Lalai 127:2 - ŊMALƐ KRƆŊKRƆŊ LƐ

² Yakatswaa nyɛteɔ shi maŋkɛ mra, ni nyɛgboɔ deŋme aahu dani nyɛyawɔɔ. Nyɛgboɔ deŋme kɛtaoɔ nyɛdaaŋ ŋmaa; shi mɛi ni Yehowa sumɔɔ amɛ lɛ, ehãa amɛ amɛhiamɔ nibii kɛji amɛwɔ po tete.

Ṅmãle̱ Kroṅkroṅ Le̱

² Yakatſā nyeteo̱ ši māṅkẽ mrã, nyetše̱o̱ āhũ dāni nyeyadšō̱o̱ nyehe, nyeyeo̱ hedšramo̱ abolo: nakai eṅõ-hāa moni esumoo̱ le̱ ye̱ wo̱ mli. Abe̱i 10,22.

Lalai 127:2 ပူးပေါင်းရင်းမြစ်များ

Hiob 11:18

Otsui aaakã omli, ejaakɛ oyɛ hiɛnɔkãmɔ; Nyɔŋmɔ aaabu ohe, ni ooojɔɔ ohe, ni ooofee shweshweeshwe.

Lalai 3:5

Mikãa shi miwɔɔ, ni mihiɛ tsɛ̃ɔ; ejaakɛ Yehowa buɔ mihe nyɔɔŋnyɔɔŋ fɛɛ.

Lalai 4:8

Hejɔlɛ mli makã shi mawɔ yɛ, ejaakɛ bo, Yehowa, okoome pɛ ohãa mihiɔ shi shweshweeshwe.

Lalai 60:5

Okɛ ohewalɛ lɛ ahere wɔyiwala. Bo wɔ toi bɔ ni afee ni mɛi ni osumɔɔ lɛ ahere amɛyiwala.

Abe̱i 10:22

Yehowa jɔɔmɔ lɛ, no feɔ mɔ niiatsɛ; shi odeŋmegbomɔ nyɛŋ ekɛ nɔ ko afata he.

Jajelɔ 1:14

Etamɔ kɔɔyɔɔ abɔyeli.

Jajelɔ 4:8

No ji mɔ ko ni ebɛ mɔ ko mɔ ko, ebɛ bi lɛ, ebɛ nyɛminuu hu, kɛ̃lɛ ekpaaa deŋmegbomɔ, ni nii ni ena hu esaaa ehiɛ. Gbɔmɔ nɛɛ biko ehe dã akɛ, “Kwɛ, namɔ kwraa hewɔ ni migboɔ deŋme, ni mikamaa mihe jeŋ ŋɔɔmɔ nɛɛ?” Enɛ hu yakanii ni, kɛ awerɛho sane fɛɛ.

Jajelɔ 5:12

Apaafonyo na nii babaoo eye jio, fioo ena eye jio, ewɔɔ kɛ miishɛɛ; shi niiatsɛ nii ni ena lɛ he jwɛŋmɔ hãaa ena wɔ ewɔ.

Jajelɔ 6:7

Gbɔmɔ tɔlɛ kɛ deŋme fɛɛ lɛ, emusu kɛkɛ hewɔ; kɛ̃lɛ gbɔmɔ leee mitɔ.

Yeremia 31:26

Kɛkɛ ni mihiɛ tsɛ̃, ni mina akɛ miwɔ wɔ kpakpa.

Ezekiel 34:25

Mikɛ amɛ baakpãŋ kpãŋmɔ ni baahã amɛhe ajɔ amɛ, ni mashwie kooloi awuiyelɔi yɛ shikpɔŋ lɛ nɔ koni amɛhi shi shweshweeshwe yɛ ŋa nɔ; amɛaawɔ yɛ koo mli.