Lalai 100:1 - ŊMALƐ KRƆŊKRƆŊ LƐ

¹ Shikpɔŋ lɛ fɛɛ, nyɛbɔa oshe nyɛhãa Yehowa!

Ṅmãle̱ Kroṅkroṅ Le̱

¹ Šidā lala. Šikpoṅ le̱ fẽ, nyeboa oše nyehãa Iehowa!

Lalai 100:1 ပူးပေါင်းရင်းမြစ်များ

Lalai 145:1

Makafo bo, miNyɔŋmɔ kɛ miMaŋtsɛ, ni majie ogbɛi lɛ yi daa kɛaatee naanɔi anaanɔ.

Lalai 32:11

Oo nyɛ jalɔi, nyɛmii ashɛa nyɛhe, yɛ Yehowa hewɔ, ni nyɛmli afilia nyɛ. Nyɛbɔa oshe kɛ nyamɔ nyɛ mɛi fɛɛ, ni nyɛja kɛmɔ shi.

Lalai 47:1

Nyɛ maji fɛɛ tswɛm, nyɛtswaa nyɛdɛ̃; nyɛkɛ nyamɔ lala abɔa oshe waa ahãa Nyɔŋmɔ.

Lalai 47:5

Nyɔŋmɔ etee ŋwɛi kɛ oshebɔɔ. Yehowa kɛ tɛtɛrɛmantɛrɛ jijemɔ etee ŋwɛi.

Lalai 66:1

Nyɛkɛ nyamɔ abɔa oshe nyɛhãa Nyɔŋmɔ, nyɛ shikpɔŋ lɛ nɔ bii fɛɛ!

Lalai 66:4

Hã je lɛŋ bii fɛɛ kwa aja bo, amɛla kɛjie oyi, amɛla kɛkafo ogbɛi lɛ.”

Lalai 67:4

Hã majimaji lɛ amii ashɛ amɛhe, koni amɛla kɛ miishɛɛ; ejaakɛ okojoɔ majimaji lɛ yɛ jalɛ naa, ni otsɔ̃ɔ shikpɔŋ lɛ nɔ majimaji lɛ agbɛ.

Lalai 68:32

Oo, nyɛ shikpɔŋ lɛ nɔ maŋtsɛyelii, nyɛlaa nyɛhãa Nyɔŋmɔ! Nyɛlaa nyɛjiea Nuŋtsɔ lɛ yi,

Lalai 98:4

Je lɛ fɛɛ, nyɛbɔa oshe kɛ miishɛɛ nyɛhãa Yehowa; nyɛlaa miishɛɛ lalai, nyɛlaa yijiemɔ lalai!

Zefania 3:14

Zion biyoo, la nyamɔ lala waa! Israel, bɔɔ oshe! Yerusalɛm biyoo, nya; omli afili bo kɛ otsui fɛɛ!

Zakaria 14:9

Nakai gbi lɛ nɔ lɛ aaale lɛ akɛ Yehowa kome kɛ egbɛi hu koome; ejaakɛ lɛ ebaaye shikpɔŋ muu lɛ fɛɛ nɔ maŋtsɛ.

Luka 19:37

Ni be ni ebɛŋkɛ he ni akpelekeɔ Mugɔŋ lɛ yɛ lɛ, ekaselɔi asafo muu lɛ fɛɛ bɔ̃i nyamɔ ni amɛkɛ gbee ni wa jie Nyɔŋmɔ yi, yɛ hewalɛ nitsumɔi fɛɛ ni amɛna lɛ hewɔ,

Romabii 15:10

Ni Ŋmalɛ lɛ saa kɛɛ, “Nyɛ jeŋmaji, nyɛ kɛ emaŋ lɛ mli afilia nyɛ!”

5 Mose 32:43

“Nyɛ majimaji, nyɛkɛ Yehowa webii lɛ anyaa, ejaakɛ etɔ etsuji alá he owele, ni etɔ ehe owele yɛ ehenyɛlɔi anɔ, ni ekɛ ewebii atɔ̃mɔi efa amɛ.”