Lalai 24:4 - ŊMALƐ KRƆŊKRƆŊ LƐ

⁴ Mɛi ni amɛdɛŋ bɛ esha ko ni amɛtsuii amli tse. Mɛi ni kɛ amɛgbɔmɔtsei hãaa yakayaka nifeemɔ, ni amɛkãaa amale kitã.

Ṅmãle̱ Kroṅkroṅ Le̱

⁴ Moni enidši ahe be̱ mūdši ko ni etsui hũ mli tše; moni wóó esusuma no̱ enãã yakayakanii ni ekãã kũtũmpo̱o kitā:

Lalai 24:4 ပူးပေါင်းရင်းမြစ်များ

1 Mose 6:5

Be ni Yehowa na akɛ gbɔmɛi anɔfɔŋfeemɔ lɛ efa tsɔ yɛ shikpɔŋ lɛ nɔ, ni nibii ni amɛsusuɔ yɛ amɛyiŋ daa nɛɛ lɛ efɔŋ sɔŋŋ ni lɛ,

Hiob 17:9

Kɛ̃lɛ jalɔ lɛ fiɔ shi yɛ egbɛ lɛ nɔ, ni mɔ ni niji ahe tse hewalɛ shwereɔ kɛyaa naanɔ.

Hiob 9:30

Kɛji miju mihe kɛ snoo nu, ni mifɔ midɛ̃ hu kɛ samla lɛ,

Lalai 143:8

Leebi lɛ hã manu osuɔmɔ ni tsakeee lɛ he, ejaakɛ bo onɔ mihiɛ kã. Hã male gbɛ ni sa akɛ manyiɛ nɔ, ejaakɛ bo miŋɔɔ misusuma mihãa.

Lalai 15:4

Mɔ ni nyɛɔ mɛi fɛɛ ni Nyɔŋmɔ ekwa amɛ, shi moŋ ewoɔ mɛi ni sheɔ Yehowa gbeyei lɛ ahiɛ nyam; mɔ ni kɛ ekã kitã ni eeena amane yɛ he po lɛ, etsakeee.

Lalai 18:20

Yehowa to mi najiaŋ yɛ mijalɛ lɛ naa; ejuro mi, ejaakɛ muji ko bɛ mihe.

Lalai 25:1

Oo Yehowa, bo miwoɔ misusuma nɔ mihãa.

Lalai 26:6

Oo Yehowa, mifɔɔ midɛ̃ kɛtsɔ̃ɔ akɛ miyeko sɔ̃ ko, ni mibɔleɔ ofɔleshãa latɛ lɛ mijaa bo.

Lalai 51:10

Oo Nyɔŋmɔ, bɔɔ tsui ni mli tse ohã mi; dromɔ mi mumɔ hee ni gbugbãaa.

Lalai 51:12

Hã manu miishɛɛ ni yɔɔ oyiwalaheremɔ mli lɛ he ekoŋŋ; baamɔ mimli toiboo mumɔ lɛ yi,

Lalai 73:1

Lɛɛlɛŋ, Nyɔŋmɔ hi hã Israel; ehi ehã mɛi ni atsuiiaŋ tse lɛ.

Abe̱i 20:9

Namɔ aaanyɛ akɛɛ akɛ, “Mi lɛ, mitsuu mitsui he, ni esha ko be mihe?”

Yeremia 4:14

Ao! Yerusalɛm, fɔ otsuiŋ nishaianii lɛ oshwie, bɔ ni afee ni ahere oyiwala. Mɛɛ beyinɔ nɔŋŋ po susumɔ fɔ̃ji aaahi oyiŋ kɛyashi?

Yeremia 5:2

Tsɛbelɛ amɛkɛɔ akɛ, “Wɔna Yehowa” shi amale kitã amɛkãa lɛ.

Ezekiel 18:15

Ni eyeee nii ni akɛshã afɔle ahã wɔji yɛ gɔji lɛ anɔ, ni ejaaa Israel we lɛ amãgãi lɛ ekoeko. Ni enyiɛɛɛ enaanyo ŋa sɛɛ.

