli jalɔ shaa foi kɛyaa, ni ehiɔ shi shweshweeshwe.

Yesaia 26:16

Ao Yehowa, amɛhejaramɔ mli lɛ, amɛtao osɛɛgbɛ; amɛsɔle amɛkpa bo fai be ni ogbalaa amɛtoi lɛ.

Yesaia 26:20

Mimaŋbii, nyɛbaa! Mimaŋbii, nyɛbotea nyɛpiai lɛ amli, ni nyɛŋamɔa nyɛshinai lɛ nyɛwoa nyɛyi. Nyɛtea nyɛhe hiŋmɛitswaa fioo ko kɛyaashi Nyɔŋmɔ mlifu lɛ sɛɛ aaafo.

Yesaia 32:2

Amɛteŋ mɔ fɛɛ mɔ baatsɔ̃ tamɔ teemɔhe be mli ni kɔɔyɔɔ miitswa, loo abobaahe be mli ni ahum miitswa; eeetsɔ̃ tamɔ faa yɛ shiaŋa nɔ, loo tamɔ tɛsaa kpele hɔ̃ɔŋ yɛ shikpɔŋ gbiŋ nɔ.

Mateo 23:37

“Yerusalɛm, Yerusalɛm, bo ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi; shii enyiɛ mitao akɛ kulɛ mabua obii anaa tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!

Kolosebii 3:3

Ejaakɛ nyɛgboi, ni akɛ nyɛwala lɛ kɛ Kristo etee yɛ Nyɔŋmɔ mli.