Lalai 14:3 - ŊMALƐ KRƆŊKRƆŊ LƐ

³ Amɛ fɛɛ amɛdu gbɛ, amɛ fɛɛ kwa amɛfite. Mɔ ko mɔ ko bɛ ni feɔ ekpakpa. Dabida, mɔ kome folo nɛkɛ bɛ.

Ṅmãle̱ Kroṅkroṅ Le̱

³ Ame̱fẽ ame̱gbá afã, ame̱fite; mokomoko be̱ ní feo̱ ekpakpa, dabi, mokomeflo be̱! 1 Mose 6,12. Rom. 3,10-12.

Lalai 14:3 ပူးပေါင်းရင်းမြစ်များ

1 Mose 6:12

Nyɔŋmɔ na akɛ shikpɔŋ lɛ nɔ efite ejaakɛ gbɔmɛi fɛɛ efite amɛjeŋba yɛ shikpɔŋ lɛ nɔ.

Hiob 14:4

Te aaafee tɛŋŋ ni ana nɔ ni he tse kɛ nɔ ni he tseee teŋ srɔto lɛ?

Hiob 15:16

Te aaafee tɛŋŋ mɔ, ni mɔ ni feɔ musubɔɔnii, asaŋ ni efite adesa ni nifɔɔjianiifeemɔ ji enu ni enuɔ lɛ, ekɛ ehe aaafɔ̃ enɔ lɛ?

Lalai 119:176

Midu gbɛ tamɔ too ni elaaje; blɛ baatao mi, otsulɔ, ejaakɛ okitãi lɛ mihiɛ kpako nɔ.

Lalai 14:1

Kwashiai kɛɔ yɛ amɛtsuiŋ akɛ, “Nyɔŋmɔ ko bɛ!” Amɛfite, ni amɛfeɔ nyaŋemɔ nii; mɔ ko mɔ ko bɛ ni feɔ nɔ̃ kpakpa.

Lalai 143:2

Okɛ otsulɔ akakojo, ejaakɛ hiɛkãalɔ ko hiɛkãalɔ ko yeŋ bem yɛ ohiɛ.

Lalai 38:5

Mikwashiafeemɔ hewɔ lɛ, mifaji lɛ ekpɔtɔ, amɛmiije fu.

Lalai 58:3

Mɛi fɔ̃ji gbaa jwɛi kɛjɛɔ musuŋ beebe; kɛji ashwie amɛ shi nɔŋŋ pɛ amɛbɔi malemɔ.

2 Mose 12:30

Kɛkɛ ni Farao te shi nakai nyɔɔŋ lɛ mli nɔŋŋ, lɛ kɛ etsuji fɛɛ kɛ Ijiptbii fɛɛ, ni amɛwo yara waa yɛ Ijipt fɛɛ, ejaakɛ eyashwɛɛɛ shĩa ko ni gbonyo bɛ mli.

2 Mose 8:31

Ni Yehowa fee nɔ ni Mose bi lɛ lɛ, ni ejie ofɔii lɛ yɛ Farao kɛ etsuji lɛ kɛ emaŋbii lɛ anɔ. Eshwɛɛɛ ekome folo.

Jajelɔ 7:20

Anɔkwa, adesa ko bɛ shikpɔŋ nɛɛ nɔ ni ekpakpa sɔŋŋ kɛkɛ efeɔ, ni efeee esha.

Jajelɔ 7:29

Naa, nɔ ni kɛkɛ ni mina ji akɛ Nyɔŋmɔ bɔ gbɔmɔ adesa koni ehi shi krɔŋŋ; shi gbɔmɔ adesa ni eto ŋai srɔtoi.

Yesaia 53:6

Wɔ fɛɛ tswɛm wɔtamɔ toi ni edu gbɛ. Wɔteŋ mɔ fɛɛ mɔ ekɔ lɛ diɛŋtsɛ egbɛ, ni Yehowa kɛ wɔ fɛɛ wɔnɔsha lɛ fɔ̃ enɔ.

Yesaia 64:6

Wɔ fɛɛ wɔtsɔmɔ tamɔ mɔ ko ni he tseee, ni wɔjalɛ nifeemɔnii lɛ tamɔ takoshwɛ. Wɔnishaianii lɛ ehã wɔfee tamɔ baa gbiŋ, ni kɔɔyɔɔ tswaa wɔ kɛyaa.

Yeremia 2:13

Ejaakɛ miwebii lɛ efee nifɔɔjianii srɔtoi enyɔ: amɛkwa mi, mi, ni mi ji wala nu fɛɛ jɛɛhe lɛ; ni amɛyakpɛkpɛɛ nubui amɛhã amɛhe, nubui ni ejwra ni nyɛɛɛ nu ato.”

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Romabii 3:23

ejaakɛ mɛi fɛɛ efee esha, ni Nyɔŋmɔ anunyam lɛ ebɔ amɛ,

1 Korintobii 6:5

Miikɛɛ enɛ ni mikɛwo nyɛ hiɛgbele. Aso nilelɔ kome flo bɛ nyɛteŋ, mɔ ni aaanyɛ enyɛmimɛi ateŋ ekojo?

2 Korintobii 7:1

Agbɛnɛ, nyɛ mɛi ni asumɔɔ, akɛni wɔna nɛkɛ shiwoi nɛɛ hewɔ lɛ, nyɛhãa wɔtsua wɔhe kɛjɛa heloo kɛ mumɔ muji fɛɛ mli, ni wɔhã wɔhetsemɔ aye emuu yɛ Nyɔŋmɔ gbeyeishemɔ mli.

Efesobii 2:3

Amɛteŋ wɔ fɛɛ hu wɔhi wɔba wɔjeŋ yɛ sa yɛ wɔheloo akɔnɔi lɛ amli, ni wɔtsu nii ni heloo kɛ jwɛŋmɔ sumɔɔ lɛ, ni wɔji bii ni Nyɔŋmɔ mlifu yɔɔ wɔnɔ yɛ wɔfɔmɔsu lɛ naa, tamɔ mɛi ni eshwɛ lɛ nɔŋŋ.

5 Mose 1:35

‘Nɛkɛ yinɔ fɔŋ nɛɛ nɔ bii nɛɛ ateŋ mɔ ko mɔ ko enaŋ shikpɔŋ kpakpa ni mikã he kitã akɛ mikɛbaahã nyɛtsɛmɛi lɛ kɔkɔɔkɔ.