Lalai 128:1 - ŊMALƐ KRƆŊKRƆŊ LƐ

¹ Ajɔɔ mɔ fɛɛ mɔ ni sheɔ Yehowa, ni eyeɔ emlai lɛ anɔ lɛ.

Ṅmãle̱ Kroṅkroṅ Le̱

¹ No̱kwo̱le̱i alala Adšō̱ mofẽmo ni šeo̱ Iehowa, ní enyieo̱ egbè̱i le̱ ano̱ le̱!

Lalai 128:1 ပူးပေါင်းရင်းမြစ်များ

2 Samuel 22:22

Miye Yehowa mlai lɛ fɛɛ anɔ, ni mishiko miNyɔŋmɔ lɛ.

Lalai 103:1

Jiemɔ Yehowa yi misusuma, ni nibii fɛɛ ni yɔɔ mimli, nyɛjiea egbɛi krɔŋkrɔŋ lɛ yi.

Lalai 103:13

Bɔ ni tsɛ musuŋ tsɔ̃ɔ lɛ yɛ ebii ahe lɛ, nakai Yehowa musuŋ tsɔ̃ɔ lɛ yɛ ebii ni sheɔ lɛ gbeyei lɛ ahe.

Lalai 103:17

Shi Yehowa suɔmɔ ni tsakeee lɛ eyɛ kɛjɛ naanɔ kɛmiiya naanɔ. Eyɛ hã mɛi ni sheɔ lɛ gbeyei lɛ, ni ejalɛ lɛ yɛ hã bii abii.

Lalai 112:1

Jiemɔ Yehowa yi! Ajɔɔ gbɔmɔ ni sheɔ Yehowa gbeyei, ni eyɔɔ ekitãi lɛ ahe tsuijurɔ lɛ.

Lalai 115:13

Eeejɔɔ mɛi ni sheɔ Yehowa gbeyei lɛ, mɛi bibii kɛ mɛi wuji fɛɛ.

Lalai 119:1

Ajɔɔ mɛi ni shwamɔ ko bɛ amɛjeŋba he, ni amɛyeɔ Yehowa mla lɛ nɔ lɛ.

Lalai 119:3

mɛi ni efeee nɔ ni ejaaa gbɛ hu, shi amɛbaa amɛjeŋ yɛ Yehowa gbɛ lɛ nɔ lɛ.

Lalai 120:1

Mifimɔ lɛ mli lɛ mibo mitsɛ Yehowa, koni ebo mi toi.

Lalai 121:1

Miiwo mihiɛ nɔ makwɛ gɔji lɛ; nɛgbɛ miyelikɛbuamɔ aaajɛ aba?

Lalai 122:1

Mimii shɛɔ mihe kɛji akɛɛ mi akɛ, “Ba ni wɔtee Yehowa we lɛ.”

Lalai 123:1

Oo, bo miwoɔ mihiɛ nɔ mikwɛɔ, bo mɔ ni ota maŋtsɛ sɛi nɔ yɛ ŋwɛi amli ŋwɛi lɛ.

Lalai 124:1

Kɛjeee Yehowa ni yɔɔ wɔsɛɛ lɛ, hã Israel akɛɛ akɛ,

Lalai 125:1

Mɛi ni hiɛ kã Yehowa nɔ lɛ, amɛtamɔ Zion Gɔŋ ni hosooo, shi moŋ ema shi kɛmiiya naanɔ lɛ.

Lalai 126:1

Be ni Yehowa kpala wɔ, Zion nomii lɛ kɛku sɛɛ kɛba Yerusalɛm ekoŋŋ lɛ, efee wɔ tamɔ nɔ ni lamɔ wɔlaa.

Lalai 127:1

Kɛjeee Yehowa ni mãa tsu lɛ, no lɛ yakatswaa mɛi ni mãa lɛ gboɔ he deŋme lɛ! Kɛjeee Yehowa ni buɔ maŋ lɛ he lɛ, no lɛ yakatswaa bulɔ lɛ shiɔ he kpe lɛ.

Lalai 147:11

Shi moŋ Yehowa naa mɛi ni sheɔ lɛ gbeyei lɛ ahe miishɛɛ, kɛ mɛi hu ni kɛ amɛhiɛ fɔ̃ɔ esuɔmɔ ni sɛɛ efooo lɛ nɔ lɛ.

Lalai 81:13

Mina ni mimaŋ lɛ bo mi toi, ni Israel ba ejeŋ bɔ ni, mi, mitaoɔ.

Luka 1:50

Emɔbɔnalɛ yɛ mɛi ni sheɔ lɛ gbeyei lɛ anɔ kɛyashi yinɔi ayinɔi.

Luka 1:6

Amɛyi enyɔ lɛ fɛɛ lɛ, jalɔi ji amɛ yɛ Nyɔŋmɔ hiɛ ni amɛyeɔ Nuŋtsɔ lɛ kitãi kɛ ekpɔi lɛ fɛɛ anɔ ni shwamɔ ko bɛ amɛhe.

Bɔfoi 9:31

Agbɛnɛ asafo lɛ na hejɔlɛ yɛ Yudea kɛ Galilea kɛ Samaria fɛɛ, ni enane mɔ shi, ni enyiɛɔ yɛ Nuŋtsɔ lɛ gbeyeishemɔ mli, ni ekɛ Mumɔ Krɔŋkrɔŋ miishɛjemɔ lɛ shwereɔ.

5 Mose 28:3

“Aaajɔɔ bo yɛ maŋ, ni aaajɔɔ bo yɛ ŋmɔshi hu.

1 Tesalonikabii 4:1

Naagbee lɛ, anyɛmimɛi, nyɛkase yɛ wɔŋɔɔ bɔ ni sa akɛ nyɛba nyɛjeŋ ni esa Nyɔŋmɔ hiɛ. Nyɛmiifee nakai, shi wɔmiikpa nyɛ fai ni wɔmiiwo nyɛ ŋaa yɛ Nuŋtsɔ Yesu mli akɛ nyɛfee ni ateke nɔ fe tsutsu lɛ.