Lalai 18:7 - ŊMALƐ KRƆŊKRƆŊ LƐ

⁷ Kɛkɛ ni shikpɔŋ lɛ kpokpo, ni gɔji lɛ ashishitoo lɛ hu hoso, ni amɛjo bliblibli; ejaakɛ Nyɔŋmɔ mli efu.

Ṅmãle̱ Kroṅkroṅ Le̱

⁷ Beni efĩmi le̱, mitšé̱ Iehowa, ni mibo mitšé̱ mi-Nyoṅmo̱ le̱. Enu migbē ke̱-dše̱ eso̱lemo̱we le̱, ni miblo̱mo̱ ni mi-blo̱ ye̱ ehĩe le̱ bote etoiiaṅ,

Lalai 18:7 ပူးပေါင်းရင်းမြစ်များ

Lalai 34:16

Yehowa jieɔ ehiɛ ekaa efɔŋfeelɔi, koni akakai amɛ kwraa yɛ shikpɔŋ lɛ nɔ.

Lalai 34:18

Yehowa bɛŋkɛɔ mɛi ni hiɛnɔkãmɔ etã, ni ehereɔ mɛi ni werɛ eho amɛhe lɛ.

Lalai 39:13

Foo omlifu lɛ sɛɛ koni mana miishɛɛ fioo dani mashi biɛ maya.”

Lalai 40:2

Efã mi kɛje hiɛkpãtãmɔ bu lɛ mli, ejie mi kɛjɛ ŋmiamɔ lɛ mli, ni ekɛ minaji mamɔ tɛsaa nɔ, ni ehã minane mɔ shi.

Lalai 46:2

No hewɔ lɛ, kɛji shikpɔŋ hiɛ tsɔ̃ bu shi, kɛji gɔji famɔ yagbee ŋshɔŋ teŋteŋ tete po lɛ, wɔsheŋ gbeyei.

Yeremia 4:24

Mikwɛ gɔji lɛ, naa, amɛmiihoso, ni gɔ̃ŋkpɔi lɛ miitsi kɛmiiya kɛmiiba.

Habakuk 3:10

Gɔji lɛ na bo, ni amɛhosohosoo; nu tue kɛbaho yoo. Bu kwɔŋkwɔŋ lɛ wo egbee; ehole eniji anɔ kɛtee ŋwɛi.

Habakuk 3:6

Ewa edamɔ shi, ni shikpɔŋ hoso, Ekwɛ, ni maji lɛ ahe kpokpo. Naanɔ gɔji lɛ gbɛ shwã ni naanɔ gɔŋkpɔi lɛ ba shi, yɛ hei ni enyiɛ blema ko lɛ.

Zakaria 14:4

Nakai gbi lɛ nɔ lɛ Yehowa baadamɔ Mugɔŋ lɛ ni ma Yerusalɛm bokãgbɛ lɛ nɔ. Mugɔŋ nɛɛ mli baagba enyɔ kɛjɛ bokã kɛyashi anai, ni jɔɔ kpeteŋkple diɛŋtsɛ baakã teŋ. Gɔŋ lɛ fã baaye kooyigbɛ, ni fã hu baaye wuoyigbɛ.

Mateo 28:2

Ni naa, shikpɔŋ ehoso waa, ejaakɛ Nuŋtsɔ lɛ bɔfo jɛ ŋwɛi kpeleke shi, ni ebakoklo tɛ lɛ kɛtee sɛɛ, ni eho eta nɔ.

Bɔfoi 4:31

Ni be ni amɛsɔle nɛkɛ lɛ, he ni amɛnaa ebakpe shi yɛ lɛ hoso, ni Mumɔ Krɔŋkrɔŋ yimɔ amɛ fɛɛ obɔ̃bɔ̃; ni amɛkɛ ekãa jaje Nyɔŋmɔ wiemɔ lɛ.

1 Korintobii 13:2

Ni kɛji miyɛ gbalɛ dromɔ keenii, ni minaa teemɔŋnii fɛɛ naa, ni mile nii fɛɛ, ni kɛji miyɛ hemɔkɛyeli fɛɛ hu, bɔ ni manyɛ gɔji mafãmɔ, shi mibɛ suɔmɔ lɛ, no lɛ mijeee nɔ ko.

5 Mose 32:22

Ejaakɛ mimlifu ehã la ko ehere, ni eetso kɛmiiya gbohiiaje tɔ̃ɔ; ebaashã je lɛ kɛ enɔ nibii, ni ebaashã gɔji lɛ ashishitoi diɛŋtsɛ.

Kojolɔi 5:4

Yehowa, be ni ojɛ Seir obaa lɛ, shikpɔŋ lɛ hoso, ŋwɛi tsere nu shwie shi, Be ni ofã nyiɛmɔ kɛjɛ Edom ŋã lɛ nɔ lɛ! Hɛɛ, nu tue kɛjɛ atatuiaŋ shwie shi.