Lalai 19:8 - ŊMALƐ KRƆŊKRƆŊ LƐ

⁸ Yehowa akpɔi lɛ ja pɛ, amɛhãa mɔ tsui nyaa. Yehowa kitãi lɛ yɛ krɔŋŋ, amɛhãa mɔ hiŋmɛi gbeleɔ.

Ṅmãle̱ Kroṅkroṅ Le̱

⁸ Iehowa mla le̱ hĩ ke̱-wula ši, ehãa susuma tšui nyõo̱ emli; Iehowa odase le̱ mā ši šinn, ehãa kwašia leo̱ nii. Lal. 119,60. 150.

Lalai 19:8 ပူးပေါင်းရင်းမြစ်များ

1 Mose 26:5

ejaakɛ Abraham bo migbee toi, ni eye mimlai kɛ mikitãi lɛ anɔ.”

2 Maŋtsɛmɛi 17:37

Ni akpɔi kɛ gbɛnaanii kɛ mla kɛ kitã ni eŋma ehã nyɛ lɛ, nyɛkwɛa jogbaŋŋ koni nyɛyea nɔ daa nɛɛ. Nyɛkasɔ̃mɔa nyɔŋmɔi krokomɛi.

Nehemia 8:12

No hewɔ lɛ, maŋ muu lɛ fɛɛ yiŋ amɛtee, ni amɛyaye nii, ni amɛnu nɔ ko. Amɛkɛ eko maje, ni amɛna miishɛɛ babaoo; ejaakɛ wiemɔi ni akane atsɔ̃ɔ amɛ lɛ, amɛnu shishi faŋŋ.

Nehemia 9:13

Okpeleke shi kɛba Sinai Gɔŋ lɛ nɔ, ni ojɛ ŋwɛi okɛ amɛ wie; ohã amɛ mlai kpakpai kɛ akpɔi kɛ kitãi kpakpai.

Lalai 105:45

bɔ ni afee ni amɛto ekpɔi lɛ ni amɛye nɔ. Nyɛjiea Yehowa yi!

Lalai 111:7

Eninenaa nitsumɔi lɛ, anɔkwale kɛ jalɛ saneyeli ni; ni ekpɔi lɛ fɛɛ lɛ anɔkwale ni.

Lalai 119:105

Owiemɔ ji kane hã minanefaamɔ, kɛ la ni kpɛɔ yɛ migbɛ nɔ.

Lalai 119:12

Oo Yehowa, majie oyi, tsɔ̃ɔmɔ mi okpɔi lɛ.

Lalai 119:121

Nɔ ni ja ni hi lɛ, mifee; kaaŋmɛɛ mihe ohã mɛi ni waa mi yi lɛ.

Lalai 119:128

No hewɔ lɛ, mibaa mijeŋ yɛ okpɔi lɛ anaa. Miihi kutumpɔo gbɛi fɛɛ.

Lalai 119:130

Owiemɔi lɛ amlitsɔ̃ɔmɔ, gbeleɔ jwɛŋmɔ mli fãŋŋ, ni ehãa mɔ ni leee nii leɔ nii.

Lalai 119:14

Minaa okpɔi lɛ ahe miishɛɛ fe bɔ ni mimli filiɔ mi yɛ ninamɔ kpɔtɔɔ he.

Lalai 119:143

Haomɔ kɛ piŋmɔ kã minɔ, shi kɛ̃lɛ okitãi lɛ ji nɔ ni shɛjeɔ mimii.

Lalai 119:16

Mimli aaafli mi yɛ okpɔi lɛ ahe; mihiɛ kpaŋ owiemɔ lɛ nɔ.

Lalai 119:171

Minaabu aaafɔse oyijiemɔ, ejaakɛ otsɔ̃ɔ mi omlai lɛ.

Lalai 119:24

Otsɔ̃ɔmɔi lɛ hãa mimli filiɔ mi, nomɛi woɔ mi ŋaa.

Lalai 119:40

Naa, miishwe omlai lɛ; ni ojalɛ naa lɛ hã miyi ana wala.

Lalai 119:54

Okpɔi lɛ ji lalai ni milaa yɛ migbɔtoo be yɛ shikpɔŋ nɛɛ nɔ lɛ.

Lalai 119:80

Kaahã kpa ko miihi mitsui mli yɛ omlai lɛ agbɛfaŋ, koni mihiɛ akashwie shi.

Lalai 119:92

Eji jeee omla lɛ he mimii shɛɔ kulɛ, be nɛ mihiɛ ekpãtã momo, yɛ mimanehulu lɛ mli.

