Kolosebii 3:4 - ŊMALƐ KRƆŊKRƆŊ LƐ

⁴ Be ni Kristo, mɔ ni ji wɔwala lɛ, aaapue lɛ, no lɛ nyɛ hu nyɛkɛ lɛ aaapue yɛ anunyam mli.

Ṅmãle̱ Kroṅkroṅ Le̱

⁴ Beni Kristo, moni dši wo̱wala le̱, aapue le̱, no le̱ nye hũ nyeke̱le̱ aapue ye̱ *anumnyam mli, *1 Kor. 15,43.

Kolosebii 3:4 ပူးပေါင်းရင်းမြစ်များ

Lalai 17:15

Mi lɛ, mana ohiɛ, yɛ jalɛ mli; ni kɛ mihiɛ tsɛ̃ lɛ, mitsui aaatɔ, ejaakɛ mina bɔ ni oyɔɔ.

Lalai 73:24

Okɛ oŋaawoo tsɔ̃ɔ mi gbɛ; ni kɛfee sɛɛ lɛ ooohere mi owo onunyam mli.

Mateo 13:43

No ni jalɔi lɛ aaakpɛ tamɔ hulu yɛ amɛ-Tsɛ maŋtsɛyeli lɛ mli. Mɔ ni yɔɔ toi ni akɛnuɔ nii lɛ, enu!”

Luka 17:30

Nakai nɔŋŋ kɛ̃ ebaaba gbi ni aaajie Gbɔmɔ Bi lɛ kpo lɛ.

Yohane 11:25

Yesu kɛɛ lɛ akɛ, “Mi lɛ mi ji shitee lɛ kɛ wala lɛ; mɔ ni heɔ minɔ yeɔ lɛ, kɛji egbo tete lɛ, ehiɛ aaakã;

Yohane 14:3

Ni kɛji mitee ni miyasaa gbɛhe mito nyɛ lɛ, mibaba ekoŋŋ ni mibaŋɔ nyɛ kɛya he ni mi diɛŋtsɛ miyɔɔ lɛ, koni he ni miyɔɔ lɛ nyɛ hu nyɛhi jɛi.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 17:24

Ataa, mɛi ni okɛhã mi lɛ, miisumɔ akɛ he ni miyɔɔ lɛ amɛkɛ mi abahi jɛi, koni amɛna minunyam ni okɛhã mi lɛ, ejaakɛ osumɔ mi dani ato je lɛ shishi.

Yohane 20:31

shi enɛɛmɛi lɛ aŋma koni nyɛhe nyɛye akɛ Yesu ji Kristo, Nyɔŋmɔ Bi lɛ, ni kɛ nyɛhe nyɛye lɛ, nyɛaana wala kɛtsɔ̃ egbɛi lɛ nɔ.

Bɔfoi 3:15

ni Wala Lumɔ lɛ, nyɛgbe lɛ; shi Nyɔŋmɔ tee lɛ shi kɛjɛ gbohii ateŋ, ni no he odasefoi ji wɔ.

Romabii 8:18

Ejaakɛ misusuɔ akɛ ŋmɛnɛŋmɛnɛ amanehului lɛ kɛ anunyam ni wɔsɛɛ abaajie kpo atsɔ̃ɔ wɔ lɛ yeee egbɔ.

Romabii 8:19

Ejaakɛ bɔɔnii lɛ kɛ gbɛkwɛmɔ kpɛ̃kpɛ̃ɛkpɛ̃ miimɛ Nyɔŋmɔ bii lɛ akpojiemɔ lɛ.

1 Korintobii 1:7

ni dromɔ nikeenii ko eshwɛɛɛ nyɛ mɛi ni nyɛkwɛɔ wɔNuŋtsɔ Yesu Kristo kpojiemɔ lɛ gbɛ lɛ.

1 Korintobii 15:43

Aduɔ lɛ yɛ nɔ ni bɛ nyam mli, ateɔ lɛ shi yɛ anunyam mli. Aduɔ lɛ yɛ gbedemɔ mli, ateɔ lɛ shi yɛ hewalɛ mli.

2 Korintobii 4:17

Ejaakɛ wɔmanehulu ni jaraaa ni asaŋ esɛɛ etsɛɛɛ nɛɛ, baahã wɔna naanɔ anunyam kpele ni jara wa aahu;

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Filipibii 3:21

Lɛ ebaatsake wɔgbɔmɔtso ni hiɛ bɛ nyam lɛ koni etamɔ enunyam gbɔmɔtso lɛ su, yɛ ehewalɛ nitsumɔ ni ekɛnyɛɔ eŋɔɔ nibii fɛɛ ewoɔ eshishi hu lɛ naa lɛ.

