Kolosebii 3:2 - ŊMALƐ KRƆŊKRƆŊ LƐ

² Nii ni yɔɔ ŋwɛi lɛ ahe nyɛjwɛŋa, jeee nii ni yɔɔ shikpɔŋ lɛ nɔ.

Ṅmãle̱ Kroṅkroṅ Le̱

² nii ni yo̱ ṅwei le̱ ahe nyedſẽṅa, dšee nii ni yo̱ šikpoṅ le̱ no̱ le̱. Mat. 6,33.

Kolosebii 3:2 ပူးပေါင်းရင်းမြစ်များ

1 Kronika 22:19

No hewɔ lɛ, agbɛnɛ nyɛkɛ nyɛtsuii kɛ nyɛnyɛmɔ fɛɛ asɔmɔa Yehowa. Nyɛtea shi ni nyɛmaa Yehowa Nyɔŋmɔ lɛ Sɔlemɔ we lɛ koni akɛ Yehowa Kpãŋmɔ Adeka lɛ kɛ tsɛnsii kɛ nibii krɔŋkrɔŋi ni akɛjaa lɛ lɛ fɛɛ abamamɔ tsu ni ama ni aja Yehowa yɛ jɛi lɛ mli.”

1 Kronika 29:3

Nibii ni misaa mito Shĩa Krɔŋkrɔŋ lɛ mãa nɛɛ fɛɛ sɛɛ lɛ, mikɛ mi diɛŋtsɛ mishika kɛ jwiɛtɛi ni miyɔɔ hu miihã koni akɛfata nibii lɛ ahe, ejaakɛ miNyɔŋmɔ lɛ Sɔlemɔ we lɛ he sane lɛ kã mitsui nɔ.

Lalai 62:10

Nyɛkɛ nyɛhiɛ akafɔ̃a amimyeli nɔ; nyɛyitsei hu akafũa yɛ juukɛfɔ̃ nibii agbɛfaŋ. Kɛji nii ni nyɛna miifa tete lɛ, nyɛkɛ nyɛtsuii akafɔ̃a nɔ.

Lalai 91:14

Mɛi ni sumɔɔ mi lɛ, majie amɛ, ni mɛi ni le migbɛi lɛ mabu amɛhe.

Abe̱i 23:5

Ohiŋmɛi ni aaagba nɔ pɛ etee; ejaakɛ ekwɛ̃ɔ fiji oya, ni efilikiɔ tamɔ okropɔŋ kɛyaa ŋwɛi.

Jajelɔ 7:14

Be ni nibii eshwere lɛ, nya; ni kɛji joomɔ be ba lɛ susumɔ he; ejaakɛ Nyɔŋmɔ dɛŋ enyɔ lɛ fɛɛ jɛ, bɔ ni afee ni gbɔmɔ adesa akanyɛ ele nɔ ni baaba wɔsɛɛ.

Mateo 16:23

Shi etsɔ̃ ehe ekɛɛ Petro akɛ, “Jee mihiɛ, Satan! Ootɔ̃tɔ̃ minane; ejaakɛ ojwɛŋŋ Nyɔŋmɔ nii ahe, shi gbɔmɛi anii ahe moŋ ojwɛŋɔ.”

Mateo 6:19

“Nyɛkabɔa jwetri nyɛhãa nyɛhe yɛ shikpɔŋ lɛ nɔ, he ni omlɛgɛ kɛ ŋkanale fiteɔ nii ni julɔi gbuɔ kɛboteɔ mli kɛbajuɔ yɛ lɛ.

Luka 12:15

Ni ekɛɛ amɛ akɛ, “Nyɛkwɛa jogbaŋŋ ni nyɛhiɛ ahia nyɛhe nɔ yɛ hiɛjoomɔi srɔtoi fɛɛ ahe; ejaakɛ jeee gbɔmɔ nii ni ena ni eteke nɔ lɛ mli ewala yɔɔ.”

Luka 16:11

No hewɔ lɛ, kɛ nyɛyeko kutumpɔo ninamɔ lɛ po mli anɔkwa lɛ, nɔ ni ji anɔkwa ninamɔ lɛ, namɔ aaatu no awo nyɛdɛŋ?

Filipibii 1:23

shi miihao yɛ nibii enyɔ nɛɛ ateŋ; miishwe ni maje mli ni mikɛ Kristo ayahi shi, ejaakɛ no hi aahu;

Kolosebii 3:1

No hewɔ lɛ, kɛ atee nyɛ kɛ Kristo shi lɛ, nyɛtaoa nii ni yɔɔ ŋwɛi, he ni Kristo yɔɔ ni eta Nyɔŋmɔ ninejurɔ nɔ yɛ lɛ.

Kolosebii 3:5

No hewɔ lɛ, nyɛgbea nyɛhenii ni yɔɔ shikpɔŋ lɛ nɔ lɛ: ajwamãŋbɔɔ, nyaŋemɔ nitsumɔ, mlila, akɔnɔ fɔŋ, kɛ hiɛjoomɔ ni ji wɔŋjamɔ lɛ.