Kolosebii 3:22 - ŊMALƐ KRƆŊKRƆŊ LƐ

²² Nyɛ tsuji lɛ, nyɛboa nyɛheloo gbɛfaŋ nuŋtsɔmɛi lɛ atoi yɛ nibii fɛɛ mli, jeee kɛ hiɛiaŋhiɛiaŋ sɔ̃ɔmɔ, tamɔ mɛi ni taoɔ gbɔmɛi ahiɛ amɛsa, shi moŋ yɛ tsui krɔŋŋ mli akɛ mɛi ni sheɔ Nuŋtsɔ lɛ gbeyei.

Ṅmãle̱ Kroṅkroṅ Le̱

²² Nye tšũdši le̱, nyeboa nyehelo gbe̱fãṅ nuṅtšo̱mei le̱ atoi ye̱ nibii fẽ mli, dšee ke̱ hĩeaṅsúomo̱, tamo̱ mei ni taoo̱ gbomei ahĩenyam, ši moṅ ye̱ tšui kro̱ṅṅ mli ake̱ mei ni šeo̱ Nyoṅmo̱ gbeyei.

Kolosebii 3:22 ပူးပေါင်းရင်းမြစ်များ

1 Mose 42:18

Gbi ni ji etɛ̃ lɛ nɔ lɛ, Yosef kɛɛ enyɛmimɛi lɛ akɛ, “Nyɛfea nɔ ni mibakɛɛ nɛɛ, koni nyɛyi ana wala, shi mi lɛ Nyɔŋmɔ gbeyeishelɔ ji mi.

Nehemia 5:15

Shi sa amraloi ni nyiɛ mihiɛ lɛ hã etɔ maŋ lɛ yɛ shika ni naa shiɔ jwiɛtɛi talentai nyɔŋmai ejwɛ ni amɛheɔ kɛshiɔ aboloo kɛ wain ni amɛheɔ yɛ maŋ lɛ dɛŋ lɛ nɔ lɛ hewɔ. Amraloi nɛɛ atsuji tete gbaa maŋ lɛ naa. Shi mi lɛ, gbeyei ni misheɔ Nyɔŋmɔ hewɔ lɛ, mifeee nakai.

Nehemia 5:9

Kɛkɛ ni mitsa miwiemɔ lɛ nɔ, ni mikɛɛ, “Nɔ ni nyɛfeɔ lɛ ejaaa. Ani esaaa akɛ nyɛkɛ wɔNyɔŋmɔ lɛ he gbeyeishemɔ baa nyɛjeŋ koni wɔkɛku wɔhe fɛo ni jemajiaŋbii ni ji wɔhenyɛlɔi lɛ yeɔ lɛ naa lo?

Lalai 123:2

Naa, bɔ ni tsuji kɛ amɛhe fɔ̃ɔ amɛnuŋtsɔ nɔ, ni weyoo hu kɛ ehe fɔ̃ɔ ewula nɔ lɛ, nakai nɔŋŋ wɔ hu wɔkwɛɔ Yehowa, wɔNyɔŋmɔ lɛ, gbɛ kɛyaashi beyinɔ ni eeena wɔ mɔbɔ.

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Jajelɔ 5:7

Kɛji lamɔi fa pɛ, wiemɔi hu efa; shi bo lɛ oshe Nyɔŋmɔ gbeyei.

Jajelɔ 8:12

Yɛ mli akɛ eshafeelɔ feɔ esha shii oha, ni ewala sɛɛ tsɛɔ moŋ nɛ, kɛ̃lɛ mile akɛ mɛi fɛɛ ni sheɔ Nyɔŋmɔ gbeyei lɛ ebaahi ehã amɛ, ejaakɛ amɛsheɔ Nyɔŋmɔ gbeyei;

Maleaki 1:6

Yehowa, Taiatsɛ, miikɛɛ osɔfoi lɛ akɛ, “Bi woɔ etsɛ, ni tsulɔ woɔ enuŋtsɔ. Kolɛ, kɛji tsɛ ji mi lɛ, nɛgbɛ miwoo lɛ yɔɔ? Ni kɛji nuŋtsɔ hu ji mi lɛ, nɛgbɛ gbeyei ni nyɛsheɔ mi yɔɔ? Nyɛgbeɔ migbɛi lɛ he guɔ; shi nyɛkɛɔ akɛ, ‘Mɛni wɔfeɔ kɛgbeɔ ogbɛi lɛ he guɔ lɛ?’

