Lalai 19:7 - ŊMALƐ KRƆŊKRƆŊ LƐ

⁷ Yehowa mla lɛ hi kɛwula shi; ehãa gbɔmɔ susuma naa hewalɛ hee. Yehowa mla lɛ maa shi shiŋŋ; ehãa humii leɔ nii.

Ṅmãle̱ Kroṅkroṅ Le̱

⁷ Edšeo̱ ye̱ ṅwei nāgbēhe kome, ni ebo̱lee̱ ši ke̱-yaä enāgbēhe kroko le̱, ni nokonoko etēē ehe ke̱-dše̱e̱ elatšā le̱ nā. Lal. 104,19.

Lalai 19:7 ပူးပေါင်းရင်းမြစ်များ

2 Samuel 23:5

Bɔ ni Nyɔŋmɔ baajɔɔ miwe lɛ nɛ, ejaakɛ ekɛ mi ekpãŋ naanɔ kpãŋmɔ, kpãŋmɔ ko ni akuŋ mli, shiwoo ko ni atsakeŋ hiɛ. Anɔkwa, Nyɔŋmɔ baahã mi yelikɛbuamɔ ni he ehia, kɛ mitaomɔ nii fɛɛ.

Hiob 23:12

Mitswako Nyɔŋmɔ naa wiemɔ ko mifɔ̃ko afã dã; mikɛto mitsui shishi tɔ̃ɔ.

Lalai 111:7

Eninenaa nitsumɔi lɛ, anɔkwale kɛ jalɛ saneyeli ni; ni ekpɔi lɛ fɛɛ lɛ anɔkwale ni.

Lalai 119:105

Owiemɔ ji kane hã minanefaamɔ, kɛ la ni kpɛɔ yɛ migbɛ nɔ.

Lalai 119:111

Miŋɔ omlai lɛ mifee migbɛfaŋnɔ kɛmiiya naanɔ, ejaakɛ nomɛi ahe miishɛɛ mitsui naa.

Lalai 119:130

Owiemɔi lɛ amlitsɔ̃ɔmɔ, gbeleɔ jwɛŋmɔ mli fãŋŋ, ni ehãa mɔ ni leee nii leɔ nii.

Lalai 119:14

Minaa okpɔi lɛ ahe miishɛɛ fe bɔ ni mimli filiɔ mi yɛ ninamɔ kpɔtɔɔ he.

Lalai 119:152

Mile kɛjɛ jeeŋmɔ beebe, kɛtsɔ̃ omlai lɛ anɔ, akɛ oto omlai lɛ oma shi shiŋŋ kɛmiiya naanɔ.

Lalai 119:24

Otsɔ̃ɔmɔi lɛ hãa mimli filiɔ mi, nomɛi woɔ mi ŋaa.

Lalai 119:72

Mla ni jɛ onaa lɛ, ehi hã mi fe shika kɛ jwiɛtɛi akpei abɔ.

Lalai 119:9

Te oblanyo aaafee tɛŋŋ, ni eeehã ejeŋba he atse hu? No ji akɛ ekwɛ ehe nɔ jogbaŋŋ yɛ owiemɔ lɛ naa.

Lalai 18:30

Nyɔŋmɔ nɛɛ, enifeemɔinii fɛɛ hi kɛwula shi. Yehowa yeɔ eshiwoi anɔ. Eji tsɛŋ kɛhã mɛi fɛɛ ni baa lɛ abo lɛ.

Lalai 23:3

Ehãa minaa hewalɛ hee. Ekpalaa mi kɛtsɔ̃ɔ jalɛ gbɛi anɔ yɛ egbɛi lɛ hewɔ.

Lalai 93:5

Yehowa, okpɔi lɛ anɔkwale ni, Owe lɛ he tse krɔŋkrɔŋ kɛyaashi naanɔ.

Abe̱i 1:4

Abɛi nɛɛ tsɔ̃ɔ mɛi ni nako jwɛŋmɔ lɛ hiɛtɛ̃ɛ; ni amɛtsɔ̃ɔ oblanyo hu nilee kɛ jwɛŋmɔ.

Yesaia 8:16

Nyɛ mikaselɔi lɛ, nyɛbaa tsɔsemɔ wiemɔi lɛ ayi yɛ nyɛteŋ.

