Lalai 1:3 - ŊMALƐ KRƆŊKRƆŊ LƐ

³ Etamɔ tsei ni atɛo yɛ fai atoi, ni woɔ yibii yɛ amɛbe mli, ni amɛbai kpalaaa, ni nɔ fɛɛ nɔ ni efeɔ lɛ shwereɔ.

Ṅmãle̱ Kroṅkroṅ Le̱

³ *Etamo̱ tšo ni ate̱o ye̱ fāi atoi, ní woo̱ eyibii ye̱ ebe le̱ mli, ní eyibāi kpōṅ; ni nofẽno ní efeo̱ le ſereo̱. *Lal. 92,13-15. Ier. 17,8.

Lalai 1:3 ပူးပေါင်းရင်းမြစ်များ

1 Mose 39:23

Gboklɛfoi akwɛlɔ lɛ gbaaa ehe naa yɛ nii ni etu ewo Yosef dɛŋ lɛ he, ejaakɛ Yehowa kɛ Yosef yɛ, ni nɔ fɛɛ nɔ ni efeɔ lɛ, Yehowa hãa eyeɔ omanye.

1 Mose 39:3

Enuŋtsɔ Ijiptnyo lɛ we lɛ eyɔɔ. Potifar na akɛ Yehowa kɛ Yosef yɛ, ni ehãa nɔ fɛɛ nɔ ni Yosef feɔ lɛ shwereɔ yɛ edɛŋ.

2 Maŋtsɛmɛi 18:7

Ni Yehowa kɛ lɛ yɛ, ni he fɛɛ he ni eyaa lɛ eyayeɔ omanye. Etse Asiria maŋtsɛ lɛ hiɛ atua, ni esɔ̃mɔɔɔ lɛ.

1 Kronika 22:11

“No hewɔ lɛ, mibi, Yehowa ajɔɔ bo koni onyɛ shihilɛhe lɛ oma oha Yehowa, oNyɔŋmɔ lɛ, bɔ ni ekɛɛ yɛ ohe lɛ.

1 Kronika 22:13

Kɛji ojwɛŋ nɔ ni oye akpɔi kɛ mlai ni Yehowa tsɔ̃ Mose nɔ ewo Israel lɛ anɔ lɛ, no lɛ oooshwere. Ohe awa, ni ofee ekãa. Okashe gbeyei, ni otsui akafã hu.

2 Kronika 31:21

Nɔ fɛɛ nɔ ni ewo ehe nitsumɔ nɔ lɛ, yɛ Nyɔŋmɔ Sɔlemɔ we lɛ mli jamɔ gbɛfaŋ jio, Mla lɛ gbɛfaŋ jio, eNyɔŋmɔ lɛ sɛɛgbɛ taomɔ jio, etsu kɛ etsui fɛɛ, ni no hewɔ hu lɛ eye omanye.

2 Kronika 32:23

Mɛi babaoo kɛ afɔlei ba Yerusalɛm, ni amɛkɛbahã Yehowa, ni amɛbake Hezekia hu nibii ni jara wa. Ni kɛjɛ nakai be lɛ Maŋtsɛ Hezekia hiɛ ba nyam yɛ majimaji lɛ fɛɛ ahiɛ.

Hiob 14:9

shi nu ni eeena nɛkɛ pɛ, eeetsɛ̃ ekoŋŋ, ni eeetsɛ̃rɛ niji tamɔ tso ŋmɔŋ.

Hiob 22:28

Nɔ ni oooto oyiŋ akɛ ooofee lɛ eeeye omanye ehã bo, ni la aaakpɛ ahã bo yɛ ogbɛ nɔ!

Lalai 128:2

Oooye oninenaa nitsumɔ mli nii, omii aaashɛ, ni aaahi ahã bo!

Lalai 129:8

Mɛi ni hoɔ tete ekɛɛɛ akɛ, “Yehowa ajɔɔ nyɛ! Wɔmiijɔɔ nyɛ yɛ Yehowa gbɛi mli!”

Lalai 92:14

Amɛaakã he amɛwo yibii yɛ amɛgbɔlɛ beiaŋ tete, ni amɛaahi frɔ̃frɔ̃ kɛ amɛmli nu daa

Lalai 92:15

koni amɛkɛtsɔ̃ɔ akɛ Yehowa lɛ jalɔ ni. Lɛ ji mitɛsaa, ni nɔ ko ni ejaaa gbɛ bɛ egbɛfaŋ.

Yesaia 27:11

Kɛji emli tsei aniji lɛ gbi lɛ, akumɔɔ ni yei baa ni amɛbalɛɔ akɛ lai kɛyaa, ni amɛyashãa. Ejaakɛ amɛjeee maŋ ni nuɔ nii ashishi. No hewɔ lɛ, Nyɔŋmɔ, mɔ ni bɔ amɛ lɛ musuŋ etsɔŋ lɛ yɛ amɛhe, ni enaŋ amɛ mɔbɔ.

Yesaia 3:10

Kɛɛmɔ jalɔi lɛ akɛ ebaahi ehã amɛ, ejaakɛ amɛbaaye amɛnifeemɔnii lɛ mli yibii.

Yesaia 44:4

Amɛaakwɛ̃ tamɔ jwɛi ni ena nu, tamɔ faa toi ŋɔi.

