Lalai 148:8 - ŊMALƐ KRƆŊKRƆŊ LƐ

⁸ la kɛ nyɔŋmɔŋtɛ, snoo kɛ afua, ahum ni yeɔ efãmɔ nɔ.

Ṅmãle̱ Kroṅkroṅ Le̱

⁸ la ke̱ nyoṅmo̱ṅte̱, snō ke̱ lamo̱, ahum ni yeo̱ ewiemo̱ le̱ ne̱ le̱;

Lalai 148:8 ပူးပေါင်းရင်းမြစ်များ

1 Mose 19:24

Yehowa hã swɔɔ kɛ la nɛ kɛjɛ ŋwɛi eshwie Sodom kɛ Gomora nɔ,

Hiob 37:12

Amɛbɔleɔ shi yɛ egbɛjianɔtoo naa; amɛyeɔ efãmɔ nɔ yɛ je lɛ mli fɛɛ.

Lalai 103:20

Oo, nyɛ ebɔfoi ni he wa, ni nyɛyeɔ ewiemɔ lɛ nɔ, ni nyɛboɔ egbee toi, nyɛjiea Yehowa yi!

Lalai 18:12

Nyɔŋmɔŋtɛi kɛ ŋai ni miitso kpɛlɛ kɛtsɔ̃ oblɔtu kabitii lɛ mli kɛnyiɛ ehiɛ.

2 Mose 10:13

Mose wo etso lɛ nɔ, ni Yehowa hã bokã kɔɔyɔɔ ko batswa yɛ shikpɔŋ lɛ nɔ, gbi lɛ shwane kɛ nyɔɔŋ fɛɛ, ni be ni je tsɛreɔ lɛ bokã kɔɔyɔɔ lɛ kɛ baalabii lɛ eba.

2 Mose 10:19

Ni Yehowa hã anai kɔɔyɔɔ ni naa wa naakpa batswa, ni eloo baalabii lɛ blublu kɛtee eyashwie Ŋshɔ Tsuru lɛ mli. Baalabii lɛ ateŋ ekome folo nɛkɛ eshwɛɛɛ yɛ Ijipt kpokpai lɛ fɛɛ nɔ.

2 Mose 14:21

Mose kpã enine mli yɛ ŋshɔ lɛ nɔ, ni Yehowa hã bokã kɔɔyɔɔ ko ni naa wa batswa nakai nyɔɔŋ lɛ mli fɛɛ, ni ehã ŋshɔ lɛ gbala kɛtee sɛɛ, yɛ biɛ kɛ biɛ, ni emli gba enyɔ, ni eshi shikpɔŋ gbiŋ efɔ̃ shi yɛ eteŋ,

Yesaia 66:16

Ejaakɛ la Yehowa kɛbaakojo, ni ekɛ klante aaakojo jeŋ gbɔmɛi fɛɛ, ni mɛi ni Yehowa aaagbe lɛ ayi aaafa babaoo naakpa.

Yoel 2:30

“Mahã ana gbi lɛ he okadii yɛ ŋwɛi kɛ shikpɔŋ lɛ nɔ, láshishwiemɔ kɛ la kɛ lasu kpɔŋŋ.

3 Mose 10:2

Yehowa hã la ba ebashã amɛ, ni amɛgboi yɛ ehiɛ.

Amos 4:13

Naa, mɔ ni shɔ̃ gɔji lɛ, ni ebɔ kɔɔyɔɔ, ni egbaa gbɔmɔ nɔ ni ji lɛ Nyɔŋmɔ lɛ eyiŋtoo. Lɛ mɔ ni ehãa jetsɛremɔ tsɔ̃ɔ duŋ, ni enyiɛɔ shikpɔŋ lɛ nɔ hei grɔŋŋi lɛ, Egbɛi ji Yehowa, Taiatsɛ.

Amos 7:4

Nɔ ni Nuŋtsɔ Nyɔŋmɔ jie etsɔ̃ɔ mi nɛ. Mina akɛ Nuŋtsɔ Nyɔŋmɔ miitao akɛ ekɛ la agbala ewebii lɛ atoi. La lɛ ŋala nu ni yɔɔ shikpɔŋ lɛ shishi lɛ, kɛkɛ ni la lɛ bɔ̃i shikpɔŋ lɛ hu shãa.

Yona 1:4

Shi Yehowa hã kɔɔyɔɔ ko ni naa wa jogbaŋŋ tswa yɛ ŋshɔ lɛ hiɛ. Ahum fã waa, ni efee tamɔ nɔ ni lɛlɛ lɛ baajwa.

Yona 1:5

Amlakui lɛ she gbeyei, kɛkɛ ni amɛteŋ mɔ fɛɛ mɔ bolɔ etsɛ nɔ ni ejaa akɛ ebahere amɛ. Fee sɛɛ lɛ amlakui lɛ jie lɛlɛ lɛ mli jatsu lɛ amɛwo ŋshɔ lɛ mli, bɔ ni afee ni lɛlɛ lɛ afee huyɛhuyɛ ahã amɛ. Nɛkɛ be mli lɛ Yona etee lɛlɛ lɛ shishigbɛ eyakã shi, ni lɛ lɛ, ewɔ vii diɛŋtsɛ.

4 Mose 16:35

Yehowa hã la bayi hii ohai enyɔ kɛ nyɔŋmai enumɔ lɛ ni kɛ tsofakɛŋma ba Kpee Buu lɛ hiɛ lɛ anɔ ni eshã amɛ wɛɛ.

Yoshua 10:11

Be ni Amorbii lɛ joɔ Israelbii lɛ anaa foi kɛkpelekeɔ Bet Horon Gɔŋ lɛ, Yehowa hã nyɔŋmɔŋtɛi wuji jɛ ŋwɛi bashwie Amorbii lɛ anɔ aahu kɛyashi Azeka, ni amɛgboi. Mɛi abɔ ni tɛi nɛɛ gbe lɛ ayi fa kwraa fe mɛi ni gboi yɛ Israelbii lɛ aklante naa.

Kpojiemɔ 16:21

Ni nyɔŋmɔŋtɛi agboi ni amɛtsiimɔ tamɔ talenta jɛ ŋwɛi bashwie gbɔmɛi anɔ, ni gbɔmɛi lɛ wie musubɔɔ wiemɔi amɛshi Nyɔŋmɔ yɛ nyɔŋmɔŋtɛi lɛ ahaomɔ lɛ hewɔ, ejaakɛ haomɔ ni nyɔŋmɔŋtɛi nɛɛ kɛba lɛ yɛ gbeyei po ni ehiii.