Lalai 109:3 - ŊMALƐ KRƆŊKRƆŊ LƐ

³ Amɛhetsɛ̃ wiemɔi efo sa ewo mihe; amɛtua mi yakatswaa ni mifeko nɔ ko.

Ṅmãle̱ Kroṅkroṅ Le̱

³ ame̱ke̱ hetšẽmo̱ wiemo̱i efo sá ewo mihe, nĩ ame̱ke̱mi mīwu yakatſā po.

Lalai 109:3 ပူးပေါင်းရင်းမြစ်များ

2 Samuel 15:12

Be mli ni Absalom shãa afɔlei lɛ, etsu ayatsɛ Ahitofel, Gilonyo lɛ, Maŋtsɛ David ŋaawolɔ, yɛ emaŋ Gilo lɛ abahã lɛ. Kɛkɛ ni maŋtsɛ lɛ he yiŋ fɔŋ ni etoɔ lɛ mli bawa, ni Absalom sɛɛbii lɛ ayi bafa jogbaŋŋ.

Lalai 17:11

Amɛjaa misɛɛ mo, amɛbɔleɔ mihe kɛkpeɔ kpula; amɛ jie amɛhiɛ amɛka mi koni amɛtsi mi amɛtswa shi.

Lalai 22:12

Henyɛlɔi babaoo ebɔle mi kɛkpe kpula, tamɔ tsina hii, amɛtamɔ Bashan tsina hii hewalɔi, ni efo sa ewo mihe.

Lalai 35:19

Kaahã mɛi ni nyɛɔ mi yakatswaa lɛ miiye mi yɔɔ; ni kaahã mɛi ni he tsɛ̃ɔ mi yakatswaa lɛ mikpɛkpɛɛ mi.

Lalai 35:20

Ejaakɛ amɛwieee hejɔlɛ wiemɔ; shi moŋ amɛfoɔ saji amɛshwieɔ mɛi ni he jɔ yɛ shikpɔŋ lɛ nɔ lɛ anɔ.

Lalai 35:7

Mifeko amɛ efɔŋ ko kwraa shi amɛtsɔ mi tsɔne amɛtee; koni edu mi, ni amɛtsa bu kwɔŋkwɔŋ koni magbee mli ni magbo.

Lalai 69:4

Mɛi ni he tsɛ̃ɔ mi yakatswaa lɛ, amɛyi fa fe miyiteŋ tsɔi; mihenyɛlɔi ni maleɔ mihe, mɛi ni taoɔ mihiɛ amɛkpãtã lɛ amɛyi fa. Nɔ ni mijuko lɛ aso esa akɛ mato najiaŋ lo?

Lalai 88:17

Gbi muu fɛɛ lɛ, ohe ŋmiŋmi lɛ ebɔle mihe tamɔ nu afua, efo mihe sa kɛkpe.

Hosea 11:12

Yehowa kɛɛ, “Israelbii ebɔle mihe kɛkpe kɛ amale kɛ mɔshishiumɔ, ni Yudabii kã he amɛmiitse miihiɛ atua, mi ni ji Nyɔŋmɔ anɔkwafo kɛ mɔ krɔŋkrɔŋ lɛ.”

1 Samuel 26:18

Shi mɛɛba ni minuŋtsɔ nyiɛ etsulɔ sɛɛ nɛkɛ nɛɛ? Mɛni mifee; mɛɛ efɔŋ po mifee?