Lalai 27:4 - ŊMALƐ KRƆŊKRƆŊ LƐ

⁴ Nɔ koome mibiɔ yɛ Yehowa dɛŋ, ni no sɛɛgbɛ mitiuɔ: akɛ mahi shi yɛ Yehowa we lɛ, miwala gbii abɔ fɛɛ; ni mana Yehowa lɛ, ni makase nii hu yɛ eSɔlemɔ we lɛ.

Ṅmãle̱ Kroṅkroṅ Le̱

⁴ Nõkōme mibio̱ ye̱ Iehowa deṅ, no se̱gbe̱ mitaoo: ake̱ *mahĩ ši ye̱ Iehowa we le̱ miwala gbĩĩ abo̱ fẽ, ni mana Iehowa mlihīle̱ le̱, ni makwe̱ eso̱lemo̱we le̱. *Lal. 23,6; 26,6-8; 42,5; 88,3; 84,4. 6.

Lalai 27:4 ပူးပေါင်းရင်းမြစ်များ

2 Samuel 21:1

David yinɔ lɛ hɔmɔ ni naa wa ko ba afii nɔtonɔto shii etɛ̃ sɔŋŋ. Enɛ hã David tee ni eyabi Yehowa nii. Yehowa kɛɛ David akɛ, “Enɛ fɛɛ jɛ Saul kɛ ewe lɛ yɛ Gibeonbii lɛ ni amɛgbe lɛ hewɔ.”

Lalai 23:6

Lɛɛlɛŋ, ejurɔyeli kɛ omɔbɔnalɛ aaanyiɛ misɛɛ yɛ miwala be lɛ fɛɛ mli; ni asaŋ, mahi Yehowa we lɛ miwala gbii abɔ fɛɛ.

Lalai 26:6

Oo Yehowa, mifɔɔ midɛ̃ kɛtsɔ̃ɔ akɛ miyeko sɔ̃ ko, ni mibɔleɔ ofɔleshãa latɛ lɛ mijaa bo.

Lalai 26:8

Oo Yehowa, misumɔɔ owe he ni ohiɔ lɛ, kɛ he ni onunyam lɛ yɔɔ lɛ.

Lalai 27:8

Owiemɔ lɛ kɛɔ akɛ, “Nyɛtaoa mihiɛgbɛ.” “Yehowa, bo ohiɛgbɛ lɛ mitaoɔ nɛɛ.”

Lalai 50:2

Nyɔŋmɔ miikpɛ kɛmiijɛ Zion ni yɔɔ fɛo kɛwula shi lɛ mli.

Lalai 65:4

Ajɔɔ mɔ ni ohala ni ohãa ebɛŋkɛɔ bo, koni ehi ohe krɔŋkrɔŋ lɛŋ lɛ. Wɔɔtɔrɔ kɛ owe lɛŋ nibii kpakpai lɛ, ni ji oSɔlemɔ we krɔŋkrɔŋ lɛŋ nibii lɛ.

Lalai 84:10

Gbi kometoo shihilɛ yɛ oSɔlemɔ we lɛ, ehi fe gbii akpe ni aaaye yɛ he kroko. Masumɔ matsɔ̃ shinaa naabulɔ yɛ miNyɔŋmɔ lɛ we lɛ, fe nɔ ni mahi efɔŋfeelɔi awe mli.

Lalai 84:4

kwɛ bɔ ni mɛi ni hiɔ owe lɛ yɔɔ miishɛɛ hã, ni amɛlaa daa kɛjieɔ oyi.

Lalai 90:17

Nuŋtsɔ, wɔNyɔŋmɔ lɛ, ana wɔ mɔbɔ; ehã wɔniji anaa nitsumɔi ashwere ahã wɔ! Hɛɛ! Wɔniji anaa nitsumɔi lɛ hã amɛshwere.

Yeremia 29:13

Nyɛaatao mi, ni nyɛaana mi, kɛji nyɛtao misɛɛgbɛ kɛ nyɛtsui fɛɛ lɛ.

Daniel 9:3

Mihi ŋmãa, ni mibu kpekpe, ni mita lamlu mli kɛmiitao Nuŋtsɔ Nyɔŋmɔ lɛ hiɛgbɛ yɛ sɔlemɔ kɛ faikpamɔ mli.

