Lalai 110:3 - ŊMALƐ KRƆŊKRƆŊ LƐ

³ Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

Ṅmãle̱ Kroṅkroṅ Le̱

³ Omaṅ le̱ aaba ye̱ ota gbĩ le̱ no̱, ye̱ ame̱suomo̱ nā, *ye̱ hewulamo̱ kroṅkroṅ mli; oblahĩĩ asafo le̱ baä tamo̱ bō̱ dše̱o̱ dšetše̱remo̱ mũsũṅ le̱. *Lal. 29,2.

Lalai 110:3 ပူးပေါင်းရင်းမြစ်များ

1 Kronika 16:29

Nyɛŋɔa anunyam ni sa egbɛi lɛ nyɛhãa Yehowa; nyɛkɛ afɔle abaa; ni nyɛbaa ewe lɛ mli. Nyɛkotoa Yehowa kɛ nyɛjamɔ atadei.

Nehemia 11:2

Maŋbii lɛ jie hii fɛɛ ni here amɛhe akɛ amɛaahi Yerusalɛm lɛ yi.

Lalai 29:2

Nyɛkɛ anunyam ni sa Yehowa gbɛi lɛ ahãa lɛ. Nyɛkɛ hewulamɔ krɔŋkrɔŋ ajaa Yehowa.

Lalai 96:9

Je lɛ fɛɛ, nyɛkotoa kɛjaa Yehowa kɛji epue yɛ egbojeiaŋ! Nyɛ shikpɔŋ lɛ nɔ bii fɛɛ, nyɛhe akpokpoa yɛ ehiɛ!

Ezekiel 43:12

Sɔlemɔ we lɛ he mla nɛ. No ji akɛ, “Gɔŋ lɛ nɔ he ni ema lɛ, kɛ ehewɔ shikpɔŋ fɛɛ ni kã he kɛbɔle lɛ lɛ fɛɛ baafee he ni yɔɔ krɔŋkrɔŋ fe fɛɛ. Naa, Sɔlemɔ we lɛ he mla lɛ nɛ.

Mika 5:6

Amɛkɛ klante aaaye Asiria shikpɔŋ lɛ nɔ, Nimrod Shikpɔŋ lɛ. Amɛaahere wɔ kɛaajɛ Asiriabii lɛ adɛŋ, kɛji amɛba amɛbashimɔshimɔɔ shi yɛ wɔshikpɔŋ lɛ nɔ lɛ.

Bɔfoi 1:8

Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Bɔfoi 19:20

Nɛkɛ hewalɛ gbɛ nɛɛ nɔ Nuŋtsɔ lɛ wiemɔ lɛ tsɔ̃ ekɛshwere ni eye kunim.

Bɔfoi 2:33

Agbɛnɛ akɛni awo enɔ kɛtee Nyɔŋmɔ ninejurɔ nɔ ni ena Mumɔ Krɔŋkrɔŋ lɛ he shiwoo lɛ kɛjɛ Tsɛ lɛ dɛ̃ŋ hewɔ lɛ, efɔse nɔ ni nyɛnaa ni nyɛnuɔ nɛɛ eshwie shi.

Bɔfoi 2:41

Kɛkɛ ni abaptisi mɛi ni he ewiemɔ lɛ, ni nakai gbi lɛ nɔ nɔŋŋ lɛ akɛ susumai aaafee akpei etɛ̃ fata amɛhe.

Bɔfoi 21:20

Shi be ni amɛnu lɛ, amɛwo Nyɔŋmɔ hiɛ nyam, ni amɛkɛɛ lɛ akɛ, “Anyɛmi, kwɛmɔ Yudafoi akpei abɔ ni ehe eye nɛɛ, ni amɛ fɛɛ lɛ, Mla lɛ he hiɛdɔlɔi ji amɛ.

Bɔfoi 4:4

Shi mɛi ni nu lɛ ateŋ mɛi pii he ye, ni hii lɛ ayibɔ bashɛ aaafee akpei enumɔ.

2 Korintobii 13:4

Ejaakɛ asɛŋ lɛ yɛ gbedemɔ mli, shi Nyɔŋmɔ hewalɛ naa lɛ, ehiɛ kã; ni wɔ hu wɔgbedeɔ yɛ emli; shi Nyɔŋmɔ hewalɛ lɛ naa lɛ, wɔ kɛ lɛ hiɛ aaakãmɔ ahã nyɛ.

2 Korintobii 8:12

Ejaakɛ kɛ tsui yɛ he lɛ, no lɛ bɔ ni mɔ ko hãa kɛjɛɔ nɔ ni eyɔɔ mli lɛ saa Nyɔŋmɔ hiɛ; jeee kɛjɛ nɔ ni ebɛ mli.

2 Korintobii 8:16

Shi shidaa ahã Nyɔŋmɔ, mɔ ni kɛ nyɛhedɔɔ nɛɛ wo Tito tsui mli lɛ;

Efesobii 1:4

Nyɔŋmɔ nɛɛ, lɛ ehala wɔ yɛ lɛ nɔŋŋ emli dani ato jeŋ shishi, koni wɔfee krɔŋkrɔŋ ni wɔhe akahi kpa ko yɛ ehiɛ.

Filipibii 2:13

ejaakɛ suɔmɔ ni aaasumɔ jio, feemɔ ni aaafee jio, Nyɔŋmɔ ji mɔ ni tsuɔ fɛɛ yɛ nyɛ mli bɔ ni lɛ etaoɔ.

1 Tesalonikabii 4:7

Ejaakɛ Nyɔŋmɔ tsɛɛɛ wɔ ehãaa nyaŋemɔ nitsumɔ, shi moŋ hã hetsemɔ.

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 13:21

lɛ esaa nyɛ ehã nitsumɔ kpakpa fɛɛ nitsumɔ kpakpa, ni nyɛfee esuɔmɔnaanii, ni etsɔ̃ Yesu Kristo nɔ efee nɔ ni sa ehiɛ yɛ nyɛmli. Lɛ aŋɔ anunyam ahã kɛyashi naanɔi anaanɔ lɛ. Amen!

Kpojiemɔ 7:9

Nii nɛɛ asɛɛ lɛ mikwɛ, ni naa, asafo kpele ni mɔ ko mɔ ko nyɛŋ akane ni jɛ jeŋmaŋ fɛɛ jeŋmaŋ kɛ akutsei kɛ maji kɛ maji anɔ wiemɔi amli damɔ maŋtsɛ sɛ̃i lɛ hiɛ kɛ Toobi lɛ hiɛ, ni amɛwo atadei yɛji, ni amɛhiɛ blɛoi yɛ amɛdɛŋ,

Kojolɔi 5:2

“Akɛni tatsɛmɛi nyiɛ Israel ta lɛ hiɛ, ni maŋ muu lɛ fɛɛ here amɛhe hewɔ lɛ, nyɛjiea Yehowa yi!

Kojolɔi 5:9

Mina Israel tatsɛmɛi lɛ ahe tsui, kɛ mɛi ni here amɛhe yɛ tsuijurɔ naa, yɛ maŋbii lɛ ateŋ lɛ. Nyɛjiea Yehowa yi.