Kolosebii 3:5 - ŊMALƐ KRƆŊKRƆŊ LƐ

⁵ No hewɔ lɛ, nyɛgbea nyɛhenii ni yɔɔ shikpɔŋ lɛ nɔ lɛ: ajwamãŋbɔɔ, nyaŋemɔ nitsumɔ, mlila, akɔnɔ fɔŋ, kɛ hiɛjoomɔ ni ji wɔŋjamɔ lɛ.

Ṅmãle̱ Kroṅkroṅ Le̱

⁵ Nohewo̱ le̱ nyegbea nyehenii ni yo̱ šikpoṅ le̱ no̱ le̱: adſamaṅbó̱, nyãṅemo̱nitšumo̱, mlila, ako̱no̱ fõṅ, ke̱ hĩedšōmo̱ ni dši wo̱ṅdšámo̱ le̱, Rom. 6,5; 3,13.

Kolosebii 3:5 ပူးပေါင်းရင်းမြစ်များ

2 Mose 37:22

Tɔi lɛ kɛ fɔfɔi samai lɛ kɛ kpɔbii lɛ kɛ niji lɛ kɛ kanetso lɛ shimaatso lɛ fɛɛ tsa akɛ shika ŋmiiŋmi ni atswia afee nɔ muu kome.

Mateo 15:19

Ejaakɛ tsui mli ni susumɔi fɔ̃ji, gbɔmɔgbee, gbãlãfitemɔ, ajwamãŋbɔɔ, juu, amale odaseyeli kɛ oshekuyeli jɛɔ.

Romabii 1:26

Enɛ hewɔ Nyɔŋmɔ ŋmɛɛ amɛhe ehã hiɛgbejianii ahe hiɛdɔɔ lɛ; ejaakɛ adebɔɔ naanyobɔɔ ni ato lɛ, amɛyei lɛ etsake hiɛ ehã nɔ ni kɛ adebɔɔ gbɛjianɔtoo eyaaa;

Romabii 1:29

mɛi ni eyimɔ obɔ̃bɔ̃ kɛ nii ni ejaaa gbɛ fɛɛ, efɔŋfeemɔ, hiɛjoomɔ, nifɔɔjianii; amɛyimɔ tɔ kɛ hetsɛ̃, awuyeli, bei, shishiumɔ, nyɛɛ;

Romabii 6:13

ni asaŋ nyɛkɛ nyɛhenii lɛ akahãa esha akɛ esha lɛ tawuunii; shi moŋ nyɛkɛ nyɛhe ahãa Nyɔŋmɔ akɛ mɛi ni hiɛ etsɛ̃ kɛjɛ gbohii ateŋ, ni nyɛkɛ nyɛhenii lɛ afea jalɛ tawuunii nyɛhãa Nyɔŋmɔ.

Romabii 6:6

ejaakɛ wɔle enɛ akɛ asɛŋ wɔgbɔmɔ momo lɛ kɛ lɛ, koni esha gbɔmɔtso lɛ hiɛ akpãtã ni wɔkasɔ̃mɔ esha lɛ dɔŋŋ.

Romabii 7:23

shi minaa mla kroko yɛ mihe nii lɛ amli ni kɛ mla ni kɛ mijwɛŋmɔ yaa lɛ wuɔ ta, ni eŋɔɔ mi nom ehãa esha mla lɛ ni yɔɔ mihenii lɛ amli lɛ.

Romabii 7:5

Ejaakɛ be ni wɔhi shi yɛ wɔgbɔmɔfɔmɔ su lɛ naa lɛ, eshai ahe akɔnɔi lɛ tsɔ̃ɔ Mla lɛ nɔ tsuɔ nii yɛ wɔhenii lɛ amli ni wɔkɛwo yibii wɔhã gbele.

Romabii 8:13

Ejaakɛ kɛ heloo naa nyɛhiɔ shi yɛ lɛ, nyɛbaagboi shi kɛ nyɛkɛ Mumɔ lɛ gbeɔ heloo lɛ nitsumɔi lɛ, nyɛhiɛ aaakãmɔ.

1 Korintobii 5:1

Aakɛɛ kwraa po akɛ ajwamãŋbɔɔ yɛ nyɛteŋ, ajwamãŋbɔɔ ni bɛ jemajiaŋbii ateŋ tete akɛ mɔ ko kɛ etsɛ ŋa wɔɔ lɛ.

1 Korintobii 6:11

Ni nɛkɛ nyɛteŋ mɛi komɛi yɔɔ sa; shi agbɛnɛ aju nyɛhe, ni asaŋ atsuu nyɛhe, ni abu nyɛ bem hu yɛ Nuŋtsɔ Yesu Kristo gbɛi kɛ wɔNyɔŋmɔ lɛ Mumɔ lɛ mli.

1 Korintobii 6:13

Ŋmaa yɛ hã musu, ni musu hu yɛ hã ŋmaa; shi Nyɔŋmɔ baahã enyɔ lɛ fɛɛ sɛɛ afo. Shi gbɔmɔtso lɛ, jeee ajwamãŋbɔɔ hewɔ eyɔɔ, shi moŋ Nuŋtsɔ lɛ hewɔ eyɔɔ; ni Nuŋtsɔ lɛ hu yɛ hã gbɔmɔtso lɛ.

