Kolosebii 3:16 - ŊMALƐ KRƆŊKRƆŊ LƐ

¹⁶ Nyɛhãa Kristo wiemɔ lɛ ahia nyɛmli babaoo; ni nyɛkɛ nilee fɛɛ atsɔ̃a nyɛhe nii ni nyɛwiea nyɛtsɔ̃a nyɛhe yɛ saŋkutswai kɛ yijiemɔ lalai kɛ mumɔŋ lalai amli, ni nyɛkɛ shidaa alaa yɛ nyɛtsuii amli nyɛhãa Nyɔŋmɔ.

Ṅmãle̱ Kroṅkroṅ Le̱

¹⁶ Nyehãa Kristo wiemo̱ le̱ ahĩa nyemli babaō ye̱ nilē-fē-nilē mli; ni nyetšõa nyehe nii ni nyewiea nyetšõa nyehe ye̱ *saṅkũtſãi ke̱ yidšiemo̱lalai ke̱ mumo̱ṅ-lalai amli, ni nyeke̱ šidã alaā ye̱ nyetšuii amli nyehãa Nyoṅmo̱; *Ef. 5,19.

Kolosebii 3:16 ပူးပေါင်းရင်းမြစ်များ

1 Maŋtsɛmɛi 3:28

Be ni Israelbii fɛɛ nu bɔ ni Maŋtsɛ Solomon bua sane nɛɛ he ehã lɛ, amɛkɛ bulɛ kpele hã maŋtsɛ lɛ, ejaakɛ amɛna akɛ Nyɔŋmɔ nilee yɛ emli, ni no hã enyɛ nɛkɛ kojomɔ ekojo!

1 Kronika 25:7

Gbɔmɛi nyɔŋmai enyɔ kɛ ejwɛ nɛɛ kɛ amɛnyɛmimɛi Levibii krokomɛi lɛ fɛɛ ni ekase Yehowa lalai lɛ lamɔ, asaŋ ni amɛhe esa jogbaŋŋ yɛ mli lɛ ayibɔ ji ohai enyɔ kɛ nyɔŋmai kpaanyɔ kɛ kpaanyɔ.

Nehemia 12:46

Ejaakɛ Maŋtsɛ David kɛ Lalatsɛ Asaf yinɔ beebe ato lalɔi lɛ ahiɛnyiɛlɔ; ni amɛla yijiemɔ kɛ shidaa lalai amɛhã Nyɔŋmɔ.

Hiob 23:12

Mitswako Nyɔŋmɔ naa wiemɔ ko mifɔ̃ko afã dã; mikɛto mitsui shishi tɔ̃ɔ.

Lalai 119:11

Mikɛ owiemɔ lɛ eto mitsui mli koni mikafee esha mishi bo.

Lalai 119:54

Okpɔi lɛ ji lalai ni milaa yɛ migbɔtoo be yɛ shikpɔŋ nɛɛ nɔ lɛ.

Lalai 138:1

Oo Yehowa, mikɛ mitsui muu lɛ fɛɛ miida bo shi, mala majie oyi yɛ nyɔŋmɔi lɛ ahiɛ!

Lalai 28:7

Yehowa ji mihewalɛ kɛ mitsɛŋ; enɔ mikɛ mitsui fɔ̃ɔ, ni eyeɔ ebuaa mi ni minaa tsuijurɔ. Mikɛ milala aaada lɛ shi.

Lalai 32:7

Bo ji mibobaahe. Amanehulu mli lɛ, bo obaa miyi. Okɛ miishɛɛ oshebɔɔ ebɔle mihe kɛkpe.

Lalai 71:23

Be ni milaa mijieɔ oyi lɛ minaabu kɛ misusuma ni okpɔ̃ lɛ, aaanya babaoo.

Abe̱i 14:8

Mɔ ni yɔɔ jwɛŋmɔ ni ehiɛ tɛ̃ lɛ, ele he ni eyaa; shi kwashiai abuulufeemɔ hãa amɛduɔ gbɛ.

