Lalai 2:7 - ŊMALƐ KRƆŊKRƆŊ LƐ

⁷ “Mashiɛ akpɔ ni Yehowa ewo mi lɛ,” Ekɛɛ, “Mibi ji bo, ŋmɛnɛ gbi nɛɛ mifɔ bo.

Ṅmãle̱ Kroṅkroṅ Le̱

⁷ Mašie̱ akpo̱ ko ní awo ake̱: Iehowa ekē̱mi ake̱: *“Mibi dšio, ni mi mifo̱o ṅme̱ne gbĩ ne̱! *Lal. 89,27-30. Bo̱f. 13,33. Heb. 1,5; 5,5.

Lalai 2:7 ပူးပေါင်းရင်းမြစ်များ

2 Samuel 7:14

Mibatsɔ̃ etsɛ, ni eeetsɔ̃ mibi. Kɛji efee nɔ fɔŋ lɛ mibagbala etoi tamɔ bɔ ni tsɛ gbalaa ebi toi lɛ.

Hiob 23:13

Etsakeee; ni Lɛ lɛ eyɛ bɔ ni eyɔɔ kɛjɛ sa, ni namɔ aaanyɛ enaa eku. Nɔ ni esumɔɔ lɛ, no efeɔ.

Lalai 148:6

Eŋɔ amɛ emamɔ shi kɛmiiya naanɔ; ewo amɛ akpɔ, ni amɛnyɛŋ nɔ amɛku.

Lalai 89:27

Mafee lɛ mikromɔbi kɛ shikpɔŋ lɛ nɔ maŋtsɛmɛi lɛ ateŋ mɔ wulu fe fɛɛ.

Yesaia 46:10

Mi, mijɛ shishijee lɛ mli ni mitsɔ̃ɔ naagbee mli nibii ni baaba; Mi, mijɛ blema beebe mitsɔ̃ɔ nibii ni anako afee tete. Mi, mikɛɔ akɛ; ‘Miyiŋtoi aaaba mli, ni mibafee nibii fɛɛ ni yɔɔ miyiŋ.’

Mateo 16:16

Simon Petro here nɔ ekɛɛ, “Bo ji Kristo lɛ, Nyɔŋmɔ hiɛkãalɔ lɛ Bi lɛ!”

Mateo 17:5

Be ni ewieɔ lolo lɛ, naa, atatu halaŋŋ ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi ni minaa ehe tsui lɛ; nyɛboa lɛ toi!”

Mateo 3:17

Ni naa, gbee ko jɛ ŋwɛi kɛɛ, “Mɔ nɛ ji misuɔmɔ Bi ni mina ehe tsui lɛ.”

Mateo 8:29

Ni naa, amɛbolɔ amɛkɛɛ, “Mɛɛ sane wɔkɛ bo yɔɔ, bo Yesu Nyɔŋmɔ Bi lɛ? Ani oba biɛ ni obawo wɔ hejaramɔ dani be lɛ ashɛ?”

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 1:18

Nyɔŋmɔ lɛ, mɔ ko enako lɛ pɛŋ; Bi koome ni yɔɔ Tsɛ lɛ mlishi lɛ, lɛ ebajie lɛ shi etsɔ̃ɔ faŋŋ.

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Bɔfoi 13:33

akɛ no nɔŋŋ Nyɔŋmɔ ehã eba mli ehã wɔ ni wɔji amɛbii lɛ, akɛni etee Yesu shi, tamɔ bɔ ni aŋma yɛ lala ni ji enyɔ lɛ mli hu akɛ, ‘Mi-Bi ji bo; ŋmɛnɛ mifɔ bo lɛ.’

Bɔfoi 8:36

Ni be ni amɛnyiɛ gbɛ lɛ nɔ lɛ, amɛbashɛ nu ko he, ni piafonyo lɛ kɛɛ, “Naa nu; mɛni tsiɔ mibaptisimɔ gbɛ?” [

Romabii 1:4

EBi nɛɛ, hetsemɔ Mumɔ lɛ naa lɛ, atsɔ̃ gbohiiashitee lɛ nɔ ajie lɛ atsɔ̃ɔ yɛ hewalɛ mli akɛ Nyɔŋmɔ Bi ni ji Yesu Kristo wɔNuŋtsɔ lɛ.

Hebribii 3:6

Shi Kristo lɛ, eye anɔkwa akɛ Bi yɛ lɛ diɛŋtsɛ ewe; lɛ ewe ji wɔ, kɛji wɔhiɛ nɔhiɛkãmɔ mli ekãa kɛ shwãa lɛ mli kpɛŋŋ kɛyashi naagbee lɛ.

Hebribii 5:5

Nakai nɔŋŋ Kristo hu, jeee lɛ ewo lɛ diɛŋtsɛ ehe osɔfonukpa kɛna hiɛnyam, shi moŋ mɔ ni kɛɛ lɛ akɛ, “Mi-Bi ji bo, mi, mifɔ bo ŋmɛnɛ gbi nɛɛ lɛ.”

Hebribii 5:8

Ni tsɛ belɛ Nyɔŋmɔ Bi ji lɛ moŋ nɛ, shi kɛ̃lɛ ekase toiboo kɛjɛ amanehului ni ena lɛ amli.