Lalai 10:3 - ŊMALƐ KRƆŊKRƆŊ LƐ

³ Ejaakɛ mɔ fɔŋ lɛ eshwãa efɔ̃ɔ etsuiŋ sɛɛdii nibii anɔ; ni amimyelɔ lomɔɔ, ni ekwaa Yehowa.

Ṅmãle̱ Kroṅkroṅ Le̱

³ Edšake̱ mofõṅ ſãa efõo̱ esusuma se̱dinii le̱ ano̱, ni amimyelo̱ hũ kwaä Iehowa ni elio̱le̱.

Lalai 10:3 ပူးပေါင်းရင်းမြစ်များ

1 Maŋtsɛmɛi 20:25

No sɛɛ lɛ, obua tabilɔi ni falɛ shɛɔ ta ni hiɛ kpãtã lɛ naa, kɛ okpɔŋɔi kɛ tayaa shwiilii abɔ tamɔ tsutsu nibii lɛ afalɛ lɛ, koni wɔ kɛ Israelbii lɛ awu yɛ ŋa kplenee nɔ, koni okwɛ akɛ wɔnine tsɔŋ amɛnɔ lo.” Ben-Hadad bo etsuji lɛ agbee toi, ni efee bɔ ni amɛkɛɛ lɛ.

Hiob 31:24

Kɛji miŋɔ shika mifee mihiɛnɔkãmɔ, aloo mitsɛ shika ŋmiiŋmi mihiɛnɔkãmɔ,

Lalai 35:21

Amɛgbɛɔ amɛdaaŋ hatoo amɛwoɔ mi; amɛkɛɔ akɛ, “Yiɛ, yiɛ, wɔna kɛ wɔhiŋmɛi.”

Lalai 49:18

Eyɛ mli akɛ be ni eyɔɔ wala mli lɛ, ebuɔ ehe akɛ eyi tɔ kɛ miishɛɛ; ni mɛi hu jieɔ eyi akɛ “eyɛ jogbaŋŋ” moŋ nɛ;

Lalai 49:6

mɛi ni kɛ amɛhiɛ fɔ̃ɔ amɛninamɔ nɔ ni amɛshwãa akɛ amɛyɛ shika babaoo?

Lalai 5:6

Okpãtãa amalelɔi ahiɛ. Lashishwielɔi kɛ shishiulɔi lɛ Yehowa miihi amɛ.

Lalai 52:1

Oo bo gbɔmɔ kãkãlɔ, mɛɛba okɛ onifɔɔjianii ni ofee oshi mɔ ni sheɔ Nyɔŋmɔ gbeyei lɛ shwãa lɛ?

Lalai 94:4

Amɛwieɔ amɛdaa obɔ̃, amɛwieɔ hewoo wiemɔi; mɛi ni feɔ nishaianii lɛ fɛɛ shwãa.

2 Mose 15:9

Henyɛlɔ lɛ kɛɛ, ‘Matiu amɛ mayamɔmɔ amɛ. Maja nomŋɔɔnii lɛ, mitsui aaanyɔ mimli. Magbala miklante ni makpãtã amɛhiɛ.’

Abe̱i 28:4

Mɛi ni kwaa mla lɛ, amɛ jieɔ mɔ fɔŋ yi; shi mɛi ni yeɔ mla nɔ lɛ teɔ shi amɛwoɔ mɛi fɔ̃ji lɛ.

Jajelɔ 7:15

Mina mihiɛ nii yɛ yaka je nɛɛ mli. Jalɔ gboɔ yɛ ejalɛ nifeemɔ mli, ni gbɔmɔ fɔŋ lɛ moŋ wala sɛɛ tsɛɔ yɛ efɔŋ ni efeɔ mli.

Yesaia 37:23

Namɔ ahora obɔ, ni asaŋ ojɛ lɛ lɛ? Namɔ obolɔ owo, ni ogbɛ ohiŋmɛiŋ owo lɛ lɛ? Mi, Israel Mɔ Krɔŋkrɔŋ lɛ ni.

Yesaia 57:17

Nɔ sha ni yɔɔ ehiɛkɔ̃ɔ lɛ mli hewɔ lɛ, mimli wo la; migwao lɛ, ni mikɛ mihiɛ tee lɛ, ni mimli fu; shi etee nɔ ekwa mi, ni eye etsui naa sane.

Yeremia 22:17

Shi bo lɛ, ohiŋmɛi kɛ otsui kã juukɛfɔ̃ nii kɛ mɛi ni efeko efɔŋ lá shishwiemɔ nɔ. Ni owaa mɛi ayi keketee.

3 Mose 26:30

Mibafite hei ni nyɛjaa yɛ, yɛ gɔji lɛ anɔ, kɛ ohɛ afɔleshãa latɛi lɛ; ni mibashɛrɛ nyɛgbohii lɛ mashwie nyɛmãgãi ni akumɔ ashwie shi lɛ anɔ.