Mateo 6:22

“Gbɔmɔtso lɛ kane ji hiŋmɛi. No hewɔ lɛ, kɛji ohiŋmɛi nɔ tse lɛ ogbɔmɔtso muu lɛ aaayi kɛ la.

Mateo 8:9

Ejaakɛ mi po ni mi ji gbɔmɔ ni yɔɔ nɔyeli shishi lɛ, miyɛ asraafoi yɛ mishishi, ni mikɛɔ mɔ kome akɛ, ‘Yaa!’ Ni eyaa; kɛ mɔ kroko hu akɛ, ‘Ba!’ Ni ebaa; ni mikɛɔ mitsulɔ akɛ, ‘Feemɔ enɛ!’ Ni efeɔ.”

Luka 6:46

“Shi mɛni hewɔ nyɛtsɛɔ mi akɛ, ‘Nuŋtsɔ, Nuŋtsɔ!’ Ni nyɛfeee nii ni mikɛɔ lɛ?

Luka 7:8

Ejaakɛ mi po ni mi ji gbɔmɔ ni yɔɔ nɔyeli shishi lɛ, miyɛ asraafoi yɛ mishishi, ni mikɛɔ mɔ kome akɛ, ‘Yaa!’ Ni eyaa; kɛ mɔ kroko hu akɛ, ‘Ba!’ Ni ebaa; ni mikɛɔ mitsulɔ akɛ, ‘Feemɔ enɛ!’ Ni efeɔ.”

Bɔfoi 2:46

Ni daa gbi lɛ amɛkɛ jwɛŋmɔ kome yaa Sɔlemɔ we lɛ, ni amɛkumɔkumɔɔ aboloo yɛ shĩai, ni amɛkɛ miishɛɛ kɛ tsui krɔŋŋ yeɔ nii,

2 Korintobii 7:1

Agbɛnɛ, nyɛ mɛi ni asumɔɔ, akɛni wɔna nɛkɛ shiwoi nɛɛ hewɔ lɛ, nyɛhãa wɔtsua wɔhe kɛjɛa heloo kɛ mumɔ muji fɛɛ mli, ni wɔhã wɔhetsemɔ aye emuu yɛ Nyɔŋmɔ gbeyeishemɔ mli.

Galatabii 1:10

Ejaakɛ be nɛ lɛ, gbɔmɛi ahiɛ gbɛ mitaoɔ loo Nyɔŋmɔ hiɛ gbɛ? Aloo miitao gbɔmɛi ahiɛ masa? Ejaakɛ kɛ mikã he miitao masa gbɔmɛi ahiɛ lɛ, jeee Kristo tsulɔ ji mi.

Kolosebii 3:20

Nyɛ bii lɛ, nyɛboa nyɛfɔlɔi atoi yɛ nibii fɛɛ gbɛfaŋ; ejaakɛ no sa Nuŋtsɔ lɛ hiɛ.

1 Tesalonikabii 2:4

shi moŋ tamɔ bɔ ni Nyɔŋmɔ ebu wɔ akɛ wɔsa akɛ atu Sanekpakpa lɛ awo wɔdɛŋ lɛ, nakai wɔwieɔ, jeee tamɔ mɛi ni taoɔ asa gbɔmɛi ahiɛ, shi moŋ tamɔ mɛi ni taoɔ asa Nyɔŋmɔ ni kaa wɔtsuii kwɛɔ lɛ hiɛ.

Filemon 1:16

Jeee akɛ tsulɔ dɔŋŋ, shi moŋ akɛ mɔ ni fe tsulɔ tete, suɔmɔ nyɛmi ni jara wa hã mi waa, shi bo lɛ ejara wa hã bo aahu fe nakai yɛ heloo kɛ Nuŋtsɔ lɛ gbɛfaŋ fɛɛ.