Lalai 19:9 - ŊMALƐ KRƆŊKRƆŊ LƐ

⁹ Yehowa gbeyeishemɔ lɛ he tse, ehiɔ shi kɛyaa naanɔ. Yehowa kojomɔi lɛ anɔkwale ni, fɛɛ ja kɛmɔ shi.

Ṅmãle̱ Kroṅkroṅ Le̱

⁹ Iehowa akpoi le̱ dša pe̱, ni ehãa mo tšui nyáa; Iehowa *kitã le̱ ye̱ kro̱ṅṅ, ni ehãa mo hĩṅme̱ii ano̱ tšeo̱. *Lal. 12,7; 18,31; 119,105.

Lalai 19:9 ပူးပေါင်းရင်းမြစ်များ

1 Mose 22:12

Bɔfo lɛ kɛɛ lɛ akɛ, “Kaahã onine miisa oblanyo lɛ he, ni asaŋ kaafee lɛ nɔ ko nɔ ko! Shi mina mile agbɛnɛ akɛ osheɔ Nyɔŋmɔ gbeyei, akɛni okamaaa lɛ obi koome nɛɛ lɛ.”

1 Mose 42:18

Gbi ni ji etɛ̃ lɛ nɔ lɛ, Yosef kɛɛ enyɛmimɛi lɛ akɛ, “Nyɛfea nɔ ni mibakɛɛ nɛɛ, koni nyɛyi ana wala, shi mi lɛ Nyɔŋmɔ gbeyeishelɔ ji mi.

1 Maŋtsɛmɛi 18:12

Amrɔ pɛ ni mibashi bo matee lɛ, Yehowa Mumɔ lɛ aaabakpla bo kɛya he ko ni mileee. Kɛji mitee miyakɛɛ Ahab, ni eba, ni ebaninaaa bo lɛ, bɔ fɛɛ bɔ ni fee lɛ, ebaagbe mi. Kaimɔ akɛ Yehowa jalɔ ji otsulɔ kɛjɛ migbekɛbiiashi beebe.

Nehemia 5:15

Shi sa amraloi ni nyiɛ mihiɛ lɛ hã etɔ maŋ lɛ yɛ shika ni naa shiɔ jwiɛtɛi talentai nyɔŋmai ejwɛ ni amɛheɔ kɛshiɔ aboloo kɛ wain ni amɛheɔ yɛ maŋ lɛ dɛŋ lɛ nɔ lɛ hewɔ. Amraloi nɛɛ atsuji tete gbaa maŋ lɛ naa. Shi mi lɛ, gbeyei ni misheɔ Nyɔŋmɔ hewɔ lɛ, mifeee nakai.

Lalai 10:5

Egbɛi fɛɛ shwereɔ be fɛɛ be; okojomɔ lɛ kwɔ fe lɛ, ejwɛŋmɔ shɛɛɛ he; eyeɔ ehenyɛlɔi ahe fɛo.

Lalai 111:10

Yehowa gbeyeishemɔ ji nilee shishijee. Mɛi fɛɛ ni yeɔ nɔ lɛ amɛnaa niiashishinumɔ kpakpa. Eyijiemɔ hiɔ shi kɛyaa naanɔ.

Lalai 115:13

Eeejɔɔ mɛi ni sheɔ Yehowa gbeyei lɛ, mɛi bibii kɛ mɛi wuji fɛɛ.

Lalai 119:1

Ajɔɔ mɛi ni shwamɔ ko bɛ amɛjeŋba he, ni amɛyeɔ Yehowa mla lɛ nɔ lɛ.

Lalai 119:106

Mikã kitã, ni mima nɔ mi akɛ maye ojalɛ mlai lɛ anɔ.

Lalai 119:111

Miŋɔ omlai lɛ mifee migbɛfaŋnɔ kɛmiiya naanɔ, ejaakɛ nomɛi ahe miishɛɛ mitsui naa.

Lalai 119:142

Ojalɛ lɛ, naanɔ jalɛ ni, ni omla lɛ, anɔkwale ni.

Lalai 119:39

Hã ahorabɔɔ ni misheɔ lɛ akagbale mi, ejaakɛ okpɔi lɛ fɛɛ hi.

Lalai 119:62

Miteɔ shi nyɔɔŋteŋ mijieɔ oyi yɛ ojalɛ kojomɔi lɛ ahewɔ.

Lalai 119:7

Mikɛ tsui krɔŋŋ aaajie oyi kɛji mikase ojalɛ mlai lɛ.

Lalai 119:75

Oo Yehowa, mile akɛ okojomɔi lɛ ja, ni anɔkwayeli okɛgbala mitoi!

