Lalai 18:8 - ŊMALƐ KRƆŊKRƆŊ LƐ

⁸ Lasu fã kɛjɛ egugɔ mli kɛtee ŋwɛi; ni la ni kpãtãa nii ahiɛ jɛ edaaŋ; ŋai ni miitso jɛ edaaŋ.

Ṅmãle̱ Kroṅkroṅ Le̱

⁸ Ke̱ke̱ ni šikpoṅ le̱ hoso ni ekpokpo, ni gõdši le̱ ašišitōi le̱ tšire̱ ame̱he ni ame̱hoso, edšake̱ emli efũ.

Lalai 18:8 ပူးပေါင်းရင်းမြစ်များ

1 Mose 19:28

ni etsɔ ehiɛ ehã Sodom kɛ Gomora gbɛ kɛ jɔɔ shikpɔŋ lɛ fɛɛ, ni ekwɛ, ni naa, lasu miifã kɛmiijɛ shikpɔŋ lɛ nɔ tamɔ flɔnɔɔŋ lasu.

Hiob 41:19

La fãa kɛjɛɔ edaaŋ tamɔ haai; la srɛmii fɛlɛɔ kɛjɛɔ edaaŋ.

Lalai 104:32

Lɛ ji mɔ ni kɛ ekwɛ shikpɔŋ lɛ, shikpɔŋ lɛ hosoɔ, kɛ eta gɔji lɛ ahe lɛ, amɛjeɔ lasu.

Lalai 11:6

Eeehã la ni tsoɔ glegle kɛ swɔɔ anɛ ashwie mɔ fɔŋ nɔ; kɔɔyɔɔ ni mli edɔ la ekɛaagbala etoi.

Lalai 21:9

Kɛ ojie ohe kpo lɛ, oooŋala amɛ tamɔ flɔɔnɔɔ mli la. Yehowa aaakpãtã amɛhiɛ yɛ emlifu lɛ naa, ni la lɛ aaashã amɛ wɛɛ.

Lalai 50:3

WɔNyɔŋmɔ lɛ miiba, ebaaa lɛ kpoo. La ni kpãtãa nii ahiɛ nyiɛ ehiɛ; ni ahum kpele bɔle ehe.

Lalai 74:1

Oo, Naa Nyɔŋmɔ, mɛɛba oshɛrɛ wɔ oshwie kwraa nɛkɛ? Mɛɛba omlifu lɛ jɛleɔ woɔ olɛɛhe lɛ toi nɛɛ?

Yesaia 24:18

Mɔ ni baajo foi kɛji anu gbeyei sane lɛ, ebaagbee bu lɛ mli; ni mɔ ni baakwɔ kɛje kpo yɛ bu lɛ mli lɛ, ebaadu tsɔne; ejaakɛ aaagbele ŋwɛi samfɛji lɛ, ni shikpɔŋ lɛ shishitoo lɛ aaahoso.

Daniel 7:10

La miiho yɛ ehiɛ tamɔ faa hoɔ. Gbɔmɛi akpeiakpei akpei abɔ sɔ̃mɔɔ gbɔmɔ nɛɛ, ni mɛi huuhaa abɔ hu damɔ ehiɛ. Kɛkɛ ni kojolɔi lɛ batara shi, ni agbele woji lɛ anaa, ni abɔi kojomɔ.

3 Mose 10:2

Yehowa hã la ba ebashã amɛ, ni amɛgboi yɛ ehiɛ.

Amos 4:11

Yehowa kɛɛ akɛ, “Mikpãtã nyɛteŋ mɛi komɛi ahiɛ tamɔ mifee Sodom kɛ Gomora lɛ. Nyɛ mɛi ni nyɛyi na wala lɛ, nyɛtsɔ̃mɔ tamɔ la tso ni afã yɛ la naa; ni kɛ̃lɛ nyɛkpaleko kɛbako miŋɔɔ.

4 Mose 11:1

Yehowa toi gbe huhuuhu ni maŋbii lɛ wie tamɔ gbɔmɛi komɛi ni miina nɔ. Be ni Yehowa nu lɛ, emli wo la ni ehã la here yɛ amɛshitoohe lɛ mli ni ekpãtã nibii ahiɛ yɛ shitoohe lɛ afãgbɛ.

4 Mose 16:35

Yehowa hã la bayi hii ohai enyɔ kɛ nyɔŋmai enumɔ lɛ ni kɛ tsofakɛŋma ba Kpee Buu lɛ hiɛ lɛ anɔ ni eshã amɛ wɛɛ.

5 Mose 29:20

Yehowa kɛ nɛkɛ gbɔmɔ nɛɛ he ekeŋ lɛ, shi moŋ Yehowa mlifu kɛ ewuŋayeli aaate shi awo lɛ, ni loomɔi fɛɛ ni aŋma yɛ nɛkɛ wolo nɛɛ mli lɛ aaababua gbɔmɔ nɛɛ yiteŋ kɛyashi Yehowa baagbe egbɛi yɛ je lɛ mli.

Kpojiemɔ 11:5

Ni kɛ mɔ ko miitao afee amɛ efɔŋ lɛ, la jeɔ amɛdaaŋ ni ekpãtãa amɛhenyɛlɔi lɛ ahiɛ; ni kɛ mɔ ko miitao akɛ efee amɛ efɔŋ lɛ, nɛkɛ gbɛ nɔ atsɔ̃ɔ nɔŋŋ agbeɔ lɛ.