Kolosebii 3:3 - ŊMALƐ KRƆŊKRƆŊ LƐ

³ Ejaakɛ nyɛgboi, ni akɛ nyɛwala lɛ kɛ Kristo etee yɛ Nyɔŋmɔ mli.

Ṅmãle̱ Kroṅkroṅ Le̱

³ Edšake̱ *nyegboi, ni aṅõ nyewala le̱ ke̱ Kristo fẽ atẽ ye̱ Nyoṅmo̱ mli. *Rom 6,2.

Kolosebii 3:3 ပူးပေါင်းရင်းမြစ်များ

Mateo 11:25

Nakai be lɛ mli lɛ Yesu kɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ okɛ nii nɛɛ etee nilelɔi kɛ jwɛŋlɔi, ni ojie otsɔ̃ɔ abifabii.

Yohane 14:19

Eshwɛ fioo kɛkɛ ni je lɛ enaŋ mi dɔŋŋ; shi nyɛ lɛ nyɛaana mi; ejaakɛ mihiɛ kã, ni nyɛ hu nyɛhiɛ aaakã.

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Yohane 5:21

Ejaakɛ bɔ ni Tsɛ lɛ teɔ gbohii ashi ni ehãa amɛ wala lɛ, nakai nɔŋŋ Bi lɛ hu hãa mɛi ni esumɔɔ lɛ wala.

Yohane 5:24

“Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Yohane 5:40

Kɛ̃lɛ nyɛsumɔɔɔ akɛ nyɛbaa miŋɔɔ ni nyɛna wala.

Romabii 5:10

Ejaakɛ kɛ be mli ni wɔji henyɛlɔi lɛ ni akɛ Nyɔŋmɔ Bi lɛ gbele lɛ bakpãtã wɔ kɛ Nyɔŋmɔ teŋ lɛ, agbɛnɛ ni akpãtã wɔteŋ nɛɛ, aaahere wɔyiwala yɛ ewala lɛ mli aahu.

Romabii 5:21

koni bɔ nɔŋŋ ni esha lɛ ye maŋtsɛ yɛ gbele mli lɛ, nakai nɔŋŋ dromɔ lɛ atsɔ̃ jalɛ nɔ aye maŋtsɛ kɛya naanɔ wala mli yɛ Yesu Kristo, wɔNuŋtsɔ lɛ, hewɔ.

Romabii 6:11

Nakai nyɛ hu nyɛbua nyɛhe akɛ mɛi ni egboi yɛ esha gbɛfaŋ ni amɛhiɛ kãmɔ hã Nyɔŋmɔ yɛ Yesu Kristo, wɔNuŋtsɔ lɛ, mli.

Romabii 6:2

Dabida! Wɔ ni esha gbɛfaŋ lɛ wɔtamɔ mɛi ni egboi lɛ, te aaafee tɛŋŋ ni wɔhiɛ aaakãmɔ yɛ emli loloŋ?

Romabii 8:2

Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

1 Korintobii 15:45

Nakai aŋma hu akɛ, “Adam ni ji klɛŋklɛŋ gbɔmɔ lɛ tsɔ̃ susuma ni hiɛ kã;” naagbee Adam lɛ tsɔ̃ mumɔ ni hãa mɔ yi naa wala.

1 Korintobii 2:14

Shi gbɔmɔ su ni akɛfɔ lɛ lɛ heee Nyɔŋmɔ Mumɔ lɛ nii lɛ; ejaakɛ ebuɔ lɛ kwashiai asane, ni enyɛɛɛ naa ena, ejaakɛ mumɔ akɛtaoɔ naa.

2 Korintobii 5:14

Ejaakɛ Kristo suɔmɔ lɛ nyɛɔ wɔnɔ, ni wɔkojoɔ nɛkɛ akɛ, kɛ mɔ kome gbo mɛi fɛɛ ayigbele lɛ, belɛ mɛi lɛ fɛɛ egboi.

2 Korintobii 5:7

ejaakɛ hemɔkɛyeli naa wɔnyiɛɔ yɛ, shi jeee ninamɔ naa,

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Efesobii 3:9

Ni mihã mɛi fɛɛ ana teemɔ sane lɛ he gbɛjianɔtoo lɛ faŋŋ, teemɔ sane ni akɛtee kɛjɛ yinɔi ni eho lɛ amli kɛbashi amrɔ nɛɛ yɛ Nyɔŋmɔ mɔ ni bɔ nii fɛɛ lɛ mli lɛ,

Filipibii 4:7

Ni Nyɔŋmɔ hejɔlɛ ni fe jwɛŋmɔi fɛɛ lɛ aaabu nyɛtsuii kɛ nyɛjwɛŋmɔi lɛ ahe yɛ Kristo Yesu mli!

Kolosebii 1:5

yɛ hiɛnɔkãmɔ ni akɛto ahã nyɛ yɛ ŋwɛi lɛ hewɔ lɛ. Nyɛnu enɛ momo yɛ Sanekpakpa lɛ anɔkwale wiemɔ lɛ mli.

Kolosebii 2:20

No hewɔ lɛ, kɛ nyɛkɛ Kristo egbo ni je nɛɛŋ shishijeenii bɛ nyɛnɔ hewalɛ dɔŋŋ lɛ, mɛɛba mɔ ni nyɛhiɔ shi tamɔ nɔ ni nyɛhiɛ kamɔ̃ lolo yɛ je nɛɛŋ, ni nyɛhãa awoɔ nyɛ akpɔi akɛ,

Kolosebii 2:3

Mɔ mli ni akɛ ŋaa kɛ nilee jwetrii lɛ fɛɛ etee yɛ lɛ.

Kolosebii 3:4

Be ni Kristo, mɔ ni ji wɔwala lɛ, aaapue lɛ, no lɛ nyɛ hu nyɛkɛ lɛ aaapue yɛ anunyam mli.

Hebribii 7:25

No hewɔ hu lɛ enyɛɔ mɛi ni tsɔ̃ɔ enɔ kɛbaa Nyɔŋmɔ ŋɔɔ lɛ ayiwala ehereɔ kwraa, akɛni eyɛ daa koni edamɔ mli ehã amɛ lɛ.

1 Petro 3:4

Shi moŋ efee tsui mli gbɔmɔ ni akɛtee yɛ mumɔ ni he jɔ ni yɔɔ kpoo lɛ hewulamɔ ni fiteee lɛ mli lɛ; no ji nɔ ni jara wa yɛ Nyɔŋmɔ hiɛ.

1 Petro 4:2

Koni be ni eshwɛ ehã lɛ yɛ heloo mli shihilɛ nɛɛ mli lɛ, ekahi shi yɛ gbɔmɛi akɔnɔi anaa dɔŋŋ, shi moŋ yɛ Nyɔŋmɔ suɔmɔnaanii anaa.

1 Yohane 3:2

Suɔmɔmɛi, agbɛnɛ lɛ Nyɔŋmɔ bii ji wɔ, ni anako ajie nɔ ni wɔbaatsɔ̃mɔ lɛ shi; shi wɔle akɛ, be ni aaajie no shi lɛ, wɔɔtamɔ Kristo, ejaakɛ wɔɔna lɛ bɔ ni eyɔɔ.

Kpojiemɔ 2:17

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ mana ni akɛtee lɛ eko, ni mahã lɛ tɛ yɛŋ, ni tɛ lɛ nɔ lɛ aŋma gbɛi hee ni mɔ ko leee akɛ ja mɔ ni náa lɛ.”