Lalai 141:6 - ŊMALƐ KRƆŊKRƆŊ LƐ

⁶ Kɛji aŋɔ mɛi fɔ̃ji ahã kojolɔi, ni amɛbu amɛ fɔ lɛ, no dani amɛaale akɛ miwiemɔi lɛ anɔkwale ni.

Ṅmãle̱ Kroṅkroṅ Le̱

⁶ Aatšire̱ ame̱kodšolo̱i le̱ atſia ši ye̱ te̱sāi ahe, ni ame̱anu migbē ake̱ eṅõ.

Lalai 141:6 ပူးပေါင်းရင်းမြစ်များ

2 Samuel 23:1

David, Ishai bi lɛ ni Nyɔŋmɔ wo enɔ gojoo lɛ, mɔ hu ni Yakob Nyɔŋmɔ lɛ ehala ni eto lɛ maŋtsɛ lɛ, folɔ lalai kɛ ŋɔɔmɔ nɛɛ ehã Israel. Wiemɔi nɛɛ ji enaagbee wiemɔi.

1 Kronika 12:38

Tabilɔi nɛɛ fɛɛ emia hã ta, ni amɛto kɛba Hebron kɛ yiŋtoo kome koni amɛbawo David Israel fɛɛ maŋtsɛ.

1 Kronika 13:2

No sɛɛ lɛ, David kɛɛ Israel gwabɔɔ muu lɛ akɛ, “Kɛji esa nyɛhiɛ, ni Yehowa wɔNyɔŋmɔ lɛ suɔmɔ naa ni lɛ, no lɛ nyɛhãa wɔtsua kɛya wɔnyɛmimɛi ni eshwɛ yɛ Israel shikpɔji lɛ anɔ he fɛɛ he lɛ aŋɔɔ, kɛ osɔfoi lɛ kɛ Levibii ni kɛ amɛyɔɔ yɛ amɛmaji kɛ amɛhe shikpɔji lɛ anɔ lɛ hu aŋɔɔ, akɛ: amɛbua amɛhe naa kɛbashi wɔnɔ,

2 Kronika 25:12

ni amɛmɔmɔ tabilɔi akpei nyɔŋma hu. Kɛkɛ ni amɛkpala Edom tabilɔi lɛ kɛtee tɛsaa ko nɔ yɛ Sela maŋ lɛ masɛi, ni amɛjɛ tɛsaa lɛ nɔ amɛfɔ̃fɔ̃ɔ Edombii lɛ amɛtswia tɛsaa lɛ nɔ, ni amɛmli tserɛ dukuduku.

Lalai 45:2

Ohe yɛ fɛo fe gbɔmɛi abii fɛɛ. Odaaŋ wiemɔ he tse, hewɔ lɛ Nyɔŋmɔ ejɔɔ bo kɛmiiya naanɔ.

Luka 4:22

Ni mɛi fɛɛ ye ehe odase, ni amɛnaa kpɛ amɛhe yɛ dromɔ wiemɔi ni jɛ enaa lɛ hewɔ, ni amɛkɛɛ, “Ani jeee Yosef bi lɛ nɛ?”