Abe̱i 18:1

Mɔ ni tseɔ ehe kɛjeɔ mɛi ahe lɛ, lɛ pɛ enɔ mli efoɔ; ni jalɛ sane ko bɛ ni abaawie ni ebaaŋɔ nɔ.

Salomo Lalai 1:1

Solomon lalai amli lala nɛ.

Yesaia 10:2

Mlai nɛɛ hãa atsɔ̃ɔ ohiafo sane hiɛ abuɔ shi, ni akɛshɔɔ mimaŋbii ateŋ ohiafoi lɛ agbɛnaanii yɛ amɛdɛŋ, koni aha okulafoianii, ni ashɔ̃ awusãi agboshinii yɛ amɛdɛŋ.

Yesaia 26:1

Nakai gbi lɛ nɔ lɛ aaala lala nɛɛ yɛ Yuda shikpɔŋ lɛ nɔ akɛ, “Wɔmaŋ ni wa, Yehowa tswaa kunimyeli tamɔ gbogboi kɛ kawoohei ewoɔ he.

Yesaia 30:29

Nyɛaala lala ko tamɔ bɔ ni alaa nyɔɔŋ kɛji aaye gbijurɔ krɔŋkrɔŋ ko lɛ. Kɛkɛ lɛ nyɛtsui aaayimɔ kɛ miishɛɛ tamɔ mɛi ni aakpã blɛ aahã amɛ, be mli ni amɛnyiɛ kɛyaa Yehowa, ni ji Israel Tɛsaa lɛ, we lɛ.

Yesaia 5:1

Hã mala suɔmɔ lala mahã mishieŋtsɛ lɛ yɛ ewaintrom lɛ he. Mishieŋtsɛ lɛ yɛ waintrom yɛ gɔŋ ni baa nii jogbaŋŋ nɔ.

Yeremia 15:16

Ao! Yehowa, Taiatsɛ, be ni minu owiemɔi lɛ mimɔ mli, ni ehã mina miishɛɛ, ni mimli fili mi, ejaakɛ akɛ ogbɛi ewo mi.

Mateo 26:30

Ni be ni amɛla yijiemɔ lala ko lɛ, amɛje kpo amɛtee Mu gɔŋ lɛ nɔ.

Luka 2:51

Ni ekɛ amɛ yiŋ kɛtee Nazaret, ni eba ehe shi ehã amɛ. Enyɛ kɛ nɛkɛ wiemɔi nɛɛ fɛɛ to etsui mli.

Yohane 15:7

Kɛji nyɛhi mimli ni miwiemɔi lɛ hi nyɛmli lɛ, nyɛaakpa nɔ fɛɛ nɔ ni nyɛtaoɔ he fai, ni aaafee ahã nyɛ.

Romabii 10:17

Belɛ hemɔkɛyeli lɛ, sane toiboo mli jɛɔ, ni sane toiboo hu tsɔ̃ɔ Nyɔŋmɔ wiemɔ lɛ nɔ kɛbaa.

Romabii 15:14

Shi anyɛmimɛi, mi diɛŋtsɛ hu miheɔ miyeɔ krɛdɛɛ yɛ nyɛhe akɛ nyɛ diɛŋtsɛ hu nyɛyimɔ obɔ̃bɔ̃ɔbɔ̃ kɛ mlihilɛ; ni nilee fɛɛ eyimɔ nyɛ tɔ, ni nyɛnyɛɔ nyɛwieɔ nyɛtsɔ̃ɔ nyɛhe hu.

1 Korintobii 14:15

Belɛ mɛni sa akɛ mafee? Mikɛ mumɔ aaasɔle, shi mikɛ jwɛŋmɔ hu aaasɔle; mala lala kɛ mumɔ, shi mala kɛ jwɛŋmɔ hu.

