Lalai 132:9 - ŊMALƐ KRƆŊKRƆŊ LƐ

⁹ Hã osɔfoi lɛ awula kɛ jalɛ tamɔ atade, ni omɛi krɔŋkrɔŋi lɛ abɔ oshe kɛ nyamɔ.

Ṅmãle̱ Kroṅkroṅ Le̱

⁹ Hã oso̱foi le̱ awo dšale̱, ni omei kroṅkroṅi le̱ abo̱ oše ke̱ nyã́mo̱!

Lalai 132:9 ပူးပေါင်းရင်းမြစ်များ

2 Kronika 6:41

Oo Yehowa, miNyɔŋmɔ ee! Wo ohe nɔ ni obote ohejɔɔmɔhe lɛ mli, bo kɛ Kpãŋmɔ Adeka lɛ ji ohewalɛ lɛ he okadi lɛ. Ao! Yehowa, Nyɔŋmɔ, hã osɔfoi lɛ afee nii ni ja, ni ohã omɛi ni jaa bo lɛ amii ashɛ yɛ ejurɔ ni ofee amɛ lɛ hewɔ.

Hiob 29:14

Jalɛ ji mimama ni mibuɔ, ni mijalɛ saneyeli ji mitade kɛ akekre.

Lalai 104:1

Oo, misusuma, jiemɔ Yehowa yi! Oo Yehowa, miNyɔŋmɔ, oda naakpa! Owula naakpa kɛ woo kɛ agbojee.

Lalai 132:16

Esɔfoi lɛ, mikɛ miyiwalaheremɔ aaawo amɛ tamɔ atade; ni emɛi krɔŋkrɔŋi lɛ aaabɔ oshe kɛ nyamɔ.

Lalai 149:5

Hã anɔkwafoi lɛ anya yɛ anunyam mli; hã amɛla nyamɔ lala yɛ amɛsai anɔ.

Lalai 47:1

Nyɛ maji fɛɛ tswɛm, nyɛtswaa nyɛdɛ̃; nyɛkɛ nyamɔ lala abɔa oshe waa ahãa Nyɔŋmɔ.

Lalai 68:3

Shi jalɔi lɛ nyaa, ni amɛlaa kɛ miishɛɛ yɛ Nyɔŋmɔ hiɛ; amɛmli filiɔ amɛ kɛ nyamɔ!

Lalai 70:4

Hã mɛi fɛɛ ni taoɔ osɛɛgbɛ lɛ anya; ni amɛmli afili amɛ yɛ ohewɔ. Hã mɛi fɛɛ ni sumɔɔ oyiwalaheremɔ lɛ akɛɛ daa akɛ, “Nyɔŋmɔ je agbo.”

Lalai 93:1

Yehowa miiye maŋtsɛ; ewula kɛ agbojee; Yehowa ewula; emia kɛ hewalɛ. No hewɔ lɛ, je lɛ ma shi shiŋŋ, ni anyɛŋ ahoso.

Yesaia 61:10

Manya waa yɛ Yehowa hewɔ; ni misusuma mli aaafli lɛ yɛ miNyɔŋmɔ lɛ hewɔ, ejaakɛ ewo mi yiwalaheremɔ atade, ni ekɛ jalɛ mama eha mi, tamɔ bɔ ni ayɛmforo wu wulaa ehe loo bɔ ni ayɛmforo wulaa kɛ jwine lɛ.

Yesaia 65:14

Naa, mitsuji lɛ aaala kɛ tsuijurɔ, shi nyɛ lɛ nyɛaafo kɛ tsuiŋshãlɛ, ni nyɛaafo yoo kɛ mumɔ ni werɛ eho ehe.

Zefania 3:14

Zion biyoo, la nyamɔ lala waa! Israel, bɔɔ oshe! Yerusalɛm biyoo, nya; omli afili bo kɛ otsui fɛɛ!

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Romabii 13:14

shi moŋ nyɛwoa Nuŋtsɔ Yesu Kristo tamɔ dama, ni nyɛkahãa heloo lɛ nɔ jwɛŋmɔ lɛ miitsɔ̃ heloo lɛ sɛɛdii.

1 Petro 5:5

Nakai nɔŋŋ nyɛ oblahii kɛ oblayei, nyɛbaa nyɛhe shi nyɛhãa onukpai lɛ. Ni nyɛ fɛɛ nyɛbabaa nyɛhe shi nyɛhãa nyɛhe ni nyɛkɛ heshibaa afee mama nyɛŋmɔa nyɛhɛ, ejaakɛ ŋmalɛ lɛ kɛɛ, “Nyɔŋmɔ kuɔ hewolɔi anaa, shi eduroɔ heshibalɔi.”

Kpojiemɔ 19:8

Ni ahã lɛ hegbɛ akɛ ewo klala ni hetse ni kpɛlɛɔ nyɛramnyɛram.” Ejaakɛ klala lɛ ji krɔŋkrɔŋbii lɛ ajalɛnii lɛ.

Kojolɔi 5:31

Yehowa, bɔ nɔŋŋ ni ohenyɛlɔi fɛɛ ahiɛ aaakpãtã nɛ! Shi mɛi ni sumɔɔ bo lɛ aaatãmɔ hulu, be ni eteɔ shi yɛ ehewalɛ mli lɛ.” No sɛɛ lɛ, shikpɔŋ lɛ nɔ jɔ afii nyɔŋmai ejwɛ.