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Mateo 6:33

Shi nyɛtaoa Nyɔŋmɔ Maŋtsɛyeli lɛ kɛ ejalɛ lɛ tsutsu ni akɛ nii nɛɛ fɛɛ aaafata he ahã nyɛ.

Luka 10:42

nɔ kome ehia. Nɔ ni hi lɛ no Maria ekɔ lɛ, ni no lɛ ashɔŋ yɛ edɛŋ.”

Luka 13:24

“Nyɛpelea agbo fintɔŋŋ lɛ mlibotemɔ he, ejaakɛ miikɛɛ nyɛ akɛ mɛi pii aaatao mli abote shi amɛnyɛŋ.

Luka 18:1

Yesu bu ekaselɔi lɛ abɛ ko ekɛtsɔ̃ɔ akɛ esa akɛ amɛsɔleɔ daa ni ekaje amɛtsine.

Luka 2:37

ni agbɛnɛ okulafo ji lɛ, ni eye afii nyɔŋmai kpaanyɔ kɛ ejwɛ ni ejeee Sɔlemɔ we lɛ kwraa, ejaa Nyɔŋmɔ kɛ ŋmaahilɛ kɛ faikpamɔ nyɔɔŋ kɛ shwane.

2 Korintobii 3:18

Shi wɔ fɛɛ ni wɔkɛ hiɛ kpetekplee kwɛɔ Nuŋtsɔ lɛ anunyam lɛ tamɔ akwɛɔ ashwishwɛ mli lɛ, wɔmiitsake wɔmiitsɔ̃mɔ nakai subaŋ lɛ nɔŋŋ kɛmiijɛ anunyam mli kɛmiiya anunyam mli, tamɔ bɔ ni ejeɔ Nuŋtsɔ ni ji Mumɔ lɛ ŋɔɔ lɛ.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

Filipibii 3:13

Anyɛmimɛi, mibuuu mihe akɛ minine eshɛ nɔ, shi nɔ kome kɛkɛ mifeɔ: Nii ni yɔɔ sɛɛgbɛ lɛ mijieɔ mihiɛ yɛ nɔ, shi nii ni yɔɔ hiɛgbɛ lɛ moŋ mikpãa mimli ni mashɛ he,

1 Timoteo 5:5

Shi mɔ ni ji yoo okulafo lɛɛlɛŋ ni eshwɛ ekome too lɛ, ekɛ ehiɛ fɔ̃ɔ Nyɔŋmɔ nɔ ni ehiɛɔ faikpamɔi kɛ sɔlemɔi amli nyɔɔŋ kɛ shwane.

Hebribii 11:6

Shi kɛji hemɔkɛyeli bɛ lɛ anyɛŋ Nyɔŋmɔ hiɛ asa; ejaakɛ mɔ ni baa Nyɔŋmɔ ŋɔɔ lɛ, ja ehe eye akɛ eyɛ, ni eji mɛi ni taoɔ esɛɛgbɛ lɛ anyɔmɔwolɔ hu.

1 Samuel 1:11

Hana wo shi ekɛɛ, “Yehowa Taiatsɛ, kɛji oookwɛ mi, oweyoo, mimanehulu nɛɛ, ni oookai mi, ni ohiɛ kpaŋ mi, oweyoo, nɔ shi moŋ ooohã mi, oweyoo, binuu lɛ, no lɛ majɔɔ enɔ mahã bo, Yehowa, ewala gbii abɔ fɛɛ; ni asooyi naa esaŋ eyiteŋ.”

1 Samuel 22:10

ni Ahimelek bi Yehowa nii ehã lɛ, ni ehã lɛ gbɛnɔ niyenii, ni asaŋ ekɛ Goliat, Filistinyo lɛ, klante lɛ hu ehã lɛ.”

1 Samuel 30:8

Kɛkɛ ni David bi Yehowa nii ekɛɛ, “Mitiu gbɔmɛi nɛɛ lo?” Yehowa hã hetoo akɛ, “Tiumɔ amɛ, bɔ fɛɛ bɔ ni fee lɛ obaaya oyanina amɛ yɛ gbɛteŋ, ni onine baashɛ nyɛgbɔmɛi lɛ anɔ shweshweeshwe.”