Lalai 26:11 - ŊMALƐ KRƆŊKRƆŊ LƐ

¹¹ Shi mi lɛ, mibaa mijeŋ jogbaŋŋ yɛ emuuyeli mli; heremɔ mi, ni ona mi mɔbɔ.

Ṅmãle̱ Kroṅkroṅ Le̱

¹¹ Ši mi le̱, emūyeli mli maba midšeṅ ye̱; heremo̱mi, ni onami mo̱bo̱!

Lalai 26:11 ပူးပေါင်းရင်းမြစ်များ

Nehemia 13:14

MiNyɔŋmɔ, kaimɔ mi yɛ enɛ hewɔ, ni ohiɛ akakpa nitsumɔi kpakpai ni mitsu yɛ owe lɛ kɛ emli sɔ̃ɔmɔ ahe lɛ anɔ.

Nehemia 13:22

Kɛkɛ ni mifã Levibii lɛ akɛ amɛtsuu amɛhe koni amɛba amɛbabu agboi lɛ anaa, bɔ ni afee ni afee hejɔɔmɔ gbi lɛ krɔŋkrɔŋ. MiNyɔŋmɔ, kaimɔ mi yɛ enɛ hu hewɔ koni okɛ mihe eshai afa mi yɛ osuɔmɔ ni fa lɛ hewɔ.

Nehemia 13:31

Ni mito gbɛjianɔ mihã be ni akɛ afɔleshãa lai kɛ klɛŋklɛŋ yelitso yibii aba. MiNyɔŋmɔ, kaimɔ mi ni ahi ahã mi.

Nehemia 5:15

Shi sa amraloi ni nyiɛ mihiɛ lɛ hã etɔ maŋ lɛ yɛ shika ni naa shiɔ jwiɛtɛi talentai nyɔŋmai ejwɛ ni amɛheɔ kɛshiɔ aboloo kɛ wain ni amɛheɔ yɛ maŋ lɛ dɛŋ lɛ nɔ lɛ hewɔ. Amraloi nɛɛ atsuji tete gbaa maŋ lɛ naa. Shi mi lɛ, gbeyei ni misheɔ Nyɔŋmɔ hewɔ lɛ, mifeee nakai.

Hiob 1:1

Nuu ko hi shi yɛ Uz shikpɔŋ lɛ nɔ; egbɛi ji Hiob. Esheɔ Nyɔŋmɔ gbeyei, ni ewiɔ ehe yɛ efɔŋ he. Eji gbɔmɔ ni shwamɔ ko bɛ ehe, asaŋ efeɔ nii ni ja hu.

Lalai 101:2

Mikɛ nilee baaba mijeŋ koni shwamɔ ko akahi mihe. Te be ni manyɛ enɛ he mashɛ hu? Mikɛ tsui krɔŋŋ aaaba mijeŋ yɛ miwe lɛŋ.

Lalai 26:1

Oo Yehowa, buu mi bem, ejaakɛ miiba mijeŋ jogbaŋŋ, ni mikɛ mihiɛ fɔ̃ɔ Yehowa nɔ kwraa ni migbaŋ afã.

Lalai 49:15

Shi mi lɛ, Nyɔŋmɔ aaakpɔ̃ misusuma kɛjɛ gbohiiaje hewalɛ dɛŋ. Ejaakɛ eeehe mi eto.

Lalai 49:7

Ekã shi faŋŋ akɛ mɔ ko mɔ ko nyɛŋ lɛ diɛŋtsɛ eyi nyɔmɔ ewo; aloo enyɛ ekpɔ̃ ehe yɛ Nyɔŋmɔ dɛŋ;

Lalai 69:18

Tsi obɛŋkɛ mi ni okpɔ̃ mi; mihenyɛlɔi ahewɔ lɛ, heremɔ mi.

Yesaia 38:3

ni ekɛɛ akɛ, “Ao Yehowa, miikpa bo fai, kaimɔ bɔ ni misɔmɔ bo kɛ anɔkwa kɛ mitsuiŋ fɛɛ, ni mifee nɔ ni hi yɛ ohiɛ!” Kɛkɛ ni Hezekia fo blobloblo.

Luka 1:6

Amɛyi enyɔ lɛ fɛɛ lɛ, jalɔi ji amɛ yɛ Nyɔŋmɔ hiɛ ni amɛyeɔ Nuŋtsɔ lɛ kitãi kɛ ekpɔi lɛ fɛɛ anɔ ni shwamɔ ko bɛ amɛhe.

1 Tesalonikabii 2:10

Nyɛ diɛŋtsɛ kɛ Nyɔŋmɔ ji odasefoi akɛ wɔjeŋ ni wɔba yɛ nyɛ mɛi ni nyɛheɔ nyɛyeɔ lɛ ateŋ lɛ eyɛ krɔŋkrɔŋ, eja, ni shwamɔ ko bɛ he.

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.