Lalai 17:7 - ŊMALƐ KRƆŊKRƆŊ LƐ

⁷ Jiemɔ onaakpɛɛ suɔmɔ ni tsakeee lɛ kpo otsɔ̃ɔ mi. Oo, bo yiwalaherelɔ ni okɛ ohewalɛ hereɔ mɛi ni taoɔ abobaa lɛ ayiwala kɛjɛɔ amɛhenyɛlɔi adɛŋ.

Ṅmãle̱ Kroṅkroṅ Le̱

⁷ Dšiemo̱ *onākpe̱ mlihĩle̱ le̱ kpo, bo, moni oke̱ oninedšũrõ hereo̱ mei ní baäo abo le̱ ayiwala ke̱-dše̱o̱ mei ní teo̱ ši woo̱ame̱ le̱ adeṅ le̱! *Lal. 4,4.

Lalai 17:7 ပူးပေါင်းရင်းမြစ်များ

2 Maŋtsɛmɛi 19:22

“Namɔ ahora obɔ, ni owie musubɔɔ wiemɔi oshi lɛ lɛ? Namɔ obolɔ owo lɛ; ni namɔ ogbɛ ohiŋmɛiŋ owo lɛ? Israel Mɔ Krɔŋkrɔŋ lɛ ni!

2 Maŋtsɛmɛi 19:34

Ejaakɛ mi diɛŋtsɛ mafã maŋ nɛɛ he, ni mahere eyiwala, yɛ mi diɛŋtsɛ mihiɛ nyam hewɔ, kɛ shi ni miwo mitsulɔ David lɛ hu hewɔ.’ ”

2 Kronika 16:9

Yehowa, ehiŋmɛi kã je lɛ fɛɛ he, ni ehãa mɛi fɛɛ ni yeɔ lɛ anɔkwa kɛ amɛtsui fɛɛ lɛ naa hewalɛ. Oye kwashiai asane pam, ni no hewɔ lɛ, kɛjɛ kɛyaa nɛɛ lɛ, taitai sɔŋŋ ahe obaakã.”

Lalai 20:6

Agbɛnɛ mina mile akɛ Yehowa yeɔ ebuaa maŋtsɛ ni efɔ lɛ mu lɛ, ni eeejɛ eŋwɛi krɔŋkrɔŋ lɛ ebo lɛ toi, ni Yehowa aaahã lɛ hewalɛ ni ekɛye kunim.

Lalai 31:21

Yijiemɔ ahã Yehowa ejaakɛ ejie enaakpɛɛ suɔmɔ ni sɛɛ efooo lɛ kpo etsɔ̃ɔ mi, be ni atua mi tamɔ maŋ ko ni asa eyi lɛ.

Lalai 31:22

Yɛ mitsuifãa mli lɛ, mikɛɛ akɛ, “Ashwie mi kɛje ohiɛ kɛtee sɛɛ shɔŋŋ.” Kɛ̃lɛ, be ni mibo mitsɛ bo lɛ, obo mifaikpamɔ toi.

Lalai 44:3

Ejaakɛ jeee amɛ diɛŋtsɛ amɛklante nɔ amɛtsɔ̃ amɛŋɔ shikpɔŋ lɛ; asaŋ jeee amɛnineshiwalɛ hã amɛye kunim; shi moŋ ohewalɛ kɛ onyɛmɔ naa, kɛ ohiɛ ni kã amɛhe lɛ hã amɛye kunim; ejaakɛ oyɛ amɛhe tsuijurɔ.

Lalai 60:5

Okɛ ohewalɛ lɛ ahere wɔyiwala. Bo wɔ toi bɔ ni afee ni mɛi ni osumɔɔ lɛ ahere amɛyiwala.

Lalai 78:12

Efee naakpɛɛnii yɛ amɛtsɛmɛi lɛ ahiɛ yɛ Ijipt shikpɔŋ lɛ nɔ, yɛ Zoan ŋa lɛ nɔ.

2 Mose 15:6

Yehowa, ohewalɛ lɛ hiɛ eba nyam, Yehowa, ohewalɛ lɛ tserɛɔ henyɛlɔ mli.

Yesaia 41:10

Kaashe gbeyei, shi mi mi kɛ bo yɔɔ; kaakwɛkwɛɛ ohe ejaakɛ mi ji oNyɔŋmɔ lɛ!” Mibawaje bo, mibaye mabua bo; mibahiɛ omli kɛ mikunimyeli ninejurɔ lɛ!

Bɔfoi 2:33

Agbɛnɛ akɛni awo enɔ kɛtee Nyɔŋmɔ ninejurɔ nɔ ni ena Mumɔ Krɔŋkrɔŋ lɛ he shiwoo lɛ kɛjɛ Tsɛ lɛ dɛ̃ŋ hewɔ lɛ, efɔse nɔ ni nyɛnaa ni nyɛnuɔ nɛɛ eshwie shi.

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!