Lalai 100:5 - ŊMALƐ KRƆŊKRƆŊ LƐ

⁵ Ejaakɛ Yehowa hi; esuɔmɔ ni tsakeee lɛ yɛ kɛyaa naanɔ; ni enɔkwayeli lɛ hiɔ shi kɛyaa yinɔi fɛɛ anɔ!

Ṅmãle̱ Kroṅkroṅ Le̱

⁵ Edšake̱ Iehowa hĩ: emo̱bo̱nale̱ hĩo̱ ši ke̱-yaä nāno̱, ni eno̱kwayeli le̱ hĩo̱ ši ke̱-yaä yino̱i fẽ no̱. Lal. 106,1.

Lalai 100:5 ပူးပေါင်းရင်းမြစ်များ

1 Kronika 16:34

Nyɛdaa Yehowa shi ejaakɛ ehi; ejaakɛ esuɔmɔ ni tsakeee lɛ hiɔ shi kɛyaa naanɔ.

2 Kronika 5:13

Tɛtɛrɛmantɛrɛkpãlɔi nɛɛ kɛ lalatsɛmɛi lɛ anitsumɔ ji akɛ amɛla kɛjie Yehowa yi, asaŋ kɛda lɛ shi hu. Be ni osɔfoi lɛ je kpo nɔŋŋ yɛ He Krɔŋkrɔŋ Fe Fɛɛ lɛ, kɛkɛ ni Levibii lɛ wo lala nɔ kɛ tɛtɛrɛmantɛrɛi kɛ ŋmɛji kɛ saŋkui srɔtoi, ni amɛ jie Yehowa yi amɛkɛɛ, “Yehowa hi, ejaakɛ emɔbɔnalɛ sɛɛ efooo, emɔbɔnalɛ lɛ yɛ kɛmiiya naanɔ.” Kɛkɛ ni atatu bayi Yehowa Sɔlemɔtsu lɛŋ obɔ̃;

Ezra 3:11

Amɛla ni amɛhereheree nɔ amɛkɛkafo Yehowa, ni amɛkɛda lɛ shi amɛkɛɛ, “Ejaakɛ ehi, ejaakɛ esuɔmɔ ni ekɛsumɔɔ Israel lɛ yɛ kɛmiiya naanɔ.” Maŋ muu lɛ fɛɛ bɔ oshe waa amɛkɛkafo Yehowa yɛ Yehowa shĩa lɛ shishitoo lɛ hewɔ.

Lalai 103:17

Shi Yehowa suɔmɔ ni tsakeee lɛ eyɛ kɛjɛ naanɔ kɛmiiya naanɔ. Eyɛ hã mɛi ni sheɔ lɛ gbeyei lɛ, ni ejalɛ lɛ yɛ hã bii abii.

Lalai 106:1

Nyɛjiea Yehowa yi! Nyɛdaa Yehowa shi, ejaakɛ ehi, ejaakɛ esuɔmɔ ni tsakeee lɛ hiɔ shi kɛyaa naanɔ.

Lalai 107:1

Nyɛdaa Yehowa shi, ejaakɛ ehi ejaakɛ naanɔ esuɔmɔ ni tsakeee lɛ hiɔ shi kɛyaa.

Lalai 107:15

Esa akɛ amɛda Yehowa shi yɛ esuɔmɔ ni tsakeee kɛ enaakpɛɛnii ni etsuɔ ehãa gbɔmɛi adesai abii lɛ ahewɔ.

Lalai 107:22

Hã amɛshã shidaa afɔlei, ni amɛkɛ nyamɔ lalai agba enitsumɔi lɛ.

Lalai 107:8

Esa akɛ amɛda Yehowa shi, yɛ esuɔmɔ ni tsakeee lɛ hewɔ, yɛ enaakpɛɛnii ni etsuɔ ehãa gbɔmɛi abii lɛ hewɔ.

