Lalai 112:9 - ŊMALƐ KRƆŊKRƆŊ LƐ

⁹ Edɛŋ kpɔɔ pam hãa ohiafoi, ejalɛ lɛ hiɔ shi kɛyaa naanɔ; aaahã ena hewalɛ, ni ehiɛ aaaba nyam.

Ṅmãle̱ Kroṅkroṅ Le̱

⁹ *Egbe̱o̱ eſāa ehãa ohĩafoi, edšale̱ le̱ hĩe̱ ši ke̱-yaä nāno̱; aawó ekòṅ le̱ no̱ ye̱ anumnyam mli. 2 Kor. 9,9.

Lalai 112:9 ပူးပေါင်းရင်းမြစ်များ

Lalai 111:3

Enitsumɔ lɛ eyi obɔ̃ kɛ woo kɛ agbojee; ni ejalɛ lɛ hiɔ shi kɛyaa naanɔ.

Lalai 112:3

Ninamɔ kɛ shika aaahi ewe lɛ, ni ejalɛ lɛ aaahi shi kɛaaya naanɔ.

Lalai 75:10

Ebaaba yiwalɔi ahewalɛi fɛɛ shi; shi jalɔi ahewalɛ lɛ ebaawo nɔ.

Lalai 92:10

Shi ohã mihe ewa tamɔ wuo, ni ohã mimii eshɛ mihe.

Lalai 92:11

Mina mihenyɛlɔi lɛ ashigbeemɔ kɛ mihiŋmɛi, ni mikɛ mitoi hu enu mɛi ni te shi wo mi lɛ ahiɛkpãtãmɔ lɛ.

Abe̱i 14:24

Nilelɔi akekre ji amɛnilee. Shi kwashiai akekre ji amɛbuulufeemɔ.

Abe̱i 19:17

Mɔ ni naa ohiafo mɔbɔ lɛ, ekɛ miifa Yehowa; ni ejurɔ ni efee lɛ, Yehowa aaato lɛ najiaŋ kɛteke nɔ.

Abe̱i 21:26

Daa gbi lɛ, mɔ fɔŋ hiɛ miikɔ̃ nii nɔ; shi jalɔ lɛ ehãa, ni ekãmãaa.

Jajelɔ 11:6

Du odumɔwui leebi kɛ gbɛkɛ fɛɛ, ejaakɛ onyɛŋ ole wui lɛ ateŋ nɔ ni baahi, enɛ loo enɛ, loo kɛji fɛɛ aaahi.

Jajelɔ 3:6

Be yɛ ni ataoɔ nii, ni be yɛ hu ni aŋmɛɔ nii ahe; be yɛ ni akɛ nii toɔ, ni be yɛ ni ashɛɔ nii afɔ̃ɔ.

Yesaia 32:8

Shi mɔ ni ji ablade lɛ, efeɔ abladei anii, ni efãa nɔ kpakpa he hu.

Yesaia 58:10

kɛji oha mɔ ni hɔmɔ yeɔ lɛ niyenii, ni oha mɔ ni ehĩa lɛ lɛ nɔ ni etaoɔ lɛ, no dani ola lɛ aaakpɛ yɛ duŋ lɛ mli, ni oduŋ kpii lɛ aaatsɔ̃ tamɔ shwane.

Yesaia 58:7

Ani jeee no ji akɛ okɛ oboloo akuma mɔ ni hɔmɔ yeɔ lɛ, ni oŋɔ ohiafoi ni bɛ shihilɛhe lɛ kɛba owe lɛ, ni kɛji ona mɔ ko ni nyiɛ yayai lɛ ohã lɛ mama, ni okɛ ohe akatee bo diɛŋtsɛ ohe gbɔmɔ.

Mateo 6:4

koni ojurɔfeemɔ lɛ ahi teemɔ mli, ni oTsɛ lɛ ni naa teemɔ mli nii lɛ aaawo bo nyɔmɔ.”

Marko 14:7

Ejaakɛ ohiafoi lɛ nyɛkɛ amɛ yɛ daa, ni be fɛɛ be ni nyɛsumɔɔ lɛ nyɛaanyɛ amɛ ejurɔ nyɛfee; shi mi lɛ jeee daa mikɛ nyɛ aaahi shi.

Luka 11:41

Moŋ nyɛŋɔa nibii ni yɔɔ mli lɛ nyɛfea ejurɔ, ni nibii fɛɛ he aaatse ahã nyɛ.

Luka 12:33

Nyɛhɔ̃a nii ni nyɛyɔɔ lɛ ni nyɛkɛfea ejurɔ; nyɛfea fotroi ni tsɔ̃mɔɔɔ ememeji nyɛhãa nyɛhe, nyɛtoa jwetri ni etãaa yɛ ŋwɛi, he ni julɔ ko bɛŋkɛɛɛ ni omlɛgɛ kpeee nii yɛ lɛ.

Luka 16:9

“Ni mi hu miikɛɛ nyɛ akɛ, Nyɛŋɔa kutumpɔo ninamɔ lɛ nyɛkɛfea shieŋtsɛmɛi nyɛhãa nyɛhe, koni, be ni nyɛbɛ nɔ ko dɔŋŋ lɛ, amɛhere nyɛ yɛ naanɔ bui lɛ amli.