1 Korintobii 6:18

Nyɛjoa ajwamãŋbɔɔ naa foi! Esha fɛɛ esha ni gbɔmɔ feɔ lɛ, jeee egbɔmɔtso lɛ mli eyɔɔ; shi mɔ ni bɔɔ ajwamãŋ lɛ, efeɔ esha eshiɔ lɛ diɛŋtsɛ egbɔmɔtso lɛ.

2 Korintobii 12:21

ni misaa miishe gbeyei akɛ kɛ miba ekoŋŋ lɛ, miNyɔŋmɔ lɛ aaaba mi shi yɛ nyɛhiɛ, ni maye ŋkɔmɔ mahã mɛi ni efee esha sa ni amɛtsakeee amɛtsui lɛ ateŋ mɛi pii, yɛ amɛmujinii kɛ ajwamãŋbɔɔ kɛ nyɛnyɛŋtswibɔɔ lɛ hewɔ.

Galatabii 5:24

Shi mɛi ni ji Kristo nii lɛ, amɛsɛŋ heloo lɛ kɛ ehiɛdɔɔnii kɛ ekɔnɔi lɛ fɛɛ.

Efesobii 4:19

Amɛbɛ henumɔnii dɔŋŋ hewɔ lɛ amɛŋɔ amɛhe amɛhã nyɛnyɛŋtswibɔɔ, ni amɛkɛ hiɛjoomɔ tsuɔ nyaŋemɔ nii fɛɛ kwa.

Kolosebii 2:11

Lɛ emli afolɔ nyɛ ketia hu yɛ, jeee ketia ni akɛ nine fo, shi moŋ ketiafoo ni ji heloo gbɔmɔtso lɛ jiemɔ yɛ Kristo ketiafoo lɛ mli.

1 Tesalonikabii 4:3

Ejaakɛ enɛ ji Nyɔŋmɔ suɔmɔnaanii, no ji, nyɛhetsemɔ akɛ nyɛtsi nyɛhe kɛjɛ ajwamãŋbɔɔ he;

1 Tesalonikabii 4:5

jeee yɛ akɔnɔ hiɛdɔɔ mli, tamɔ bɔ ni jeŋmajiaŋbii ni leee Nyɔŋmɔ lɛ feɔ lɛ.

1 Timoteo 6:10

Ejaakɛ nibii fɔ̃ji fɛɛ ashĩshifã ji shikasuɔmɔ ni mɛi komɛi di sɛɛ ni amɛdu gbɛ kɛjɛ hemɔkɛyeli lɛ mli, ni amɛkɛ piŋmɔi babaoo egbulɔ amɛtsui lɛ.

Hebribii 12:16

Koni mɔ ko akafee ehe ajwamãŋbɔlɔ loo mɔ ni ebuuu Nyɔŋmɔ nii, tamɔ Esau ni hɔ̃ɔ ekromɔbi gbɛnaa lɛ ehe ŋmaa shikomeyeli lɛ.

Hebribii 13:4

Awo gbãlã hiɛ nyam yɛ nyɛ fɛɛ nyɛteŋ, ni akabule gbãlã saa hu; shi ajwamãŋbɔlɔi kɛ gbãlãŋkulɔi lɛ, Nyɔŋmɔ baakojo amɛ.

Hebribii 13:5

Shikasuɔmɔ akaba nyɛjeŋba mli; ni nyɛmii ashɛ nii ni nyɛyɔɔ lɛ he; ejaakɛ Nyɔŋmɔ diɛŋtsɛ ekɛɛ, “Mishiŋ bo ni misaa mikwaŋ bo gbi ko gbi ko.”

Yakobo 4:1

Nɛgbɛ tawui kɛ nɔmɔi ni yɔɔ nyɛteŋ lɛ jɛ? Jeee nyɛkɔnɔi ni wuɔ ta yɛ nyɛhenii lɛ amli lɛ mli ejɛ lo?

1 Petro 2:11

Misuɔmɔmɛi, miiwie miitsɔ̃ɔ nyɛ akɛ gbɔi kɛ mɛi ni yɔɔ maŋsɛɛ, akɛ nyɛtsia nyɛhe kɛjɛa heloosɛɛdiinii ni kɛ susuma wuɔ ta lɛ ahe,

Kpojiemɔ 21:8

Shi gbeyelɔi kɛ mɛi ni heee yeee kɛ mɛi ni feɔ nihiinii kɛ gbɔmɔgbelɔi kɛ ajwamãŋbɔlɔi kɛ sulɔi kɛ wɔŋjalɔi kɛ amalelɔi fɛɛ lɛ, amɛna amɛgbɛhe yɛ kpaakpo lɛ ni tsoɔ kɛ la kɛ swɔɔ lɛ mli. Enɛ ji gbele ni ji enyɔ lɛ.”

Kpojiemɔ 22:15

Shi maŋ lɛ sɛɛ lɛ gbei lɛ kɛ sulɔi lɛ kɛ ajwamãŋbɔlɔi lɛ kɛ gbɔmɔgbelɔi lɛ kɛ amãgãjalɔi lɛ kɛ mɔ fɛɛ mɔ ni sumɔɔ amale ni emaleɔ yɔɔ jɛi.