Lalai 113:5 - ŊMALƐ KRƆŊKRƆŊ LƐ

⁵ Namɔ tamɔ Yehowa wɔNyɔŋmɔ lɛ, mɔ ni yɔɔ ŋwɛii amli ŋwɛi,

Ṅmãle̱ Kroṅkroṅ Le̱

⁵ Namo tamo̱ Iehowa, wo̱-Nyoṅmo̱ le̱, moni ešitámo̱he yo̱ ṅwei le̱, 2 Mose 16,11. Ies. 57,15.

Lalai 113:5 ပူးပေါင်းရင်းမြစ်များ

Lalai 103:19

Yehowa lɛ, ekɛ emaŋtsɛ sɛi lɛ ma shi shiŋŋ yɛ ŋwɛi; ni lɛ eyeɔ jeŋ fɛɛ nɔ.

Lalai 11:4

Yehowa yɛ eSɔlemɔ we krɔŋkrɔŋ lɛŋ, Ŋwɛi emaŋtsɛ Sɛi lɛ ma. Ehiŋmɛi jwere nɔ ni gbɔmɛi adesaiabii feɔ lɛ nɔ.

Lalai 35:10

Migbɔmɔtso muu lɛ fɛɛ aaakɛɛ akɛ, “Oo Yehowa, namɔ tamɔ bo, bo mɔ ni ohereɔ gbɔjɔlɔi kɛjɛɔ mɛi ni he wawaa fe amɛ lɛ adɛŋ; ni ohereɔ gbedelɔi kɛ ohiafoi kɛjeɔ mɛi ni yeɔ amɛ amim lɛ adɛŋ.”

Lalai 89:6

Ejaakɛ namɔ yɔɔ atatuiaŋ ni ekɛ bo, Yehowa, ye hegbɔ? Ŋwɛibii lɛ ateŋ namɔ yɔɔ ni etamɔ Yehowa?

Lalai 89:7

Nyɔŋmɔ ni asheɔ lɛ gbeyei yɛ mɛi krɔŋkrɔŋi agwabɔɔ lɛŋ, Nyɔŋmɔ kpeteŋkple ni he yɔɔ gbeyei fe mɛi fɛɛ ni bɔle lɛ kɛkpe lɛ.

Lalai 89:8

Oo Yehowa, Nyɔŋmɔ Taiatsɛ, Oo! Namɔ ji hewalɛtsɛ tamɔ bo, Yehowa? Onɔkwayeli ebɔle ohe kpula kɛkpe!

Lalai 89:9

Oyɛ ŋshɔ grimɔ nɔ hewalɛ! Kɛji emli ŋshɔkei lɛ hole amɛhe nɔ lɛ, bo ojɔɔ amɛhe.

2 Mose 15:11

“Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

Yesaia 16:5

abaajɛ suɔmɔ ni tsakeee mli afo maŋtsɛyeli sɛ̃i ko ama shi. Mɔ ko baajɛ David shwiei ateŋ eta sɛ̃i nɛɛ nɔ, ni ebaaye maŋtsɛ lɛ kɛ anɔkwayeli; ebaaye jalɛ sane yɛ kojomɔ mli, ni ebaakwɛ akɛ aaye jalɛ sane.”

Yesaia 40:18

Belɛ namɔ nyɛkɛaato Nyɔŋmɔ he, ni mɛni yɔɔ su ni tamɔ esu?

Yesaia 40:25

Namɔ nyɛkɛaato mi mihe, ni ekɛ mi aaaye egbɔ? Mɔ Krɔŋkrɔŋ lɛ kɛɛ.

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yeremia 10:6

Yehowa, mɔ ko mɔ ko bɛ ni tamɔ bo. Bo lɛ oje agbo, ni ogbɛi hu je agbo, ni eyɛ hewalɛ.

5 Mose 33:26

Mɔ ko mɔ ko bɛ ni tamɔ Israel Nyɔŋmɔ lɛ, mɔ ni taa okpɔŋɔ nɔ kɛnyiɛɔ ŋwɛi, ni ekɛ agbojee tsɔ̃ɔ atatuiaŋ kɛbayeɔ ebuaa bo lɛ.