Lalai 103:8 - ŊMALƐ KRƆŊKRƆŊ LƐ

⁸ Mɔbɔnalɔ kɛ durolɔ ji Yehowa, emli fuuu mra, ni esuɔmɔ ni tsakeee lɛ fa babaoo.

Ṅmãle̱ Kroṅkroṅ Le̱

⁸ Mo̱bo̱nalo̱ ke̱ drolo̱ dši Iehowa, emli fũũ mrã, ni emo̱bo̱nale̱ fá. 2 Mose 34,5. Lal. 86,16.

Lalai 103:8 ပူးပေါင်းရင်းမြစ်များ

Nehemia 9:17

Amɛbooo bo toi, ni asaŋ amɛkaiii onaakpɛɛnii ni ofee yɛ amɛteŋ lɛ; shi moŋ amɛfee amɛhe kuɛŋtilɔi. Amɛtse atua, ni amɛto asafoiatsɛ ni ekɛ amɛ aku sɛɛ kɛya nyɔŋyeli mli ekoŋŋ yɛ Ijipt. Shi bo lɛ oji Nyɔŋmɔ ni kɛ eshai faa, durolɔ kɛ musuŋtsɔlɔ ni toɔ etsui shi ni emɔbɔnalɛ fa, hewɔ lɛ oshiii amɛ.

Lalai 130:7

Oo Israel, ŋɔɔ ohiɛ ofɔ̃ Yehowa nɔ; ejaakɛ Yehowa dɛŋ suɔmɔ ni tsakeee yɔɔ, ni edɛŋ kpɔmɔ ni fa yɔɔ.

Lalai 145:8

Durolɔ kɛ mɔbɔnalɔ ji Yehowa; emli fuuu mra, ni esuɔmɔ ni tsakeee lɛ fa babaoo.

Lalai 31:20

Oŋɔɔ amɛ oteɔ yɛ ohiɛ teemɔhe lɛ mli. Kɛjeɔ mɛi ayinɔ kpãŋmɔi amli, ni okɛ amɛ toɔ shweshweeshwe yɛ obuu lɛ mli.

Lalai 86:15

Oo Nuŋtsɔ, shi bo lɛ Nyɔŋmɔ musuŋtsɔlɔ kɛ durolɔ ji bo! Omli fuuu mra, ni osuɔmɔ ni tsakeee lɛ kɛ onɔkwayeli lɛ fa babaoo.

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

Yesaia 55:7

Ha mɔ fɔŋ lɛ akwa ejeŋba fɔŋ lɛ; ni nɔshafeelɔ atsake ejwɛŋmɔ. Ha eku esɛɛ kɛba Yehowa ŋɔɔ ni emusuŋ aaatsɔ lɛ yɛ ehewɔ. Ekpale kɛba wɔNyɔŋmɔ lɛ ŋɔɔ, ni ekɛaafa lɛ aahu.

Yeremia 32:18

Osuɔmɔ lɛ sɛɛ efooo hã mɛi akpeiakpei abɔ; shi okɛ tsɛmɛi anishaianii lɛ ahe toigbalamɔ hãa amɛbii ni baa yɛ amɛsɛɛ. Ao! Nyɔŋmɔ hewalɔ kpele, bo ni ogbɛi ji Yehowa Taiatsɛ,

Yoel 2:13

Nyɛtsɛrɛa nyɛtsuii, shi jeee nyɛtadei; nyɛkpalea kɛbaa nyɛNyɔŋmɔ lɛ ŋɔɔ, ejaakɛ durolɔ kɛ mlitsɔ̃lɔ ji lɛ; emli fuu mra, ni eyeɔ eshiwoo nɔ; ni emɔbɔnalɛ fa, ni eshwaa ehe yɛ nɔ fɔŋ hewɔ.

Yona 4:2

No hewɔ lɛ, esɔle, ni ekɛɛ akɛ, “Ao, Yehowa, ani jeee nɔ ni mikɛɛ be mli ni miyɔɔ mimaŋ lɛ eba mli nɛɛ? Enɛ hewɔ nɔŋŋ ni mijɛ mra mijo foi kɛmiiya Tarshish lɛ. Ejaakɛ mile akɛ bo lɛ, Nyɔŋmɔ durolɔ kɛ musuŋtsɔlɔ ji bo; omli fuuu mra, ni omɔbɔnalɛ fa, ni otsakeɔ oyiŋtoo yɛ toigbalamɔ he.

Nahum 1:3

Yehowa mli fuuu mra, ni ehewalɛ da kpele; ehãaa tɔ̃lɔ aŋɔ ehe aye. Ahum kɛ lasuogbele teɔ shi yɛ he ni Yehowa etsɔ̃ kɛho, ni enaneshi mlu ji atatui.

4 Mose 14:18

‘Mi, Yehowa, mimli fuuu mra, ni mimɔbɔnalɛ hu fa; ni mikɛ tɔ̃mɔ kɛ efɔŋfeemɔ faa; shi kɛ̃lɛ mihãaa tɔ̃lɔ aŋɔ ehe aye, ni miwoɔ bii anyɔmɔ yɛ tsɛmɛi atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete nɔ.’

5 Mose 5:10

Shi mɛi akpei abɔ fɛɛ ni sumɔɔ mi, ni amɛyeɔ mikitãi anɔ lɛ, misumɔɔ amɛ kɛ suɔmɔ ni tsakeee, ni minaa amɛ mɔbɔ hu.’

Yakobo 5:11

Naa, wɔbuɔ mɛi ni mĩaa amɛhiɛ lɛ akɛ mɛi ni ajɔɔ amɛ. Nyɛnu Hiob hiɛmiamɔ lɛ he, kɛ bɔ ni Nuŋtsɔ lɛ hã enaagbee fee hã; ejaakɛ Nuŋtsɔ lɛ mli tsɔ̃ɔ lɛ babaoo, ni enaa mɔbɔ.