Lalai 18:13 - ŊMALƐ KRƆŊKRƆŊ LƐ

¹³ Kɛkɛ ni Yehowa shi yɛ ŋwɛi tamɔ ŋwɛi shiimɔ, ni ŋwɛi flooflonyo lɛ wo egbee.

Ṅmãle̱ Kroṅkroṅ Le̱

¹³ Kpe̱mo̱ ni nyie ehĩe le̱ hã nyoṅmo̱ṅte̱i ke̱ ṅãi ní tšoo̱ dše̱ etatui kpīkpī le̱ amli baho.

Lalai 18:13 ပူးပေါင်းရင်းမြစ်များ

Lalai 104:7

Oŋa nui lɛ ayi, ni amɛjo foi; oŋwɛi shiimɔ naa lɛ, amɛjo foi oya.

1 Samuel 7:10

Be ni Samuel shãa afɔle lɛ, Filistibii lɛ tsi bɛŋkɛ koni amɛbatua Israelbii lɛ. Shi Yehowa hã ŋwɛi shimɔ gbeyeigbeyei wo Filistibii lɛ nakai gbi lɛ, ni ehã amɛhiɛ bɔ, ni amɛnyɛɛɛ Israelbii lɛ ahiɛ amɛdamɔ.

Lalai 140:10

Hã ŋãi la atso yɛ amɛyiteŋ, hã ashɛrɛ amɛ ashwie bui kwɔŋkwɔŋi amli, ni amɛkate shi dɔŋŋ.

Kpojiemɔ 19:6

Ni minu gbee ko tamɔ asafo kpeteŋkple gbee kɛ nui babaoo kɛ nyɔŋmɔshiimɔi ni naa wa agbɛɛmɔ miikɛɛ, “Haleluya! Ejaakɛ Nuŋtsɔ, wɔNyɔŋmɔ Ofe lɛ miiye maŋtsɛ!”

Kpojiemɔ 8:5

Ni bɔfo lɛ kɔ tsofakɛŋma shãanɔ lɛ, ni eje efɔleshãa latɛ lɛ nɔ la lɛ eko ewo lɛ obɔ̃, ni etsi eshwie shikpɔŋ lɛ nɔ, ni nyɔŋmɔshiimɔi kɛ gbɛɛmɔi kɛ srawagbalamɔi kɛ shikpɔŋhosomɔ ba.

Kpojiemɔ 4:5

Ni srawai kɛ gbɛɛmɔi kɛ nyɔŋmɔshimɔi jɛ maŋtsɛ sɛ̃i lɛ mli, ni la hai kpawo ni tsoɔ ni ji Nyɔŋmɔ mumɔi kpawo lɛ yɛ maŋtsɛ sɛ̃i lɛ hiɛ.

Yohane 12:29

Kɛkɛ ni asafo ni damɔ jɛi ni nu lɛ kɛɛ akɛ, “Nyɔŋmɔ eshi!” Mɛi komɛi hu kɛɛ, “Ŋwɛi bɔfo ko kɛ lɛ ewie!”

Habakuk 3:5

Tsɛŋemɔ hela nyiɛɔ ehiɛ, ni gbele hela nyiɛ esɛɛ tuuŋtu.

Ezekiel 10:5

Anu adebɔɔ nibii lɛ afijiaŋ gbɛɛmɔ lɛ yɛ kpo nɔ gbɛ kpo lɛ nɔ tɔ̃ɔ. Ni gbɛɛmɔ lɛ tamɔ Nyɔŋmɔ Ofe lɛ gbee kɛji eewie lɛ.

Lalai 78:48

Ekpãtã amɛtsinai lɛ ahiɛ kɛ nyɔŋmɔŋtɛi, ni ekpãtã amɛtoi ahiɛ kɛ srawai.

Hiob 40:9

Aso ohewalɛ shɛɔ Nyɔŋmɔ nɔ lɛ, ni obaanyɛ ohã ogbee ashi tamɔ Nyɔŋmɔ nɔ lɛ lo?

5 Mose 32:24

Hɔmɔ baahã amɛtã loo, ni jeŋ dɔlɛ kɛ hela baagbe amɛ. Mawo kooloi kakawuai agbɛ koni amɛbatua amɛ, kɛ onufui kɛ amɛnaa ebɔɔ hu gbɛ koni amɛbakɔ̃mɔ amɛ.

2 Mose 20:18

Be ni Israelbii lɛ na bɔ ni ŋwɛi shimɔɔ, ni srawa gbalaa, ni tɛtɛrɛmantɛrɛ gbɛɔ, ni gɔŋ lɛ fãa lasu lɛ, amɛshe gbeyei, ni amɛkpokpo, ni amɛdamɔ sɛɛ flɛŋŋ.

2 Mose 9:24

Be ni enɛɔ lɛ belɛ srawa lɛ hu miigbala plamplam kɛnyiɛ mli. Nyɔŋmɔŋtɛi lɛ nɛ waa naakpa bɔ ni anako ehenɔ dã yɛ Ijipt kɛjɛ be mli ni etsɔ̃ maŋ nɛɛ.

Yoshua 10:11

Be ni Amorbii lɛ joɔ Israelbii lɛ anaa foi kɛkpelekeɔ Bet Horon Gɔŋ lɛ, Yehowa hã nyɔŋmɔŋtɛi wuji jɛ ŋwɛi bashwie Amorbii lɛ anɔ aahu kɛyashi Azeka, ni amɛgboi. Mɛi abɔ ni tɛi nɛɛ gbe lɛ ayi fa kwraa fe mɛi ni gboi yɛ Israelbii lɛ aklante naa.

Lalai 11:6

Eeehã la ni tsoɔ glegle kɛ swɔɔ anɛ ashwie mɔ fɔŋ nɔ; kɔɔyɔɔ ni mli edɔ la ekɛaagbala etoi.