Lalai 26:1 - ŊMALƐ KRƆŊKRƆŊ LƐ

¹ Oo Yehowa, buu mi bem, ejaakɛ miiba mijeŋ jogbaŋŋ, ni mikɛ mihiɛ fɔ̃ɔ Yehowa nɔ kwraa ni migbaŋ afã.

Ṅmãle̱ Kroṅkroṅ Le̱

¹ David lala. Iehowa, kodšomo̱mi, edšake̱ emūyeli mli mibaä midšeṅ ye̱, ni mike̱ mihĩe fõo̱ Iehowa no̱, mišãneṅ.

Lalai 26:1 ပူးပေါင်းရင်းမြစ်များ

2 Maŋtsɛmɛi 20:3

“Ao, Yehowa, kaimɔ bɔ ni misɔ̃mɔ bo, ni miye bo anɔkwa kɛ mitsui fɛɛ, ni mifee nɔ ni ja yɛ ohiɛ.” Kɛkɛ ni Hezekia fo waa diɛŋtsɛ.

Hiob 2:3

Kɛkɛ ni Yehowa bi Abonsam akɛ, “Osusu mitsulɔ Hiob he akɛ mɔ ko mɔ ko bɛ shikpɔŋ lɛ nɔ ni tamɔ lɛ, ni anɔkwafo ni, ni esheɔ Nyɔŋmɔ gbeyei, ni ewiɔ ehe yɛ efɔŋ he; ni shwamɔ ko bɛ ehe, ni efeɔ nɔ ni ja? Ehiɛ enɔkwayeli lɛ mli kpɛŋŋ lolo tsɛbelɛ ohã mite shi miwo lɛ koni mikpãtã ehiɛ yakatswaa!”

Hiob 4:6

Kwɛ jeee Nyɔŋmɔ gbeyei ni osheɔ lɛ no nɔ ohiɛ kã, ni onɔkwayeli jeŋba lɛ ji ohiɛnɔkãmɔ?

Lalai 121:3

Ehaŋ oshane; mɔ ni buɔ ohe lɛ, ewɔɔɔ wɔdɔ̃i.

Lalai 15:2

Namɔ baaba ejeŋ jogbaŋŋ, ni efeɔ nɔ ni ja, ni ewieɔ anɔkwale kɛ etsuiŋ fɛɛ;

Lalai 21:7

Maŋtsɛ lɛ hiɛ kã Yehowa nɔ; ni ŋwɛi flooflonyo lɛ suɔmɔ ni tsakeee lɛ hewɔ lɛ, edidãŋ.

Lalai 25:2

Oo miNyɔŋmɔ, bo onɔ mihiɛ kã, kaahã mihiɛ miishwie shi, kaahã mihenyɛlɔi lɛ miiye mi yɔɔ.

Lalai 25:21

Emuuyeli kɛ jalɛ abaa miyi; ejaakɛ bo gbɛ mikwɛɔ.

Lalai 26:11

Shi mi lɛ, mibaa mijeŋ jogbaŋŋ yɛ emuuyeli mli; heremɔ mi, ni ona mi mɔbɔ.

Lalai 28:7

Yehowa ji mihewalɛ kɛ mitsɛŋ; enɔ mikɛ mitsui fɔ̃ɔ, ni eyeɔ ebuaa mi ni minaa tsuijurɔ. Mikɛ milala aaada lɛ shi.

Lalai 31:14

Shi mi lɛ, bo Yehowa onɔ mihiɛ kã. Mikɛɔ akɛ, “Bo ji miNyɔŋmɔ!”

Lalai 35:24

Oo Yehowa, miNyɔŋmɔ, buu mi bem yɛ ojalɛ lɛ naa, ni kaahã mihenyɛlɔi lɛ miiye mi yɔɔ.

Lalai 37:31

Etoɔ eNyɔŋmɔ lɛ mla lɛ yɛ etsui mli, ni eshiii sɛɛ kɔkɔɔkɔ.