Habakuk 2:9

Kpoo hã mɔ ni etsɔ̃ gbɛ fɔŋ nɔ ena nii ehã ewe, ni ebɔ mɔdɛŋ eyama etsu yɛ he ko grɔŋŋ bɔ ni afee ni efee shweshweeshwe koni efɔŋ ko akasa ehe lɛ.

Luka 12:15

Ni ekɛɛ amɛ akɛ, “Nyɛkwɛa jogbaŋŋ ni nyɛhiɛ ahia nyɛhe nɔ yɛ hiɛjoomɔi srɔtoi fɛɛ ahe; ejaakɛ jeee gbɔmɔ nii ni ena ni eteke nɔ lɛ mli ewala yɔɔ.”

Luka 12:19

ni makɛɛ misusuma akɛ, susuma, oyɛ nii kpakpai babaoo ni akɛto ahã bo afii pii; jɔɔmɔ ohe, ye ni onu, ni ona tsuijurɔ.’

Romabii 1:29

mɛi ni eyimɔ obɔ̃bɔ̃ kɛ nii ni ejaaa gbɛ fɛɛ, efɔŋfeemɔ, hiɛjoomɔ, nifɔɔjianii; amɛyimɔ tɔ kɛ hetsɛ̃, awuyeli, bei, shishiumɔ, nyɛɛ;

Romabii 1:32

Amɛle Nyɔŋmɔ mla lɛ krɛdɛɛ nɛ, akɛ mɛi ni tsuɔ nakai nii lɛ sa gbele, shi kɛ̃lɛ jeee feemɔ kɛkɛ amɛfeɔ, shi moŋ amɛnaa mɛi ni tsuɔ nakai nii lɛ ahe miishɛɛ hu.

1 Korintobii 6:10

loo julɔi loo hiɛjoolɔi loo dãatɔlɔi loo mɛi ajɛlɔi loo ojotswalɔi anine shɛŋ Nyɔŋmɔ maŋtsɛyeli lɛ nɔ.

Efesobii 5:5

Ejaakɛ nyɛnaa nyɛlea enɛ akɛ, ajwamãŋbɔlɔ ko ajwamãŋbɔlɔ ko loo hiɛjoolɔ ko ni ji wɔŋjalɔ bɛ gbɛfaŋ nɔ yɛ Kristo kɛ Nyɔŋmɔ maŋtsɛyeli lɛ mli.

5 Mose 29:19

Nɛkɛ gbɔmɔ baahã ehe tsui kɛji enu kitã ni ji kpãŋmɔ nɛɛ mli wiemɔi lɛ, ni ebaakɛɛ ehe akɛ, ‘Mikpliŋ mitsui kɛmiifee nɔ ni mi misumɔɔ moŋ nɛ, kɛ̃lɛ mibaye mihe.’ Enɛ baahã mɔ kpakpa kɛ mɔ fɔŋ hu fɛɛ hiɛ akpãtã.

5 Mose 32:19

“Be ni Yehowa na enɛ lɛ, enyaŋe ebihii kɛ ebiyei lɛ, yɛ emli la ni amɛwo lɛ hewɔ.

Kolosebii 3:5

No hewɔ lɛ, nyɛgbea nyɛhenii ni yɔɔ shikpɔŋ lɛ nɔ lɛ: ajwamãŋbɔɔ, nyaŋemɔ nitsumɔ, mlila, akɔnɔ fɔŋ, kɛ hiɛjoomɔ ni ji wɔŋjamɔ lɛ.

Yakobo 4:13

Agbɛnɛ nyɛ hu! Nyɛ mɛi ni nyɛkɛɔ akɛ, “Ŋmɛnɛ loo wɔ wɔɔtee maŋ nɛɛ mli loo maŋ nɛɛ mli ni wɔyaye afi kome yɛ jɛi, ni wɔɔye jara, ni wɔɔna sɛɛ;”

Yakobo 4:16

Shi agbɛnɛ lɛ nyɛwoɔ nyɛhe nɔ ni nyɛshwãa; nɛkɛ shwãa nɛɛ fɛɛ lɛ, efɔŋ ni.

1 Yohane 2:15

Nyɛkasumɔa je lɛ loo nibii ni yɔɔ je lɛ mli. Kɛji mɔ ko miisumɔ je lɛ, belɛ Tsɛ lɛ suɔmɔ lɛ bɛ emli,

Kojolɔi 17:2

Ekɛɛ enyɛ akɛ, “Jwiɛtɛi kukuji akpe kome kɛ oha lɛ ni awo yɛ odɛ̃ŋ, nɔ ni olomɔ yɛ he ni owie he hu yɛ mitoiŋ lɛ, naa, eyɛ midɛŋ; mi miwo.” Enyɛ here nɔ akɛ, “Yehowa ajɔɔ bo mibi.”

1 Samuel 23:21

Saul kɛɛ Zif hii nɛɛ akɛ, “Yehowa ajɔɔ nyɛ akɛ nyɛnu he nyɛhã mi.