Lalai 12:6

Yehowa shiwoi lɛ, shiwoi ni yɔɔ krɔŋŋ ni; amɛtamɔ jwiɛtɛi ni aka yɛ shikpɔŋ flɔnɔɔ mli, ni atsuu he nɔtoonɔtoo shii kpawo.

Lalai 13:3

Oo, Yehowa, miNyɔŋmɔ, kwɛmɔ mi ni ohere mi nɔ; tsiɛ̃mɔ mi koni mikawɔ gbele wɔ.

Lalai 40:8

MiNyɔŋmɔ, eŋɔɔ minaa akɛ mafee osuɔmɔnaanii; Omla lɛ yɛ mitsui mli.”

Lalai 93:5

Yehowa, okpɔi lɛ anɔkwale ni, Owe lɛ he tse krɔŋkrɔŋ kɛyaashi naanɔ.

2 Mose 18:16

Kɛji amɛna sane ko lɛ amɛkɛbaa miŋɔɔ, ni mikuraa, ni mitsɔ̃ɔ amɛ Nyɔŋmɔ akpɔi kɛ nɔ ni Nyɔŋmɔ kɛɛ.”

Abe̱i 2:6

ejaakɛ Yehowa hãa aleɔ nii; edaaŋ nilee kɛ niiashishinumɔ jɛɔ.

Abe̱i 30:5

Nyɔŋmɔ wiemɔ fɛɛ wiemɔ lɛ, anɔkwale ni; Nyɔŋmɔ ji tsɛŋ kɛhã mɛi ni baa lɛ abo lɛ.

Abe̱i 6:23

Ejaakɛ kitã lɛ, kane ni, ni mla lɛ, la ni, ni tsɔsemɔkãmɔ lɛ, wala gbɛ ni.

Yesaia 64:5

Ohereɔ mɛi ni kɛ miishɛɛ feɔ jalɛnii, mɛi ni kaiɔ bɔ ni otaoɔ akɛ amɛba amɛjeŋ amɛha lɛ atuu. Omli fu wɔ, shi wɔkã he wɔfee esha lɛ lolo. Yɛ omlifu lɛ sɛɛ lɛ, wɔkã he wɔfee esha lɛ lolo.

Yeremia 15:16

Ao! Yehowa, Taiatsɛ, be ni minu owiemɔi lɛ mimɔ mli, ni ehã mina miishɛɛ, ni mimli fili mi, ejaakɛ akɛ ogbɛi ewo mi.

Ezekiel 36:27

Mikɛ miMumɔ lɛ baawo nyɛmli, ni mahã nyɛba nyɛjeŋ yɛ mikpɔi lɛ anaa, ni nyɛbaaye mimlai lɛ anɔ jogbaŋŋ.

Romabii 3:20

Ejaakɛ adamɔŋ Mla lɛ nitsumɔ nɔ abuŋ gbɔmɔ ko gbɔmɔ ko bem yɛ ehiɛ; ejaakɛ Mla nɔ atsɔ̃ɔ aleɔ nɔ ni ji esha.

Romabii 7:22

Mimligbɛ gbɔmɔ lɛ miishɛɔ yɛ Nyɔŋmɔ Mla lɛ he;

Romabii 7:7

Belɛ te wɔɔkɛɛ tɛŋŋ? Aso Mla lɛ esha ni? Dabida! Shi moŋ jeee Mla lɛ hewɔŋ kulɛ mileee esha; ejaakɛ kulɛ mileee nɔ ni ji hiɛkɔ̃ɔ, kɛjeee Mla lɛ kɛɛ akɛ, “Ohiɛ akakɔ̃ nii anɔ.”

Galatabii 2:19

Ejaakɛ mi lɛ mitsɔ̃ Mla lɛ nɔ migbo yɛ Mla lɛ gbɛfaŋ, koni mihiɛ akã ahã Nyɔŋmɔ.

Galatabii 3:21

Agbɛnɛ Mla lɛ shiɔ Nyɔŋmɔ shiwoi lɛ lo? Dabida! Ejaakɛ eji awo mla ko ni aaanyɛ wala ahã kulɛ, anɔkwale mli lɛ wɔbembuu baajɛ mla nɔyeli mli.

5 Mose 16:11

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli kɛ maŋsɛɛ gbɔi kɛ awusãi kɛ okulafoi hu ni yɔɔ nyɛteŋ lɛ. Nyɛyea gbijurɔ nɛɛ yɛ he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ.

5 Mose 16:14

Nyɛyea gbijurɔ nɛɛ kɛ miishɛɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii kɛ maŋsɛɛ gbɔi kɛ awusãi kɛ okulafoi hu ni yɔɔ nyɛmaji lɛ amli lɛ.