Luka 18:22

Ni be ni Yesu nu enɛ lɛ, ekɛɛ lɛ akɛ, “Eshwɛ bo nɔ kome lolo; yaahɔ̃ɔ nibii fɛɛ ni oyɔɔ lɛ ni okɛ shika lɛ aja ohiafoi, ni ooona jwetri yɛ ŋwɛi; ni oba obanyiɛ misɛɛ.”

Yohane 13:29

Amɛteŋ mɛi komɛi susu akɛ ni Yuda toɔ fotro lɛ, no hewɔ ni Yesu kɛɛ lɛ akɛ eyahe nii ni he hiaa amɛ eto gbijurɔ lɛ, aloo akɛ ekɛ nɔ ko ahã ohiafoi lɛ.

Bɔfoi 20:35

Mikɛ fɛɛ tsɔ̃ɔ nyɛ akɛ nakai sa akɛ atsu nii ni akɛye abua mɛi ni bɛ hewalɛ, ni akai Nuŋtsɔ Yesu wiemɔi ni lɛ diɛŋtsɛ ewie lɛ akɛ, ‘Nɔhãmɔ mli yɛ jɔɔmɔ fe hemɔ.’ ”

Bɔfoi 4:35

amɛkɛbashwie bɔfoi lɛ anajianaa, ni ajaa ahãa mɔ fɛɛ mɔ bɔ ni hiaa lɛ.

Romabii 12:13

Nyɛhãa mɛi krɔŋkrɔŋi lɛ ahiamɔ lɛ afea nyɛ hu nyɛhiamɔ; nyɛbɔa gbɔfeemɔ he mɔdɛŋ.

2 Korintobii 8:9

Ejaakɛ nyɛle wɔNuŋtsɔ Yesu Kristo dromɔ lɛ, akɛ lɛ ni ji niiatsɛ lɛ, etsɔ̃ ohiafo yɛ nyɛhewɔ, koni nyɛtsɔ̃ ehia lɛ nɔ nyɛtsɔ̃mɔ niiatsɛmɛi.

5 Mose 15:11

Ejaakɛ bɔ fɛɛ bɔ ni fee lɛ, ohiafo kpãŋ yɛ shikpɔŋ lɛ nɔ. No hewɔ ni miwoɔ nyɛ kitã nɛɛ, akɛ nyɛdɛŋ akpɔ ahã nyɛmi Israelnyo ohiafo ni efĩ lɛ yɛ nyɛshikpɔŋ lɛ nɔ lɛ.

5 Mose 15:14

Shi moŋ okɛ otoi lɛ kɛ obele lɛ kɛ owain lɛ eko awo lɛ gbɛ. Okwɛ jɔɔmɔ ni Yehowa, oNyɔŋmɔ lɛ, kɛjɔɔ bo lɛ nɔ koni ohã lɛ nii lɛ bɔ ni sa ni okɛwo lɛ gbɛ.

5 Mose 24:13

Kpalemɔ ohã lɛ kɛji hulu yaanyɔ shi, bɔ ni afee ni ohiafo lɛ ana ehebo lɛ ebu kɛwɔ koni eda bo shi; ni osane baasa Yehowa, oNyɔŋmɔ lɛ hiɛ.

1 Timoteo 6:18

Ni amɛfee ejurɔ ni amɛtsɔ̃mɔ niiatsɛmɛi yɛ nitsumɔi kpakpai amli, amɛsumɔ nihãmɔ, amɛdɛŋ akpɔ.

Hebribii 13:16

Shi ejurɔfeemɔ kɛ nikee lɛ, nyɛhiɛ akakpaa nɔ; ejaakɛ nakai afɔlei saa Nyɔŋmɔ hiɛ jogbaŋŋ.

Hebribii 6:10

Ejaakɛ Nyɔŋmɔ jeee mɔ ni yeɔ sane ni ejaaa ni ehiɛ aaakpa nyɛnitsumɔ lɛ nɔ kɛ suɔmɔ ni nyɛjie kpo yɛ egbɛi lɛ hewɔ, ni nyɛkɛsɔ̃mɔ mɛi krɔŋkrɔŋi lɛ, ni nyɛsaa nyɛsɔ̃mɔɔ amɛ lolo lɛ.

Kpojiemɔ 22:11

Mɔ ni ejaaa lɛ, eya nɔ efee nii ni ejaaa lɛ; ni mɔ ni ji mujiatsɛ lɛ, eya nɔ ewo ehe muji lɛ; ni mɔ ni ji jalɔ lɛ, eya nɔ efee jalɛnii, ni mɔ ni ji mɔ krɔŋkrɔŋ lɛ, eya nɔ ehi krɔŋkrɔŋ.”

1 Samuel 2:1

Kɛkɛ ni Hana sɔle yɛ jɛi ni ekɛɛ “Yehowa, ohã mimli efili mi, ni minyɛ mihiɛ nɔ miwo. Mibaŋmɔ mihenyɛlɔi lɛ, ejaakɛ ohere mi.

1 Samuel 2:30

No hewɔ lɛ, mi, Yehowa, Israel Nyɔŋmɔ lɛ, mikɛɛ akɛ eyɛ mli akɛ mikɛɛ akɛ owe lɛ kɛ otsɛmɛi awe lɛ ni baasɔ̃mɔ mi akɛ osɔfoi kɛya naanɔ, shi agbɛnɛ miigbala nakai shiwoo lɛ sɛɛ, ejaakɛ mɛi ni buɔ mi lɛ, mawo amɛhiɛ nyam: shi mɛi ni ebuuu mi lɛ, abuŋ amɛ ahaŋ nɔ ko nɔ ko.