1 Korintobii 14:26

Belɛ te tɛŋŋ, anyɛmimɛi? Kɛ nyɛnaa bakpe shi ni nyɛteŋ mɔ ko yɛ lala ko, mɔ ko hu yɛ tsɔ̃ɔmɔ ko, mɔ ko yɛ kpojiemɔ ko, mɔ ko yɛ wiemɔ srɔto ko, mɔ ko yɛ shishitsɔɔmɔ ko lɛ, afee fɛɛ bɔ ni mɛi anane aaamɔ shi.

Efesobii 1:17

koni wɔNuŋtsɔ Yesu Kristo Nyɔŋmɔ lɛ ni ji anunyam Tsɛ lɛ ahã nyɛ nilee kɛ kpojiemɔ mumɔ yɛ le ni nyɛaale lɛ jogbaŋŋ lɛ mli.

Efesobii 5:17

No hewɔ lɛ, nyɛkafea nyɛhe mɛi ni bɛ yitsoŋ, shi moŋ nyɛyoa nii ni ji Nuŋtsɔ lɛ suɔmɔnaanii lɛ.

Efesobii 5:19

Nyɛkɛ nyɛhe awiewiea yɛ saŋkutswai kɛ yijiemɔ lalai kɛ mumɔŋ lalai amli, nyɛlaa ni nyɛtswaa saŋku yɛ nyɛtsuii amli nyɛhãa Nuŋtsɔ lɛ.

Efesobii 5:26

koni ekɛ hejuu yɛ nu mli kɛ wiemɔ atsuu ehe ni ehã efee krɔŋkrɔŋ,

Kolosebii 1:28

Lɛ ehe sane wɔjajeɔ, ni wɔwoɔ gbɔmɔ fɛɛ gbɔmɔ ŋaa, ni wɔtsɔ̃ɔ gbɔmɔ fɛɛ gbɔmɔ nilee nɛɛ fɛɛ, koni wɔkɛ gbɔmɔ fɛɛ gbɔmɔ adamɔ shi akɛ mɔ ni eye emuu yɛ Kristo mli.

Kolosebii 1:9

Enɛ hewɔ lɛ, wɔ hu, kɛjɛ gbi nɔ ni wɔnu lɛ, wɔfɔ̃ko sɔlemɔ kɛ faikpamɔ kɛ nyɛ hãmɔ, koni nyɛyimɔ obɔ̃bɔ̃ kɛ esuɔmɔnaanii alee yɛ mumɔŋ nilee kɛ shishinumɔ fɛɛ mli.

Kolosebii 4:6

Nyɛhãa nyɛwiemɔ he abaa nyam daa ni ŋoo ahi mli, ni nyɛle bɔ ni sa akɛ nyɛhãa mɔ fɛɛ mɔ hetoo.

1 Tesalonikabii 1:8

Ejaakɛ nyɛŋɔɔ Nuŋtsɔ lɛ wiemɔ lɛ jɛ ni egbɛ eshwã, jeee yɛ Makedonia kɛ Akaia kɛkɛ, shi moŋ nyɛhe ni nyɛheɔ Nyɔŋmɔ nɔ nyɛyeɔ lɛ ejije kɛtee he fɛɛ he, ni ehĩaaa wɔ nɔ ko kɛɛmɔ tete.

1 Tesalonikabii 4:18

No hewɔ lɛ, nyɛkɛ wiemɔi nɛɛ ashɛjeshɛjea nyɛhe mii.

2 Tesalonikabii 3:15

ni nyɛkabua lɛ akɛ henyɛlɔ, shi moŋ nyɛwiea nyɛtsɔ̃a lɛ akɛ nyɛmi.

1 Timoteo 6:17

Niiatsɛmɛi ni yɔɔ je nɛɛŋ lɛ, wo amɛ kitã ni amɛkabu amɛhe tsɔ̃, ni amɛkɛ amɛhiɛ akafɔ̃ ninamɔ ni anyɛ̃ɛɛ akɛ he afɔ̃ nɔ lɛ nɔ, shi moŋ amɛkɛfɔ̃ Nyɔŋmɔ, mɔ hu ni kɛ nibii fɛɛ hãa wɔ babaoo, akɛ wɔye mliŋɔɔmɔ lɛ nɔ.