Ezekiel 18:6

Eyeee nii ni akɛshã afɔle ahã wɔji yɛ gɔji lɛ anɔ. Ni ewooo ehiɛ nɔ ekwɛɛɛ Israel we lɛ wɔji lɛ tete, ni enyiɛɛɛ enaanyo ŋa sɛɛ, ni ebɛŋkɛɛɛ yoo ni etee tsuiasɛɛ.

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

Mateo 5:8

“Ajɔɔ mɛi ni tsuii amli tse lɛ; shi amɛaana Nyɔŋmɔ.”

Bɔfoi 14:15

“Ataamɛi, mɛni nyɛfeɔ nɛɛ? Wɔ hu gbɔmɛi adesai ji wɔ tamɔ nyɛ nɔŋŋ, ni wɔmiijaje Sanekpakpa wɔmiitsɔ̃ɔ nyɛ, koni nyɛku nyɛsɛɛ kɛjɛ nɛkɛ yakayakanii nɛɛ ahe kɛba Nyɔŋmɔ hiɛkãalɔ lɛ ŋɔɔ, mɔ ni fee ŋwɛi kɛ shikpɔŋ kɛ ŋshɔ kɛ nii fɛɛ ni yɔɔ amɛmli lɛ.

Bɔfoi 15:9

ni ejieee niiaŋ yɛ wɔ kɛ amɛ teŋ, ejaakɛ ekɛ hemɔkɛyeli tsuɔ amɛtsuii ahe.

2 Korintobii 7:1

Agbɛnɛ, nyɛ mɛi ni asumɔɔ, akɛni wɔna nɛkɛ shiwoi nɛɛ hewɔ lɛ, nyɛhãa wɔtsua wɔhe kɛjɛa heloo kɛ mumɔ muji fɛɛ mli, ni wɔhã wɔhetsemɔ aye emuu yɛ Nyɔŋmɔ gbeyeishemɔ mli.

5 Mose 4:19

Kɛji nyɛwo nyɛhiɛ nɔ kɛtee ŋwɛi ni nyɛkwɛ hulu kɛ nyɔɔŋtsere kɛ ŋulamii lɛ ni ji ŋwɛiniiaŋ nibii lɛ, nyɛkahãa amɛgbalaa nyɛ ni nyɛjaa amɛ, ni nyɛsɔmɔa amɛ, ejaakɛ Yehowa nyɛNyɔŋmɔ lɛ, saa nomɛi eto ehã maji krokomɛi lɛ koni amɛ, amɛja nomɛi.

1 Timoteo 1:10

ajwamãŋbɔlɔi, hii ni kɛ hii wɔɔ, gbɔmɔ julɔi, amalelɔi, kitãmlikulɔi, kɛ nɔ fɛɛ nɔ ni kɛ tsɔ̃ɔmɔ kpakpa lɛ yeee lɛ,

1 Timoteo 2:8

No hewɔ lɛ, miitao akɛ hii asɔle yɛ he fɛɛ he ni amɛhole niji ni he tse nɔ ni mlifu loo naataamɔ akaba mli.

Yakobo 4:8

Nyɛtsia nyɛbɛŋkɛa Nyɔŋmɔ, ni eeetsi ebɛŋkɛ nyɛ. Nyɛtsuua nyɛniji ahe, nyɛ eshafeelɔi, ni nyɛhãa nyɛtsuii ahe atsea, nyɛ jwɛŋmɔi enyɔnyɔɔnyɔtsɛmɛi.

Kpojiemɔ 21:27

Ni nɔ ko nɔ ko ni he tseee kɛ mɔ ni feɔ nihiinii kɛ mɔ ni maleɔ boteŋ mli kwraa akɛ ja mɛi ni aŋma amɛgbɛi yɛ Toobi lɛ wala wolo lɛ mli lɛ kɛkɛ.