Lalai 21:9 - ŊMALƐ KRƆŊKRƆŊ LƐ

⁹ Kɛ ojie ohe kpo lɛ, oooŋala amɛ tamɔ flɔɔnɔɔ mli la. Yehowa aaakpãtã amɛhiɛ yɛ emlifu lɛ naa, ni la lɛ aaashã amɛ wɛɛ.

Ṅmãle̱ Kroṅkroṅ Le̱

⁹ Onine aaše̱ ohenye̱lo̱i fẽ no̱; oninedšũrõ aaše̱ mei ni nye̱o̱o le̱ ano̱.

Lalai 21:9 ပူးပေါင်းရင်းမြစ်များ

1 Mose 19:28

ni etsɔ ehiɛ ehã Sodom kɛ Gomora gbɛ kɛ jɔɔ shikpɔŋ lɛ fɛɛ, ni ekwɛ, ni naa, lasu miifã kɛmiijɛ shikpɔŋ lɛ nɔ tamɔ flɔnɔɔŋ lasu.

Ezra 6:12

Nyɔŋmɔ mɔ ni fee shĩa nɛɛ ejamɔhe lɛ abutu maŋtsɛ fɛɛ maŋtsɛ kɛ maŋ fɛɛ maŋ ni aaaka akɛ eeetsake fãmɔ nɛɛ hiɛ aloo akɛ eeekumɔ nɛkɛ Nyɔŋmɔ We nɛɛ ni yɔɔ Yerusalɛm lɛ. Mi, Dario, miwo akpɔ nɛɛ. Aye nɔ pɛpɛɛpɛ.”

Hiob 6:3

Ejaakɛ aaana akɛ etsii fe ŋshɔnaa shia, ni no hewɔ ni minaa wiemɔi lɛ efeŋ yiŋ flɛflɛ lɛ.

Lalai 106:17

ni shikpɔŋ gba, ni emi Datan, ni etsimɔ Abiram kɛ eŋa kɛ eshwiei fɛɛ anɔ gbidigbidi.

Lalai 18:38

Mitswia amɛ nii bɔ ni amɛnyɛɛɛ shi amɛte dɔŋŋ. Amɛnyɔnyɔi yɛ minaji anaa.

Lalai 18:8

Lasu fã kɛjɛ egugɔ mli kɛtee ŋwɛi; ni la ni kpãtãa nii ahiɛ jɛ edaaŋ; ŋai ni miitso jɛ edaaŋ.

Lalai 2:12

nyɛkɛ hekpokpomɔ akotoa lɛ; kɛjeee nakai lɛ emli baafu nyɛ oya, ni nyɛhiɛ aaakpãtã. Ajɔɔ mɛi fɛɛ ni baa lɛ abo lɛ.

Lalai 2:5

Ekɛ amɛ aaawie yɛ emlifu naa, ni ekɛ mlila aaawo amɛhe gbeyei.

Lalai 50:3

WɔNyɔŋmɔ lɛ miiba, ebaaa lɛ kpoo. La ni kpãtãa nii ahiɛ nyiɛ ehiɛ; ni ahum kpele bɔle ehe.

Yesaia 26:11

Ao Yehowa, owo onine nɔ, shi kɛ̃lɛ amɛnaaa. Hã amɛna joomɔ ni ojoɔ yɛ omaŋbii ahe lɛ koni amɛhiɛ agboi. Hã la ni oto hã ohenyɛlɔi lɛ akpãtã amɛhiɛ.

Yāfó 2:2

Nuŋtsɔ lɛ ekpãtã Yuda shihilɛhei fɛɛ ahiɛ, ni enaaa mɔbɔ. Ekumɔ Yuda biyoo lɛ mɔji eshwie shi yɛ emlifu naa. Etsi emaŋtsɛyeli lɛ kɛ emli lumɛi etswia shi, ni ewo amɛ hiɛgbele.