1 Tesalonikabii 4:17

no sɛɛ lɛ wɔ mɛi ni wɔhiɛ kãmɔ ni eshwɛ lɛ, aaasha wɔ kɛ amɛ fɛɛ yɛ atatui amli kɛaatee Nuŋtsɔ lɛ kpeemɔ yɛ kɔɔyɔɔ mli, ni nakai wɔkɛ Nuŋtsɔ lɛ aaayahi shi daa.

1 Timoteo 6:14

akɛ oye kitã lɛ nɔ, ni kpa ko loo shwamɔ ko akahi he kɛyashi wɔNuŋtsɔ Yesu Kristo puemɔ lɛ mli,

2 Timoteo 1:1

Paulo, ni ji Kristo Yesu bɔfo yɛ Nyɔŋmɔ suɔmɔ naa kɛ wala ni yɔɔ Kristo Yesu mli lɛ he shiwoo naa lɛ,

2 Timoteo 4:8

Nɔ ni eshwɛ ni kã shi hã mi ji jalɛ akekre lɛ, ni Nuŋtsɔ ni ji jalɛ kojolɔ lɛ baahã mi yɛ nakai Gbi lɛ nɔ lɛ, ni jeee mikome ebaahã, shi moŋ mɛi bluublu hu ni sumɔɔ epuemɔ lɛ.

Tito 2:13

be mli ni wɔmiikwɛ jɔɔmɔ ni wɔhiɛ kã nɔ kɛ wɔNyɔŋmɔ kpeteŋkple kɛ wɔyiwalaherelɔ Yesu Krito anunyam lɛ puemɔ lɛ gbɛ lɛ.

Hebribii 9:28

nakai nɔŋŋ Kristo hu, akɛni aŋɔ lɛ ahã shi kome koni etere mɛi pii ahe eshai kɛya lɛ, nɔ ni ji shii enyɔ lɛ eeeshi esha ebapue ehã mɛi ni kwɛɔ lɛ gbɛ lɛ ni ehere amɛyiwala.

1 Petro 1:13

No hewɔ lɛ, nyɛsaa nyɛjwɛŋmɔ, nyɛhiɛ akãa shi, ni nyɛkɛ nyɛhiɛ afɔa dromɔ ni akɛbaahã nyɛ yɛ Yesu Kristo kpojiemɔ mli lɛ nɔ kwraa.

1 Petro 5:4

Ni be ni Tookwɛlɔnukpa lɛ aaajie ehe kpo lɛ, nyɛnine aaashɛ anunyam akekre ni ŋalaaa lɛ nɔ.

1 Yohane 2:28

Ni agbɛnɛ, mibii bibii, nyɛhia emli koni be ni eeebapue lɛ, wɔna ekãa ni wɔhiɛ akagboi ni wɔnyɛɛɛ ehiɛ wɔdamɔ yɛ ebaa lɛ mli.

1 Yohane 3:2

Suɔmɔmɛi, agbɛnɛ lɛ Nyɔŋmɔ bii ji wɔ, ni anako ajie nɔ ni wɔbaatsɔ̃mɔ lɛ shi; shi wɔle akɛ, be ni aaajie no shi lɛ, wɔɔtamɔ Kristo, ejaakɛ wɔɔna lɛ bɔ ni eyɔɔ.

1 Yohane 5:12

Mɔ ni yɔɔ Bi lɛ, eyɛ wala; mɔ ni bɛ Nyɔŋmɔ Bi lɛ, ebɛ wala hu.

Yuda 1:24

Shi lɛ mɔ ni yɔɔ hewalɛ ni ekɛaabu nyɛhe ni nyɛkatɛrɛ ni eŋɔ nyɛ eyadamɔ enunyam lɛ hiɛ ni kpa ko bɛ nyɛhe yɛ mliflimɔ mli lɛ,

Kpojiemɔ 2:7

Mɔ ni yɔɔ toi ni akɛ nuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ hegbɛ ni eye walatso lɛ ni yɔɔ miNyɔŋmɔ lɛ Paradeiso lɛ mli lɛ nɔ yibii lɛ eko.’ ”

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.

Kpojiemɔ 22:14

Ajɔɔ mɛi ni fɔɔ amɛtadei lɛ ahe, koni amɛna hegbɛ yɛ walatso lɛ he ní amɛtsɔ̃ agboi lɛ amli kɛbote maŋ lɛ mli lɛ.