Lalai 121:3 - ŊMALƐ KRƆŊKRƆŊ LƐ

³ Ehaŋ oshane; mɔ ni buɔ ohe lɛ, ewɔɔɔ wɔdɔ̃i.

Ṅmãle̱ Kroṅkroṅ Le̱

³ Ehāṅ onane ašāne; moni buo̱ ohe le̱ wo̱ṅ wo̱dõi.

Lalai 121:3 ပူးပေါင်းရင်းမြစ်များ

Lalai 127:1

Kɛjeee Yehowa ni mãa tsu lɛ, no lɛ yakatswaa mɛi ni mãa lɛ gboɔ he deŋme lɛ! Kɛjeee Yehowa ni buɔ maŋ lɛ he lɛ, no lɛ yakatswaa bulɔ lɛ shiɔ he kpe lɛ.

Lalai 41:2

Yehowa aaabaa eyi, ni eeena wala, ni aaajɔɔ lɛ yɛ shikpɔŋ lɛ nɔ, ni oŋɔŋ lɛ owoŋ ehenyɛlɔi ni taoɔ lɛ lɛ adɛŋ.

Lalai 55:23

Shi, ao, bo Nyɔŋmɔ, obaashɛrɛ amɛ oshwie bu kwɔŋkwɔŋ lɛ mli. Mɔgbelɔi kɛ kutumpɔfoi lɛ, amɛyeŋ amɛwala gbii amli fã tete. Shi, mi lɛ, bo onɔ maŋɔ mihiɛ mafɔ̃.

Lalai 66:9

Lɛ ehã wɔhiɛ kã nɛɛ, ni eŋmɛko gbɛ ni wɔshane tete.

Lalai 91:12

Amɛaahiɛ bo yɛ amɛdɛ̃, koni okaŋɔ onane oshi tɛ ko.

Abe̱i 2:8

Ebuɔ jalɔi ajalɛ saneyeli he, ni ebaa emɛi krɔŋkrɔŋi lɛ agbɛi ayi.

Abe̱i 3:23

No dani ooonyiɛ ogbɛ lɛ nɔ shweshweeshwe, ni otɛŋ onane.

Abe̱i 3:26

ejaakɛ Yehowa ji ohiɛnɔkãmɔ, ni lɛ eeebu ohe, ni ooofee shweshweeshwe.

Yesaia 27:3

“Mi, Yehowa, misaa mli; mishwieɔ enɔ nu be fɛɛ be. Mibuɔ ehe nyɔɔŋ kɛ shwane fɛɛ bɔ ni afee ni mɔ ko akafite emli nɔ ko.

1 Petro 1:5

Ni atsɔ̃ɔ hemɔkɛyeli nɔ abuɔ nyɛhe yɛ Nyɔŋmɔ hewalɛ naa atoɔ yiwalaheremɔ ni asaa ato ni abaajie kpo yɛ naagbee be lɛ mli lɛ.

1 Samuel 2:9

Eeebaa enɔkwafoi lɛ ayi, shi mɛi fɔ̃ji lɛ amɛhiɛ aaakpãtã yɛ duŋ mli, ejaakɛ jeee gbɔmɔ diɛŋtsɛ hewalɛ naa eyeɔ kunim yɛ.