Nahum 1:6

Namɔ aaanyɛ emlila naa adamɔ? Namɔ aaanyɛ emlifu ni naa wa lɛ naa ekpee? Emlifu tsɛ̃ɔ kɛbaa tamɔ la, ni efɛlɛɔ tɛsai amli.

Maleaki 4:1

Yehowa kɛɛ akɛ, “Naa, gbi ko miiba; ni emli edɔ la tamɔ flɔnɔɔ. Eshishɛɛ lɛ gbɔmɛi fɔ̃ji fɛɛ baatsɔ̃mɔ tamɔ abele gbetselii; ebaashã amɛ bɔ ni eshwɛŋ eko eko shishifã loo tso nine.

Mateo 13:42

ni amɛkɛ amɛaawo la flɔnɔɔ lɛ mli; jɛi yaafo kɛ nyanyɔji ashishikpemɔ aaahi.

Mateo 13:50

ni amɛkɛ amɛ aaawo la flɔnɔɔ lɛ mli. Jɛi yaafo kɛ nyanyɔji ashishikpemɔ aaahi.”

Mateo 22:7

Shi be ni maŋtsɛ lɛ nu lɛ, emli fu, ni etsu etabilɔi, ni amɛyagbe nɛkɛ gbɔmɔgbelɔi nɛɛ, ni ashã amɛmaŋ lɛ.

Mateo 25:41

“Kɛkɛ lɛ eeekɛɛ mɛi ni yɔɔ ebɛku nɔ lɛ hu akɛ, ‘Nyɛjea minɔ, nyɛ mɛi ni alomɔ nyɛ, nyɛyaa naanɔ la lɛ ni asaa ato abonsam kɛ ebɔfoi lɛ mli!

Mateo 25:46

Ni mɛnɛɛmɛi lɛ, amɛaatee naanɔ hejaramɔ mli; shi jalɔi lɛ aaatee naanɔ wala mli.”

Mateo 3:10

Shi lema lɛ kã tsei lɛ ashishifã lɛ nɔ momo; hewɔ lɛ tso fɛɛ tso ni wooo yibii kpakpai lɛ atoɔ afɔɔ shi, ni ashɛɔ afɔɔ la mli.

Mateo 3:12

Ehiɛ eshaatsene yɛ edɛŋ, ni ebaabɛɛ eshikpɔŋ lɛ fitsofitso, ni ebaabua eŋmaa lɛ naa eto eboŋo mli; shi tutuu lɛ, ekɛ la ni gbooo baashã.”

5 Mose 32:22

Ejaakɛ mimlifu ehã la ko ehere, ni eetso kɛmiiya gbohiiaje tɔ̃ɔ; ebaashã je lɛ kɛ enɔ nibii, ni ebaashã gɔji lɛ ashishitoi diɛŋtsɛ.

1 Tesalonikabii 2:16

Amɛtsĩɔ wɔ gbɛ hu akɛ wɔkawie wɔtsɔ̃ɔ jeŋmaji lɛ ni ahere amɛyiwala. Ni amɛkɛwoɔ amɛhe eshai lɛ obɔ̃ daa, shi mlifu lɛ enina amɛ kɛmɔ shi.

2 Tesalonikabii 1:8

Ekɛ lalilɛi aaatɔ owele yɛ mɛi ni leee Nyɔŋmɔ kɛ mɛi ni booo wɔNuŋtsɔ Yesu Kristo Sanekpakpa lɛ toi lɛ anɔ.

Kpojiemɔ 19:15

Ni tsi ni naa ba jɛɔ edaaŋ, koni ekɛ no atswia jeŋmajiaŋbii lɛ anii; ni ekɛ dadetso aaakpala amɛ. Ni eeenaanaa Nyɔŋmɔ Ofe lɛ mlifu ni naa wa lɛ wainŋaanɔ lɛ nɔ.

Kpojiemɔ 20:14

Ni gbele kɛ gbohiiaje lɛ, ashɛrɛ amɛ ashwie la kpaakpo lɛ mli. Enɛ ji gbele ni ji enyɔ lɛ.