Lalai 143:10 - ŊMALƐ KRƆŊKRƆŊ LƐ

¹⁰ Tsɔ̃ɔmɔ mi koni mafee osuɔmɔnaanii, ejaakɛ bo ji miNyɔŋmɔ. Hã omumɔ kpakpa lɛ atsɔ̃ɔ mi gbɛ kɛnyiɛ gbɛ tɛ̃ɛ nɔ.

Ṅmãle̱ Kroṅkroṅ Le̱

¹⁰ Tšõmo̱mi ni male osuomo̱nā-nii, edšake̱ bo dši mi-Nyoṅmo̱; hã omumo̱ kpakpa le̱ atšõmi gbe̱ ye̱ šikpoṅ tre̱nē̱ no̱! Lal. 25,5.

Lalai 143:10 ပူးပေါင်းရင်းမြစ်များ

Nehemia 9:20

Okɛ omumɔ kpakpa lɛ hã amɛ koni etsɔ̃ɔ amɛ nii; ohã amɛ mana amɛye, ni ohã amɛ nu amɛkɛgbe amɛkumai.

Lalai 118:28

Bo ji miNyɔŋmɔ, mada bo shi. Bo ji miNyɔŋmɔ, makafo bo.

Lalai 119:12

Oo Yehowa, majie oyi, tsɔ̃ɔmɔ mi okpɔi lɛ.

Lalai 119:35

Kplamɔ mi kɛnyiɛ okitãi lɛ agbɛ lɛ nɔ, ejaakɛ nomɛi ahe mimii shɛɔ.

Lalai 139:24

Kwɛmɔ akɛ minyiɛ gbɛ fɔŋ ko nɔ lo, koni okpala mi kɛya naanɔ gbɛ lɛ nɔ.

Lalai 140:6

Mikɛɛ Yehowa akɛ, “Bo ji miNyɔŋmɔ.” Oo Yehowa, bo mifaikpamɔ gbee lɛ toi!

Lalai 22:1

MiNyɔŋmɔ, miNyɔŋmɔ, mɛɛba okwa mi? Mɛɛba okɛ miyelikɛbuamɔ teŋ jɛkɛ nɛkɛ? Mɛɛba okɛ mikɛ̃ɛmɔ teŋ jɛkɛ nɛkɛ?

Lalai 23:3

Ehãa minaa hewalɛ hee. Ekpalaa mi kɛtsɔ̃ɔ jalɛ gbɛi anɔ yɛ egbɛi lɛ hewɔ.

Lalai 25:12

Mɔ fɛɛ mɔ ni sheɔ Yehowa gbeyei lɛ, lɛ Yehowa aaatsɔ̃ɔ lɛ gbɛ ni enyiɛ nɔ.

Lalai 27:11

Oo Yehowa, tsɔ̃ɔmɔ mi ogbɛ lɛ, ni okpala mi kɛtsɔ̃ tɛmpɔŋ ni kã shi faŋŋ nɔ; ejaakɛ mihenyɛlɔi lɛ ayi fa.

Lalai 31:14

Shi mi lɛ, bo Yehowa onɔ mihiɛ kã. Mikɛɔ akɛ, “Bo ji miNyɔŋmɔ!”

Lalai 63:1

Oo Naa Nyɔŋmɔ, bo ji miNyɔŋmɔ, miitao bo! Misusuma miiye ohe kumai, migbɔmɔtso miishwe bo, tamɔ shikpɔŋ ni egbi keketee shweɔ nu.

Yesaia 29:10

Ejaakɛ Yehowa ehã wɔ ni mli tsii mumɔ enyɔ nyɛnɔ. Nyɛ gbalɔi, Yehowa eŋamɔ nyɛhiŋmɛii; ni nyɛ ninalɔi, Yehowa kɛ nɔ̃ eha nyɛhiɛ.

Yesaia 63:14

Yehowa mumɔ lɛ ha amɛna hejɔlɛ tamɔ tsinai ni kpelekeɔ shi kɛyaa jɔɔ mli jwɛfɔ he. Nakai pɛpɛɛpɛ Yehowa kpala emaŋ lɛ, ni ekɛna anunyam gbɛi ehã ehe.

Mika 4:2

Ni maji amli bii pii aaaba abakɛɛ akɛ, “Nyɛbaa ni nyɛhãa wɔyakwɔa Yehowa gɔŋ lɛ, kɛya Israel Nyɔŋmɔ lɛ Sɔlemɔ we lɛ; ejaakɛ eeetsɔ̃ɔ wɔ nɔ ni etaoɔ ni wɔfee; koni wɔnyiɛ egbɛi lɛ anɔ. Ejaakɛ Yehowa Mla lɛ, Yerusalɛm ebaajɛ; ekɛ emaŋ lɛ wieɔ kɛjɛɔ Zion.”