Lalai 4:5

Nyɛshãa afɔlei ni sa, ni nyɛŋɔa nyɛhiɛ nyɛfɔa Yehowa nɔ.

Lalai 43:1

Oo Nyɔŋmɔ, ye misane lɛ ohã mi; ni obu mi bem. Fã mihe yɛ maŋbii ni sheee bo gbeyei lɛ adɛŋ. Jiemɔ mi yɛ shishiulɔi kɛ mɛi ni yeee anɔkwa lɛ adɛŋ!

Lalai 54:1

Oo Naa Nyɔŋmɔ, okɛ ohewalɛ lɛ ahere miyiwala, ni okɛ ohewalɛ lɛ aye misane lɛ ohã mi.

Lalai 62:2

Ekoome pɛ ji mitɛsaa kɛ miyiwalaheremɔ, mimɔɔ ni wa. Mididaŋ kɔkɔɔkɔ.

Lalai 62:6

Lɛ ekoome ji mitɛsaa kɛ miyiwalaheremɔ, mimɔɔ ni wa. Mididaŋ kɔkɔɔkɔ.

Lalai 7:8

Yehowa, bo okojoɔ mɛi fɛɛ! Oo Yehowa, kojomɔ mi yɛ mijalɛ lɛ naa, ejaakɛ mi lɛ, mifeko efɔŋ ko.

Lalai 94:18

Be ni mikɛɛ akɛ, “Miishane lɛ!” Yehowa, osuɔmɔ ni sɛɛ efooo lɛ mɔ mimli.

Abe̱i 20:7

Gbɔmɔ ni ji jalɔ ni eye emuu lɛ ajɔɔ eshwiei.

Abe̱i 29:25

Gbɔmɔ gbeyeishemɔ lɛ, etsɔ̃ɔ tsɔne ehãa mɔ; shi mɔ ni kɛ ehiɛ fɔ̃ɔ Yehowa nɔ lɛ, eyɛ shweshweeshwe.

2 Korintobii 1:12

Shi wɔshwãa lɛ nɛ: wɔhenilee odase ni eyeɔ wɔ akɛ hetsemɔ kɛ tsui krɔŋŋ yɛ Nyɔŋmɔ hiɛ wɔkɛba wɔjeŋ yɛ je nɛɛ mli, titri lɛ yɛ wɔkɛ nyɛteŋ shihilɛ mli, ni jeee heloo gbɛfãŋ nilee naa, shi moŋ Nyɔŋmɔ dromɔ naa.

Hebribii 10:23

Ni nyɛhãa wɔmɔa wɔhiɛnɔkãmɔ jajemɔ lɛ mli ni awaa ni ekagbugbãa, ejaakɛ mɔ ni wo shi lɛ anɔkwafo ni.

1 Petro 1:5

Ni atsɔ̃ɔ hemɔkɛyeli nɔ abuɔ nyɛhe yɛ Nyɔŋmɔ hewalɛ naa atoɔ yiwalaheremɔ ni asaa ato ni abaajie kpo yɛ naagbee be lɛ mli lɛ.

2 Petro 1:10

Belɛ no hewɔ lɛ, anyɛmimɛi, nyɛbɔa mɔdɛŋ ni nyɛtsɛmɔ kɛ nyɛhalamɔ lɛ ama shi shiŋŋ; ejaakɛ, kɛ nyɛfee enɛ lɛ, nyɛtɛrɛŋ gbi ko gbi ko.

1 Samuel 2:9

Eeebaa enɔkwafoi lɛ ayi, shi mɛi fɔ̃ji lɛ amɛhiɛ aaakpãtã yɛ duŋ mli, ejaakɛ jeee gbɔmɔ diɛŋtsɛ hewalɛ naa eyeɔ kunim yɛ.

1 Samuel 24:15

Yehowa aaaye misane lɛ ehã mi, ni eeekojo mi kɛ bo teŋ, ni eejie mi yɛ odɛ̃ŋ?”