Yesaia 8:20

Nyɛtoa he akɛ, “Nyɛmɔa Yehowa wiemɔ lɛ kɛ ehe odaseyeli lɛ mli. Anɔkwa, nɔ ni nifeelɔi lɛ kɛɔ nyɛ lɛ, nɔ kpakpa ko ejɛŋ mli.”

Yohane 5:39

Nyɛtaoɔ ŋmalɛi lɛ amli, ejaakɛ nyɛ diɛŋtsɛ nyɛsusuɔ akɛ nomɛi amli nyɛnaa naanɔ wala yɛ; ni nomɛi nɔŋŋ ji nii ni yeɔ mihe odase lɛ.

Bɔfoi 10:43

Lɛ ehe odase gbalɔi lɛ fɛɛ yeɔ, akɛ mɔ fɛɛ mɔ ni heɔ enɔ yeɔ lɛ aaana ehe eshai faa yɛ egbɛi lɛ hewɔ.”

Romabii 12:2

Ni nyɛkabaa nyɛjeŋ tamɔ jeŋbii, shi moŋ nyɛkɛ nyɛjwɛŋmɔ ni etsɔ̃ ehee lɛ afea nyɛhe gbɔmɛi hei, koni nyɛyoo nii ni ji Nyɔŋmɔ suɔmɔnaanii kpakpai ni sa ehiɛ jogbaŋŋ ni hi kɛwula shi lɛ.

Romabii 15:4

Ejaakɛ nibii abɔ ni aŋma ato momo lɛ, aŋma ni etsɔ̃ɔ wɔ nii, koni wɔkɛ hiɛmiamɔ kɛ ŋmalɛi lɛ amli miishɛjemɔ lɛ ana hiɛnɔkãmɔ.

Romabii 3:2

Efa yɛ gbɛ fɛɛ gbɛ nɔ. Klɛŋklɛŋ nɔ ji akɛ atu Nyɔŋmɔ wiemɔi lɛ awo amɛdɛŋ.

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

Kolosebii 3:16

Nyɛhãa Kristo wiemɔ lɛ ahia nyɛmli babaoo; ni nyɛkɛ nilee fɛɛ atsɔ̃a nyɛhe nii ni nyɛwiea nyɛtsɔ̃a nyɛhe yɛ saŋkutswai kɛ yijiemɔ lalai kɛ mumɔŋ lalai amli, ni nyɛkɛ shidaa alaa yɛ nyɛtsuii amli nyɛhãa Nyɔŋmɔ.

2 Timoteo 1:8

No hewɔ lɛ, ohiɛ akagbo yɛ wɔNuŋtsɔ lɛ he odaseyeli lɛ he aloo yɛ mi ni mi ji egboklɛfonyo lɛ he, shi moŋ naa Sanekpakpa lɛ he amanehulu lɛ eko yɛ Nyɔŋmɔ hewalɛ naa.

2 Timoteo 2:19

Kɛ̃lɛ Nyɔŋmɔ shishitoo ni wa lɛ ma shi shiŋŋ, ni ehiɛ nɛkɛ naasɔomɔnɔ nɛɛ, “Nuŋtsɔ lɛ le lɛ diɛŋtsɛ emɛi lɛ,” kɛ “Mɔ fɛɛ mɔ ni tsiɔ Nuŋtsɔ lɛ gbɛi lɛ tã lɛ atsi ehe kɛjɛ nii ni ejaaa gbɛ lɛ ahe.”

Yakobo 1:17

Dromɔnii kpakpai fɛɛ kɛ nikeenii ni hi kɛwula shi fɛɛ lɛ; ŋwɛi ejɛɔ ekpelekeɔ shi, kɛjɛɔ ŋwɛi lai aTsɛ lɛ ŋɔɔ, mɔ mli ni tsakemɔ loo duŋ ni tsakemɔ kɛbaa bɛ lɛ.

Yoshua 1:8

Kaahã nɛkɛ Mla Wolo nɛɛ mli wiemɔi lɛ miikpa yɛ odaaŋ; shi jwɛŋmɔ he be fɛɛ be, nyɔɔŋ kɛ shwane, ni ojwɛŋ nɔ bɔ ni afee ni ohiɛ ahi ohe nɔ, ni ofee bɔ ni aŋma yɛ mli lɛ pɛpɛɛpɛ, ejaakɛ no baahã oshwere.

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.