Lalai 119:68

Ohi, ni ofeɔ ejurɔ; tsɔ̃ɔmɔ mi okpɔi lɛ.

Lalai 138:8

Yehowa aaahã eyiŋtoo lɛ aba mli ahã mi. Oo Yehowa, naanɔ osuɔmɔ ni tsakeee lɛ hiɔ shi kɛyaa; gbee bo diɛŋtsɛ oninenaa nitsumɔi lɛ anaa.

Lalai 146:6

Lɛ ebɔ ŋwɛi kɛ shikpɔŋ kɛ ŋshɔ kɛ nɔ fɛɛ nɔ ni yɔɔ mli lɛ; lɛ lɛ eyeɔ anɔkwa kɛyaa naanɔ.

Lalai 25:8

Yehowa hi, ni jalɔ ji lɛ, hewɔ lɛ etsɔ̃ɔ eshafeelɔi gbɛ ni ja.

Lalai 36:5

Oo Yehowa, osuɔmɔ ni sɛɛ efooo lɛ, kwɔ kɛshɛɔ ŋwɛi tɔ̃ɔ. Onɔkwayeli lɛ shɛɔ atatuiaŋ tɔ̃ɔ.

Lalai 52:1

Oo bo gbɔmɔ kãkãlɔ, mɛɛba okɛ onifɔɔjianii ni ofee oshi mɔ ni sheɔ Nyɔŋmɔ gbeyei lɛ shwãa lɛ?

Lalai 85:10

Suɔmɔ ni tsakeee kɛ anɔkwayeli baakpe; ni jalɛ kɛ toiŋjɔlɛ aaafua amɛhe atuu.

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

Yeremia 33:11

nyamɔ kɛ mliflimɔ kɛ ayɛmforowu kɛ ayɛmforo gbee ekoŋŋ yɛ jɛi. Abaanu mɛi ni kɛ amɛshidaa afɔlei baa Yehowa we lɛ he ni amɛmiila akɛ, ‘Nyɛdaa Yehowa, Taiatsɛ lɛ, shi ejaakɛ Yehowa hi, ni esuɔmɔ ni tsakeee lɛ hiɔ shi kɛyaa naanɔ!’ Ejaakɛ mibahã shikpɔŋ lɛ ashwere tamɔ bɔ ni eyɔɔ tsuutsu lɛ. Mi Yehowa mikɛɛ.”

Mika 7:20

Obaajie onɔkwayeli kɛ osuɔmɔ ni tsakeee lɛ kpo otsɔ̃ɔ omaŋ lɛ, ni ji Abraham kɛ Yakob shwiei lɛ tamɔ bɔ ni owo wɔtsɛmɛi lɛ ashi blema bei lɛ amli beebe lɛ.

Nahum 1:7

Yehowa hi, etsɔ̃ɔ teemɔhe yɛ amanehulu be mli, ni ebaa mɛi ni baa lɛ abo lɛ ayi.

Luka 1:50

Emɔbɔnalɛ yɛ mɛi ni sheɔ lɛ gbeyei lɛ anɔ kɛyashi yinɔi ayinɔi.

5 Mose 7:9

No hewɔ lɛ, nyɛnaa nyɛlea akɛ Yehowa, nyɛNyɔŋmɔ lɛ, lɛ ji Nyɔŋmɔ koome lɛ, Nyɔŋmɔ anɔkwafo, mɔ ni yeɔ shi ni ewo nɔ, asaŋ ni esuɔmɔ tsakeee yɛ mɛi ni esumɔɔ ni amɛyeɔ ekitãi anɔ kɛyashiɔ amɛshwiei ni ji akpe lɛ ayinɔ tɔ̃ɔ lɛ.

Tito 1:2

ni amɛna naanɔ wala lɛ hiɛnɔkãmɔ. Naanɔ wala nɛɛ Nyɔŋmɔ wo he shi dani abɔ je lɛ.