2 Timoteo 3:15

ni ogbekɛbiiashi ojɛ ole Ŋmalɛi Krɔŋkrɔŋi lɛ, ni aaanyɛ ahã ole nii hã yiwalaheremɔ kɛtsɔ̃ Yesu Kristo nɔ hemɔkɛyeli nɔ.

Tito 3:6

Mumɔ Krɔŋkrɔŋ nɛɛ etsɔ̃ Yesu Kristo, wɔyiwalaherelɔ lɛ nɔ, efɔse eshwie wɔnɔ babaoo,

Yakobo 1:5

Shi kɛ nilee he ehia nyɛteŋ mɔ ko lɛ, ekpa Nyɔŋmɔ ni hãa mɛi fɛɛ faa ni ewieee mɔ ko hiɛ lɛ fai, ni aaahã lɛ.

Yakobo 3:17

Shi nilee ni jɛ ŋwɛi lɛ, klɛŋklɛŋ lɛ ehe tse, no sɛɛ lɛ ehe jɔ, ehiɛ kã shi, eboɔ toi, eyi obɔ̃ kɛ mɔbɔnalɛ kɛ yibii kpakpai, ejieee niiaŋ, efeee osato.

Yakobo 5:13

Nyɛteŋ mɔ ko miina amanehulu lo? Esɔle. Mɔ ko ena tsuijurɔ? Ela yijiemɔ lalai.

1 Yohane 2:14

Miiŋma nyɛ, gbekɛbii, ejaakɛ nyɛle Tsɛ lɛ. Miiŋma nyɛ, ataamɛi, ejaakɛ nyɛle mɔ ni yɔɔ kɛjɛ shishijee lɛ. Miŋma nyɛ, oblahii, ejaakɛ nyɛhe wa, ni Nyɔŋmɔ wiemɔ lɛ yɛ nyɛmli, ni nyɛye mɔ fɔŋ lɛ nɔ kunim.

1 Yohane 2:24

No hewɔ lɛ, nyɛ lɛ, nɔ ni nyɛnu kɛjɛ shishijee lɛ, nyɛhãa no ahia nyɛmli. Kɛji nɔ ni nyɛnu kɛjɛ shishijee lɛ hi nyɛmli lɛ, no lɛ nyɛ hu nyɛaahi Bi lɛ kɛ Tsɛ lɛ mli.

1 Yohane 2:27

Ni nyɛ lɛ, mufɔɔ ni nyɛna kɛjɛ eŋɔɔ lɛ yɛ nyɛmli, ni ehe ehĩaaa nyɛ akɛ mɔ ko atsɔ̃ɔ nyɛ nii, shi moŋ bɔ ni emufɔɔ lɛ tsɔ̃ɔ nyɛ nii fɛɛ, ni eji anɔkwale ni jeee amale ni lɛ, bɔ ni etsɔ̃ɔ nyɛ lɛ nyɛhia emli.

2 Yohane 1:2

yɛ anɔkwale ni hiɔ wɔmli ni ekɛ wɔ aaahi shi kɛaatee naanɔ lɛ hewɔ.

Kpojiemɔ 14:3

Ni amɛlaa lala hee ko yɛ maŋtsɛ sɛ̃i lɛ hiɛ kɛ hiɛkãalɔi ejwɛ lɛ kɛ onukpai lɛ ahiɛ; ni mɔ ko nyɛɛɛ lala lɛ akase, akɛ ja mɛi akpei oha kɛ nyɔŋmai ejwɛ kɛ ejwɛ lɛ ni akpɔ̃ kɛjɛ shikpɔŋ lɛ nɔ lɛ kɛkɛ.

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.