Lalai 127:3 - ŊMALƐ KRƆŊKRƆŊ LƐ

³ Naa, Yehowa gboshinii ni ehãa ji bii; nikeenii kpele ji musuŋbii.

Ṅmãle̱ Kroṅkroṅ Le̱

³ Na, Iehowa gbošinii ní ehãa dši bii, ni nikēnii dši mũsũṅbii. 1 Mose 33,5. Lal. 128,8. 4.

Lalai 127:3 ပူးပေါင်းရင်းမြစ်များ

1 Mose 1:28

Kɛkɛ ni Nyɔŋmɔ jɔɔ amɛ ni ekɛɛ amɛ akɛ, “Nyɛfɔa ni nyɛyi afa. Nyɛyea ŋshɔŋ loi kɛ ŋwɛi loofɔji kɛ nɔ fɛɛ nɔ ni hiɛ kã ni tsiɔ ehe yɛ shikpɔŋ lɛ nɔ lɛ anɔ.”

1 Mose 24:60

Amɛjɔɔ Rebeka amɛkɛɛ, “Wɔnyɛmi yoo, tsɔ mɛi akpei huhaa anyɛ, ni oshwiei aye amɛhenyɛlɔi amaji anɔ kunim.”

1 Mose 33:5

Be ni Esau wo ehiɛ nɔ ni ena yei lɛ kɛ gbekɛbii lɛ, ebi Yakob akɛ, “Namɛi ji mɛi ni kɛ bo nyiɛ nɛɛ?” Ni Yakob to he akɛ, “Bii ni Nyɔŋmɔ eduro otsulɔ lɛ ni.”

1 Mose 4:1

Adam kɛ eŋa Hawa na bɔlɛ. Hawa na musu ni efɔ Kain, ni ekɛɛ akɛ, “Mina binuu yɛ Yehowa yelikɛbuamɔ naa”.

1 Mose 48:4

‘Naa, mahã ofɔ pii ni obaashwere, ni mahã oshwiei atsɔmɔ maji pii, ni mikɛ shikpɔŋ nɛɛ aaahã oshwiei ni aaaba yɛ osɛɛ lɛ akɛ amɛnɔ kɛmiiya naanɔ.’ ”

2 Samuel 3:5

ni binuu ni ji ekpaa lɛ ji Itream, mɔ ni ekɛ Egla fɔ lɛ. Bihii ni David fɔ yɛ Hebron lɛ nɛ.

1 Kronika 28:5

Ni Yehowa duro mi bii pii, ni bii nɛɛ fɛɛ ateŋ lɛ eŋɔ̃ mibi Solomon koni ebata Yehowa maŋtsɛyeli sɛ̃i lɛ nɔ kɛye maŋtsɛ yɛ Israel.

1 Kronika 8:40

Ulam bihii lɛ tsɔmɔ hii kãkãlɔi kɛ gãitsɛ̃lɔi kpanakpanai; ni amɛbihii kɛ bihii abii lɛ ayibɔ fee oha kɛ nyɔŋmai enumɔ. Benyaminbii ji Mɛnɛɛmɛi fɛɛ.

Hiob 1:2

Hiob fɔ bihii kpawo kɛ biyei etɛ̃.

Yesaia 13:18

Amɛgãii baagbe oblahii lɛ, amɛmusuŋ etsɔŋ amɛ yɛ bii ni yɔɔ musuŋ tete he, ni amɛnaŋ gbekɛbii mɔbɔ.

Yesaia 8:18

Naa, mi kɛ bii ni Yehowa ehã mi lɛ, wɔji Yehowa, Taiatsɛ lɛ, mɔ ni hiɔ Zion Gɔŋ lɛ nɔ lɛ, dɛŋ okadii kɛ naakpɛɛnii hã Israel.

5 Mose 28:11

Yehowa baahã oshwere babaoo. Omusuŋ bii kɛ okooloi abii kɛ oŋmɔshi nibaanii fɛɛ aaashwere yɛ shikpɔŋ lɛ ni ewo otsɛmɛi lɛ he shi akɛ ekɛbaahã bo lɛ nɔ.

5 Mose 28:4

“Aaajɔɔ omusuŋ bii kɛ oŋmɔshi nibaanii kɛ oshĩaŋ kooloi abii kɛ otoi kɛ otsinai abii fɛɛ.

Kojolɔi 12:9

Eyɛ bihii nyɔŋmai etɛ̃ kɛ biyei hu nyɔŋmai etɛ. Ekɛ ebiyei lɛ bahã gbãlã yɛ akutsei krokomɛi amli, ni eyaŋɔ yei nyɔŋmai etɛ̃ kɛjɛ akutsei krokomɛi amli ebahã ebihii lɛ.

1 Samuel 1:27

Gbekɛ nɛɛ he fai mibakpa lɛ, ni Yehowa ehã mi nɔ ni mibaba lɛ lɛ hu.