Lalai 110:2 - ŊMALƐ KRƆŊKRƆŊ LƐ

² Yehowa aaajɛ Zion ekɛ omaŋtsɛ tsi wulu lɛ ahã bo. Eeekɛɛ akɛ, “Ye lumɔ yɛ ohenyɛlɔi lɛ anɔ.”

Ṅmãle̱ Kroṅkroṅ Le̱

² Ohewale̱ tšo le̱, Iehowa aakpã mli ke̱-adše̱ *Zion ahão: Ye lumo̱ ye̱ ohenye̱lo̱i le̱ ateṅ! *Lal. 2,6.

Lalai 110:2 ပူးပေါင်းရင်းမြစ်များ

Lalai 72:8

Elumɔyeli aaahe shi kɛaajɛ ŋshɔnaa kɛyagbee ŋshɔnaa; kɛaajɛ Eufrate Faa lɛ naa kɛyashi je lɛ naagbeehei kɛ̃.

2 Mose 7:19

Ni Yehowa fã Mose akɛ, “Kɛɛmɔ Aaron akɛ, ‘Kɔ otso lɛ ni okpã onine mli yɛ Ijipt nu fɛɛ nu, ni ji fai kɛ nujɔi ni aje gbɛ agbala kɛ bukoi kɛ nu ni bua shi fɛɛ, nɔ, ni amɛaatsɔmɔ lá. Nu ni yɔɔ tso kɛ tɛ gogai amli fɛɛ aaatsɔ̃ lá.’ ”

2 Mose 8:5

Ni Yehowa kɛɛ Mose akɛ, “Kɛɛmɔ Aaron akɛ, ‘Kɔ otso lɛ ni okpã onine mli yɛ fai kɛ nujɔi ni agbala kɛ nu ni buabua shi lɛ anɔ, ni ohã kɔkɔdenei atumɔ kɛba Ijipt shikpɔŋ lɛ nɔ.’ ”

Yesaia 2:3

Ni mɛi babaoo baakɛɛkɛɛ amɛhe akɛ, “Nyɛbaa, nyɛhãa wɔyaa Yehowa gɔŋ lɛ nɔ, ni wɔyaa Yakob Nyɔŋmɔ lɛ We lɛ, koni etsɔ̃ɔ wɔ bɔ ni etaoɔ akɛ wɔhi shi wɔhã, koni wɔba wɔjeŋ nakai, Ejaakɛ mla lɛ, Zion ebaajɛ, ni Yehowa wiemɔ lɛ, Yerusalɛm ebaajɛ.”

Yeremia 48:17

“Nyɛ mɛi fɛɛ ni bɛŋkɛ Moab, nyɛyea lɛ ŋkɔmɔ; kɛ nyɛ mɛi ni nyɛle bɔ ni egbɛi ehehe, nyɛkɛa akɛ, ‘Te aye tɛŋŋ ni otsi wulu lɛ kɛ otsiamɛtso ekumɔ nɛɛ?’

Ezekiel 19:14

Ni la jɛ tso lɛ diɛŋtsɛ mli ni eshã eniji lɛ kɛ eyibii lɛ fɛɛ; ni tso bɛ emli dɔŋŋ ni aaanyɛ akɛfee maŋtsɛ tsi dɔŋŋ. Awerɛho lala nɛɛ alaa akɛyeɔ ŋkɔmɔ daa.

Ezekiel 47:1

Nuu lɛ kɛ mi ku sɛɛ kɛba Sɔlemɔ we lɛ shinaa lɛ shi ekoŋŋ; ni naa, nu miiho kɛmiijɛ Sɔlemɔ we lɛ shinaa kpoku lɛ shishi kɛmiiya bokãgbɛ he ni Sɔlemɔ we lɛ hiɛgbɛ kwɛɔ lɛ. Nu lɛ miiho kɛmiijɛ Sɔlemɔ we lɛ wuoyigbɛ yɛ shinaa lɛ kpoku lɛ shishi, yɛ afɔleshãa latɛ lɛ wuoyigbɛ.

Mika 4:2

Ni maji amli bii pii aaaba abakɛɛ akɛ, “Nyɛbaa ni nyɛhãa wɔyakwɔa Yehowa gɔŋ lɛ, kɛya Israel Nyɔŋmɔ lɛ Sɔlemɔ we lɛ; ejaakɛ eeetsɔ̃ɔ wɔ nɔ ni etaoɔ ni wɔfee; koni wɔnyiɛ egbɛi lɛ anɔ. Ejaakɛ Yehowa Mla lɛ, Yerusalɛm ebaajɛ; ekɛ emaŋ lɛ wieɔ kɛjɛɔ Zion.”

Mika 7:14

Yehowa, feemɔ tookwɛlɔ ohã omaŋ lɛ, ni olɛ amɛ, maŋ ni bo diɛŋtsɛ ohala lɛ. Amɛyɛ ŋa kplanaa nɔ banee yɛ Gɔŋ Karmel lɛ yiteŋ, tsɛbelɛ shikpɔŋ ni baa nii bɔle amɛ kɛkpe. Hã ni amɛhi Bashan kɛ Gilead shikpɔŋ frɔ̃frɔ̃ lɛ nɔ; ni amɛye enɔ nii tamɔ blema ko lɛ.

Romabii 1:16

Ejaakɛ mihiɛ gbooo Kristo Sanekpakpa lɛ he, ejaakɛ eji Nyɔŋmɔ hewalɛ ni akɛhereɔ mɔ fɛɛ mɔ ni heɔ yeɔ lɛ yiwala, Yudanyo lɛ tsutsu kɛ Helanyo hu.

1 Tesalonikabii 2:13

Enɛ hewɔ ni wɔ hu wɔdaa Nyɔŋmɔ shi ni wɔfɔ̃ɔɔ lɛ, ejaakɛ be ni nyɛnine shɛ Nyɔŋmɔ wiemɔ ni nyɛnu yɛ wɔnaa lɛ nɔ lɛ, nyɛmɔ mli akɛ Nyɔŋmɔ wiemɔ, tamɔ bɔ ni eji hu lɛɛlɛŋ lɛ, shi jeee akɛ gbɔmɛi awiemɔ ko. Wiemɔ nɛɛ tsuɔ hewalɛ nii yɛ nyɛ ni nyɛheɔ nyɛyeɔ lɛ nyɛmli.

1 Petro 1:12

Ni ajie atsɔ̃ɔ amɛ akɛ, jeee amɛ diɛŋtsɛ amɛhewɔ, shi moŋ nyɛhewɔ ni amɛsɔ̃mɔ yɛ nɛkɛ nii nɛɛ ahe, nii ni agbɛnɛ mɛi ni jaje Sanekpakpa lɛ tsɔ̃ɔ nyɛ yɛ Mumɔ Krɔŋkrɔŋ ni atsu kɛjɛ ŋwɛi lɛ mli lɛ eshiɛ etsɔ̃ɔ nyɛ lɛ, ni ŋwɛi bɔfoi tete shweɔ akɛ amɛaana mli lɛ.