Lalai 146:9 - ŊMALƐ KRƆŊKRƆŊ LƐ

⁹ Yehowa baa gbɔi ayi; efĩɔ awusa kɛ okulafo sɛɛ; shi mɛi fɔ̃ji agbɛ lɛ, ebutuɔ.

Ṅmãle̱ Kroṅkroṅ Le̱

⁹ Iehowa bāa *gbo̱i ayi, †eflĩ awusã ke̱ okũlafo se̱, ši meifõdši agbe̱ le̱, etšṍo̱ hĩe ebuo̱ ši. *2 Mose 22,21. 22. †Lal. 10,14; 68,9.

Lalai 146:9 ပူးပေါင်းရင်းမြစ်များ

2 Samuel 15:31

Ni mɔ ko bagba Maŋtsɛ David akɛ Ahitofel hu shi maŋjwalɔi lɛ anɔ. Kɛkɛ ni David sɔle ekpa Yehowa fai, ni ekɛɛ, “Oo, Yehowa, miikpa bo fai, hã ŋaa fɛɛ ŋaa ni Ahitofel baawo lɛ atsɔ̃ kwashiai aŋaa.”

2 Samuel 17:23

Be ni Ahitofel na akɛ ayeee ŋaa ni ewo lɛ nɔ lɛ, ewo eteji nɔ nii, kɛkɛ ni eshi kɛtee emaŋ; ni be ni eto enibii fɛɛ gbɛjianɔ lɛ, eyawo esɛ̃ kpãa, ni egbe ehe. Afu lɛ yɛ etsɛ gbonyo fuuhe lɛ mli.

Ester 5:14

No hewɔ lɛ, eŋa lɛ kɛ enanemɛi lɛ fɛɛ wo lɛ ŋaa akɛ, “Hã akla tsei ama shi; ekwɔlɛ afee ninetalɔi nyɔŋmai enumɔ. Obi maŋtsɛ lɛ koni asɛŋ Mɔdekai yɛ nɔ wɔ leebi. No sɛɛ lɛ, okɛ maŋtsɛ lɛ aya okplɔ̃ lɛ he kɛ miishɛɛ.” Ŋaa ni awo nɛɛ ŋɔɔ Haman naa; ni no hewɔ lɛ, ehã akla sɛŋmɔtso lɛ ama shi.

Ester 7:10

No hewɔ lɛ, atee ni ayasɛŋ Haman moŋ yɛ tso ni ekala akɛ ebaasɛŋ Mɔdekai yɛ nɔ lɛ nɔ. Kɛkɛ ni maŋtsɛ lɛ mlila lɛ jɔ.

Ester 9:25

Shi Ester yana maŋtsɛ lɛ, ni maŋtsɛ lɛ ŋmã wolo, ni naagbee mli lɛ ehã Yudafoi lɛ ayinɔ ŋaa fɔŋ ni Haman etsɔ̃ lɛ babua lɛ moŋ eyiteŋ, ni asɛŋ lɛ kɛ ebihii lɛ fɛɛ yɛ tso nɔ yɛ maŋ jara nɔ.

Lalai 10:14

Shi bo lɛ onaa nii, lɛɛlɛŋ bo lɛ okadiɔ haomɔ kɛ awerɛhoo fɛɛ, koni kɛ mɔ ni bɛ mɔ ko lɛ tu ehe ewo odɛ̃ŋ lɛ, oye obua lɛ, ejaakɛ bo ji awusai abualɔ.

Lalai 145:20

Yehowa baa mɛi fɛɛ ni sumɔɔ lɛ lɛ ayi; shi yiwalɔi lɛ, eeekpãtã amɛhiɛ.

Lalai 147:6

Yehowa woɔ heshibalɔi anɔ, shi yiwalɔi lɛ etsirɛɔ amɛ etswiaa shi.

Lalai 18:26

Mɔ ni he tse lɛ, ojieɔ ohe kpo otsɔ̃ɔ lɛ akɛ oyɛ krɔŋŋ; ni mɔ ni bɛ eŋɛlɛnɔ lɛ, okɛ lɛ yeee.

Lalai 68:5

Awusaiatsɛ kɛ okulafoi ahebulɔ ji Nyɔŋmɔ mɔ ni yɔɔ eshihilɛhe krɔŋkrɔŋ lɛ.

Abe̱i 15:25

Yehowa wuleɔ hewolɔ we; shi ehãa okulafo husu hiɔ shi.

Abe̱i 4:19

Mɛi fɔ̃ji agbɛ lɛ etamɔ duŋ kabitii; amɛtɛrɛɔ, ni amɛnaaa nibii ni amɛtɛrɛɔ lɛ.

Yeremia 49:11

Shi owusai lɛ ohã mi; mibakwɛ amɛnɔ shweshweeshwe; ni hã okulafoi lɛ ahe mi aye.”

Hosea 14:3

Asiria nyɛŋ wɔyiwala ahere gbi ko gbi ko; ni tayaa okpɔŋɔi hu nyɛŋ afã wɔhe. Asaŋ amãgã ni wɔkɛ wɔniji fee lɛ wɔtsɛŋ lɛ wɔNyɔŋmɔ dɔŋŋ. Yehowa, bo lɛ omusuŋ tsɔ̃ɔ bo yɛ awusãi ahe.”

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

1 Korintobii 3:19

Ejaakɛ je nɛɛ mli nilee lɛ ji kwashiai asane yɛ Nyɔŋmɔ hiɛ. Ejaakɛ aŋma akɛ, “Emɔɔ nilelɔi lɛ yɛ amɛŋaa fɔŋ lɛ mli.”

5 Mose 16:11

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli kɛ maŋsɛɛ gbɔi kɛ awusãi kɛ okulafoi hu ni yɔɔ nyɛteŋ lɛ. Nyɛyea gbijurɔ nɛɛ yɛ he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ.

Yakobo 1:27

Nyɔŋmɔjamɔ ni he tse ni ehe bɛ muji ko yɛ Nyɔŋmɔ, Tsɛ lɛ, hiɛ ji enɛ, akɛ mɔ asra awusai kɛ okulafoi yɛ amɛmanehulu lɛ mli, ni ekwɛ ehe nɔ jogbaŋŋ yɛ je nɛɛ mli koni ekawo ehe muji.