4 Mose 9:22

Ni kɛ gbii enyɔ atatu lɛ ye yɛ Kpee Buu Krɔŋkrɔŋ lɛ nɔ jio, nyɔŋ kome jio, be kakadaŋŋ jio, gbii abɔ ni eyɔɔ Buu lɛ nɔ lɛ, Israelbii lɛ efãaa. Shi kɛji ewo ehe nɔ pɛ, kɛkɛ lɛ amɛfã.

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Yohane 14:26

Shi Hefatalɔ lɛ ni ji Mumɔ Krɔŋkrɔŋ lɛ, mɔ ni Tsɛ lɛ baatsu yɛ migbɛi mli lɛ, lɛ eeetsɔ̃ɔ nyɛ nii fɛɛ, ni eeekai nyɛ nii fɛɛ ni mikɛɛ nyɛ lɛ.

Romabii 15:13

Shi Nyɔŋmɔ ni ji wɔhiɛnɔkãmɔ lɛ kɛ miishɛɛ kɛ hejɔlɛ fɛɛ awo nyɛ obɔ̃bɔ̃ɔbɔ̃ yɛ hemɔkɛyeli mli, koni nyɛna hiɛnɔkãmɔ ni ateke nɔ yɛ Mumɔ Krɔŋkrɔŋ hewalɛ mli.

Romabii 15:30

Shi miikpa nyɛ fai, anyɛmimɛi, yɛ wɔNuŋtsɔ Yesu Kristo hewɔ kɛ Mumɔ lɛ suɔmɔ lɛ hewɔ, akɛ nyɛfata mihe kɛpele yɛ nyɛsɔlemɔi ni nyɛsɔleɔ nyɛhãa mi yɛ Nyɔŋmɔ hiɛ lɛ amli,

Romabii 5:5

ni hiɛnɔkãmɔ lɛ efeee efolo; ejaakɛ atsɔ̃ Mumɔ Krɔŋkrɔŋ ni akɛhã wɔ lɛ nɔ afɔse Nyɔŋmɔ suɔmɔ awo wɔtsuii amli.

Romabii 8:2

Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

Romabii 8:26

Nakai nɔŋŋ kɛ̃ Mumɔ lɛ hu yeɔ buaa wɔ yɛ wɔgbedemɔi lɛ amli; ejaakɛ bɔ ni sa akɛ wɔsɔle lɛ wɔleee; shi moŋ Mumɔ lɛ diɛŋtsɛ kɛ ŋtsɔidɔɔmɔi ni anyɛŋ akɛɛ lɛ dãmɔɔ mli hãa wɔ.

Efesobii 4:30

Ni nyɛkafea Nyɔŋmɔ Mumɔ Krɔŋkrɔŋ lɛ nidɔɔnii; lɛ emli asɔo nyɛnaa yɛ ato kpɔ̃mɔ gbi lɛ.

Efesobii 5:9

Ejaakɛ la lɛ yibii jeɔ kpo yɛ ekpakpafeemɔ kɛ jalɛ kɛ anɔkwale fɛɛ mli.

2 Timoteo 1:7

ejaakɛ Nyɔŋmɔ hãaa wɔ gbeyeishemɔ mumɔ, shi moŋ hewalɛ kɛ suɔmɔ kɛ jwɛŋmɔ ni sa mumɔ ekɛhã wɔ.

Hebribii 13:21

lɛ esaa nyɛ ehã nitsumɔ kpakpa fɛɛ nitsumɔ kpakpa, ni nyɛfee esuɔmɔnaanii, ni etsɔ̃ Yesu Kristo nɔ efee nɔ ni sa ehiɛ yɛ nyɛmli. Lɛ aŋɔ anunyam ahã kɛyashi naanɔi anaanɔ lɛ. Amen!

1 Yohane 2:27

Ni nyɛ lɛ, mufɔɔ ni nyɛna kɛjɛ eŋɔɔ lɛ yɛ nyɛmli, ni ehe ehĩaaa nyɛ akɛ mɔ ko atsɔ̃ɔ nyɛ nii, shi moŋ bɔ ni emufɔɔ lɛ tsɔ̃ɔ nyɛ nii fɛɛ, ni eji anɔkwale ni jeee amale ni lɛ, bɔ ni etsɔ̃ɔ nyɛ lɛ nyɛhia emli.