Lalai 12:7

Oo Yehowa, buu wɔhe; baamɔ wɔyi daa kɛjɛ nɛkɛ yinɔbii nɛɛ adɛŋ.

Lalai 147:19

Ejajeɔ ewiemɔ lɛ etsɔ̃ɔ Israel, ekɛ ekpɔi kɛ emlai lɛ hãa Israel.

Lalai 36:1

Efɔŋ kɛ mɔ fɔŋ wieɔ yɛ etsuiŋ tɔ̃ɔ; Nyɔŋmɔ gbeyeishemɔ kome folo nɛkɛ bɛ yiwalɔ mli.

Lalai 36:6

Ojalɛ nɔkwɔlɛ tamɔ gɔŋ, ni okojomɔ mlikwɔlɛ tamɔ ŋshɔ mli kwɔlɛ. Oo Yehowa, bo ohereɔ gbɔmɔ kɛ kooloo fɛɛ yiwala.

2 Mose 21:1

“Agbɛnɛ okɛ mlai nɛɛ ashwie Israelbii lɛ ahiɛ.

Abe̱i 8:13

Yehowa gbeyeishemɔ ji ohi nɔ fɔŋ. Hewoo kɛ hetsɔ̃ɔmɔ kɛ jeŋba fɔŋ kɛ kutumpɔo wiemɔ lɛ miihi.

Yesaia 26:8

Yehowa, wɔmiikwɛ bo gbɛ yɛ okojomɔi lɛ amli; wɔmiishwe ogbɛ́i ni kaiɔ wɔ saji lɛ.

Yesaia 45:19

Jeee teemɔ mli miwie yɛ, yɛ shikpɔŋ ni enɔ ewo duŋ ko nɔ. Mikɛɛ Israelbii lɛ akɛ, “Nyɛtaoɔ mi yaka; nyɛtaoɔ mi yɛ he ni nɔ ko nɔ ko bɛ. Mi Yehowa, miwieɔ anɔkwale. Nɔ ni ja lɛ, no mikɛɔ.”

Bɔfoi 10:22

Ni amɛkɛɛ, “Asraafoiohaatsɛ Kornelio, ni ji nuu jalɔ kɛ Nyɔŋmɔ gbeyeishelɔ ni Yudafoi amaŋ muu lɛ fɛɛ yeɔ ehe odase lɛ, lɛ ŋwɛi bɔfo krɔŋkrɔŋ ko kɛɛ lɛ akɛ etsu ni abakpee bo kɛba ewe lɛ, koni ebo onaa toi.”

Romabii 11:22

No hewɔ lɛ, kwɛmɔ Nyɔŋmɔ mlihilɛ kɛ bɔ ni ekɛ mɔ yeɔ waa hu, ekɛ mɛi ni egbee shi lɛ yeɔ waa, shi bo lɛ, emli hi yɛ onɔ kɛji ohi emlihilɛ lɛ mli lɛ; kɛjeee nakai lɛ, bo hu aaafo bo ashɛ afɔ̃.

Romabii 2:2

Shi wɔle akɛ Nyɔŋmɔ kojomɔ ni baa mɛi ni tsuɔ nakai nii lɛ anɔ lɛ ja.

5 Mose 4:8

Ni mɛɛ maŋ wulu kroko yɔɔ dɔŋŋ ni yɔɔ akpɔi kɛ mlai ni ja tamɔ nɛkɛ mlai nɛɛ fɛɛ ni mikɛshwieɔ nyɛhiɛ ŋmɛnɛ nɛɛ lɛ?

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!

Kpojiemɔ 16:7

Ni minu afɔleshãa latɛ lɛ miikɛɛ, “Hɛɛ, Nuŋtsɔ Nyɔŋmɔ Ofe, anɔkwa kɛ jalɛ ji okojomɔi lɛ!”

Kpojiemɔ 19:2

Ejaakɛ anɔkwa kɛ jalɛ ji ekojomɔi lɛ, akɛni ekojo ajwamãŋ kpeteŋkple lɛ ni kɛ ejwamaŋbɔɔ lɛ efite shikpɔŋ lɛ ni etɔ etsuji lɛ ala lɛ he owele yɛ enɔ lɛ.”

1 Samuel 12:24

Nyɛshea Yehowa kɛkɛ gbeyei; asaŋ nyɛsɔmɔa lɛ yɛ anɔkwayeli mli kɛ nyɛtsui fɛɛ. Nyɛkaia nibii wuji abɔ ni etsu ehã nyɛ lɛ.