Yesaia 58:11

Ni Yehowa aaakpala bo daa, ni eeeha bo ohiamɔnii yɛ fimɔ be mli, ni eeeha bo hewalɛ, ni oootsɔ̃ tamɔ trom ni nu hoɔ yɛ mli, loo tamɔ nuhiŋmɛi ni nu kpaaa yɛ mli.

Yeremia 17:8

Etamɔ tso ni atɛo yɛ faa toi; etsɛ̃rɛɔ eshishi fãi kɛyaninaa nu lɛ. Esheee gbeyei kɛji jeŋdɔlɛ be shɛ, ejaakɛ lɛ lɛ eyaa nɔ ewoɔ yibii, etsui yeee kɛji nu enɛɛɛ, ejaakɛ eyibaa hiɔ shi frɔ̃frɔ̃.

Ezekiel 17:8

Okropɔŋ lɛ fã waintso lɛ kɛjɛ akofi nɔ he ni eyɔɔ lɛ, ni eyatɛo yɛ shikpɔŋ kpakpa ni nu pii yɔɔ no nɔ, koni egbala niji, ni ewo yibii ni etsɔ̃ waintso kpakpa.

Ezekiel 19:10

Onyɛ tamɔ waintso ni atɛo yɛ faa toi; egbala niji, ni ewo yibii babaoo, ejaakɛ enaa nu pii.

Ezekiel 31:5

Akɛni ena nu hewɔ lɛ ekwɔ fe kooŋ tsei lɛ fɛɛ. Eniji wuji lɛ dara, ni eniji bibii lɛ kɛlɛ; ejaakɛ eshishi fãi lɛ na nu babaoo.

Ezekiel 47:12

Yelitsei srɔtoisrɔtoi fɛɛ baakwɛ̃ yɛ faa lɛ toi biɛ kɛ biɛ; ni amɛyibai kplaŋ ni amɛyibii hu kplaŋ shi moŋ nyɔŋ fɛɛ nyɔŋ nɔ lɛ, amɛbaawo yibii hei, ejaakɛ nuŋma ni jɛɔ Sɔlemɔ we lɛ hãa amɛ nu. Amɛyibii aaatsɔ̃ niyenii, ni amɛyibai lɛ aatsɔ̃ tsabaa.”

4 Mose 24:6

tamɔ faa he jɔi ni elɛɛ shi oookɛɛ faa toi abɔi, tamɔ tsei fɛɛfɛji ni Yehowa tɛo oookɛɛ faa toi tsenedrutsei.

Mateo 13:6

shi be ni hulu te shi lɛ, amɛshã: ni akɛni amɛbɛ fã ko hewɔ lɛ amɛŋalã.

Mateo 21:19

Ni ena agbãmitso ko yɛ gbɛ lɛ he, ni etsi eshɛ he, shi enaaa nɔ ko yɛ nɔ akɛ ja bai kɛkɛ; ni ekɛɛ tso lɛ akɛ, “Owoŋ yibii ko dɔŋŋ gbi ko gbi ko!” Ni agbãmitso lɛ ŋlã amrɔ lɛ nɔŋŋ.

Mateo 21:34

Ni be ni wainyibii kpamɔ be lɛ shɛ lɛ, etsu etsuji kɛtee hulɔi lɛ aŋɔɔ, akɛ amɛyaŋɔ eyibii lɛ eko amɛbahã lɛ.

Mateo 21:41

Amɛkɛɛ lɛ akɛ, “Eeekpãtã gbɔmɛi fɔ̃ji nɛɛ ahiɛ butuu, ni ekɛ waintrom lɛ aaahã hulɔi krokomɛi apaayeli, mɛi ni kɛ yibii aaabahã lɛ yɛ be ni sa mli.”

Yohane 15:6

Kɛji mɔ ko ehiii mimli lɛ, ashɛɔ lɛ afɔ̃ɔ tamɔ tso nine, ni egbiɔ, ni abuaa naa awoɔ la mli, ni ashãa.

5 Mose 28:8

“Yehowa aaajɔɔ onitsumɔ, ni eeehã oboŋoi ayimɔ obɔ̃bɔ̃, ni nɔ fɛɛ nɔ ni okɛ onine taa he aaashwere; ni eeejɔɔ bo yɛ shikpɔŋ ni Yehowa, oNyɔŋmɔ lɛ kɛhãa bo lɛ nɔ.

Yuda 1:12

Mɛnɛɛmɛi ji mɛi ni woɔ nyɛsuɔmɔ niyenii lɛ ahe muji, ejaakɛ amɛkɛ nyɛ yeɔ nii ni amɛsheee gbeyei. Ni amɛ diɛŋtsɛ amɛhe amɛlɛlɛɔ. Atatui ni nu bɛ amɛmli ni kɔɔyɔɔ kpalaa amɛ kɛbɔleɔ shi ji amɛ. Tsei ni yibiiwoo be mli lɛ amɛwooo yibii, shi amɛgboi shii enyɔ ni afãmɔ amɛ kɛ amɛshishifãi.

Kpojiemɔ 22:2

Ni eblohu lɛ teŋ kɛ faa lɛ biɛ kɛ biɛ lɛ walatso ma shi, ni ewoɔ yibii nyɔŋma kɛ enyɔ, ekome nyɔŋ fɛɛ nyɔŋ nɔ, ni tso lɛ yibai lɛ akɛtsaa jeŋmaji lɛ.